Category: Infocom

❌ Այսօր նախատեսված ԱՄՆ-Իրան բանակցությունները տեղի չեն ունենա
🇺🇸 Ավելի վաղ Սպիտակ տունը հայտնել էր, որ ԱՄՆ փոխնախագահ Ջեյ Դի Վենսի այցը Բուրգենշտոկ հետաձգվել է՝ «լոգիստիկ» խնդիրների պատճառով։
🇮🇷 Իրանական լրատվամիջոցներն էլ իրենց հերթին տեղեկություններ էին տարածել, որ Թեհրանն ինքն է հետաձգել իր պատվիրակության այցը Շվեյցարիա՝ Լիբանանի վրա Իսրայելի շարունակական հարձակումների պատճառով։ |azatutyun.am|

🇺🇸🇮🇷 ԱՄՆ զինված ուժերը դադարեցրել են իրանական նավահանգիստների և ափամերձ տարածքների ծովային շրջափակումը, հայտարարել է Պենտագոնի կենտրոնական հրամանատարությունը։
🗣 «Մեր ռազմածովային նավերը կմնան տարածաշրջանում՝ համոզվելու համար, որ համաձայնագրի բոլոր ասպեկտները պահպանվում են և լիովին ուժի մեջ են։ Ամերիկյան ուժերը չեն խոչընդոտում նավերի տարանցմանը դեպի իրանական նավահանգիստներ և հակառակ ուղղությամբ»,- նշված է Պենտագոնի հայտարարության մեջ։

❗️Արտուր Օսիպյանը հայտարարել է, որ հայցադիմում է ներկայացրել Նիկոլ Փաշինյանի դեմ։
🗣 «Հարգելի հայրենակիցներ, մայիսի 18-ին ՀՀ վարչապետի թեկնածու Ն. Փաշինյանի կողմից իմ նկատմամբ հնչեցրած զրպատության և կեղծ տեղեկություններ տարածելու պատճառով արժանապատվությունս պաշտպանելու համար դիմել էի ծայրահեղ միջոցի՝ հացադուլի, քանի որ անազատության մեջ այլ տարբերակ չեմ ունեցել։
🔸 Բայց հաշվի առնելով, որ դատախազությունը փոխել է խափանման միջոցը, ես շարունակում եմ պայքարը այլ ճանապարհով, և այսօր հայցադիմում եմ ներկայացրել ՀՀ ընդհանուր իրավասության առաջին ատյանի քաղաքացիական դատարան զրպարտություն համարվող փաստացի տվյալները հրապարակայնորեն հերքելուն և նրան ներողություն խնդրելուն պարտավորեցնելու պահանջների մասին։ Նշեմ, որ իմ դեմ նախաձեռնած քրեական վարույթը դեռ ընթացքի մեջ է»,- գրել է Օսիպյանը։

🗣 Սամվել Կարապետյանը հայտարարել է, որ ընդդիմության խորհուրդը կդիմի ՌԴ-ին՝ արտահանման խնդիրները լուծելու համար։

📣 Նրա խոսքով` այդ խնդիրները օր առաջ պետք է լուծվեն, քանի որ դրանից տուժում է ոչ թե իշխող ուժը, այլ հայ ժողովուրդն ու Ռուսաստանում աշխատող հայ բիզնեսմենը․ «Ես վստահ եմ, որ այս իշխանությունը ո՛չ ցանկություն ունի, ո՛չ հնարավորություն դա կանգնեցնելու։ Մենք այդ նախաձեռնությունը վերցնելու ենք մեզ վրա»,- ասել է Կարապետյանը։
🗳 Անդրադառնալով մանդատները վերցնել-չվերցնելու հարցին, նա նշել է, որ այդ նարատիվը, թե ընդդիմությունը չպետք է վերցնի մանդատները, զարգացնում են իշխանությունն ու նրան աջակցող ուժերը։ Միևնույն ժամանակ նա նշել է, որ հարցը պետք է քննարկվի ընդդիմադիր բոլոր ուժերի հետ և ճիշտ որոշում կայացվի։|arm.sputniknews.ru|

⚖️ Դատարանը երեք ամսով երկարաձգել է Բագրատ արքեպիսկոպոս Գալստանյանի տնային կալանքը։
📌 Նույն գործով անցնող Կարո Օկումուշյանի տնային կալանքը փոխարինվել է այլընտրանքային խափանման միջոցով՝ վարչական հսկողությամբ և բացակայելու արգելքով։