Category: Infocom

⚡️ ՀԷՑ-ում արձանագրվել են թերգրանցումներ. հաղորդում է ներկայացվել Գլխավոր դատախազություն։
🗣 «ՀԷՑ-ի միայն մեկ մասնաճյուղի երկու տարբեր ցանցերում արձանագրվել են Ինքնավար էլեկտրաարտադրողների (արևային կայանների) կողմից արտադրված և Բաշխիչ ցանց հետ մղված (ՀԷՑ-ին մատակարարված) էլենտրաէներգիայի քանակի՝ ավելի քան 1 մլն կՎտ ժ թերգրանցումներ», — ֆեյսբուքյան իր էջում գրել է ՀԷՑ ժամանակավոր կառավարիչ Ռոմանոս Պետրոսյանը:
🔗 Կարդալ ավելին

🇦🇿🇫🇷 Իլհամ Ալիևն այսօր հայտարարել է, որ Կոպենհագենում Էմանուել Մակրոնի հետ ունեցած հանդիպման արդյունքում երկու երկրների միջև թյուրըմբռնման պատճառ դարձած հարցերը անցյալում են մնացել։
🗣 Այս մասին, ըստ ադրբեջանական կողմի պաշտոնական հաղորդագրության, Ալիևն ասել է Ադրբեջանում Ֆրանսիայի դեսպան Սոֆի Լաքտոնի հետ հանդիպմանը։
📌 Ալիևն ընդգծել է երկկողմ օրակարգում նոր դարաշրջանի սկիզբը, անդրադարձել գործարար կապերի վերականգնման և զարգացման, ինչպես նաև մշակութային և հումանիտար ոլորտներում համագործակցության կարևորությանը։
📣 Ըստ հաղորդագրության՝ դեսպանն իր հերթին նշել է, որ Ադրբեջանի և Ֆրանսիայի միջև հարաբերություններում նոր էջ է բացվել, և որ ինքը ջանք չի խնայի հարաբերությունները զարգացնելու համար։

⚖️ [«Սիսական» ջոկատի հրամանատար] Աշոտ Մինասյանը, ապօրինի կերպով հրազեն, ռազմամթերք, պայթուցիկ նյութեր և պայթուցիկ սարքեր ձեռք բերելու, փոխադրելու ու պահելու համար, դատապարտվել է 2 տարի ժամկետով ազատազրկման։

📌 Հիշեցնենք, որ Աշոտ Մինասյանի նկատմամբ հանրային քրեական հետապնդումը հարուցվել էր այն արարքի համար, որ նա, խախտելով օրենսդրությամբ սահմանված կարգը, ձեռք էր բերել, փոխադրել և Սիսիան քաղաքի Իսրայելյան փողոցում գտնվող ռեստորանային համալիրին կից, իր տիրապետման ու օգտագործման ներքո գտնվող շինությունում մինչև 2020 թվականի նոյեմբերի 13-ը պահել էր հրազեն, ռազմամթերք, պայթուցիկ նյութեր:
[ՀՀ գլխավոր դատախազություն]
🔗Կարդալ ավելին

‼️ Ես ոչ բոլորին հրահանգներ տալու լիազորություն ունեմ և չեմ կարծում, որ ՀՀ-ում կան պաշտոնյաներ, որոնք պատրաստ են ապօրինի հրահանգներ իրականացնել: ՀՀ-ում պետական ինստիտուտները գործում են իրենց լիազորությունների և վերապահված իրավունքների շրջանակում:
🗣 Այս մասին ասուլիսի ժամանակ ասաց ՀՀ վարչապետ Նիկոլ Փաշինյանը՝ պատասխանելով Կաթողիկոսի և եկեղեցու սպասավորների վերաբերյալ իր քննադատությունների և իրավապահների գործողությունների կապի մասին հարցին:
💬 «Ես երեկ Լուրերն էի նայել և իմացել, որ հաղորդում է եղել հանցագործության մասին, և հաղորդմանը եղել է արձագանք»,- ասել է նա:

🇦🇿💰 Ադրբեջանի իշխանությունները նախատեսում են պաշտպանության և ազգային անվտանգության ծախսերը 2026-2029թթ. ընթացքում կրճատել 8,6%-ով:
📉 2026թ. Ադրբեջանի պաշտպանության ծախսերը կկազմեն պետական ​​բյուջեի բոլոր ծախսերի 20,9%-ը: 2029թ. այս բաժինը կնվազի մինչև 18,4%-ի։ |factor.am|

🇨🇳🇺🇸 Չինաստանը պատասխանել է ռուսական նավթից հրաժարվելու վերաբերյալ Թրամփի հայտարարությանը:
💬 «Չինաստանը հաստատակամորեն հերքում է բոլոր տեսակի անօրինական միակողմանի պատժամիջոցները, իրավասությունների ընդլայնումը և հարկադրանքի ու ճնշման ցանկացած ձև»,- հայտարարել է ԱՄՆ-ում Չինաստանի դեսպանությունը՝ ընդգծելով, որ միջազգային հանրության ներսում օրենքի շրջանակներում փոխգործակցությունը ողջամիտ և օրինական է ու չի վնասում երրորդ կողմերի շահերին, հետևաբար դա պետք է հարգվի ու պաշտպանվի։
📌 Նշենք, որ Թրամփը նախօրեին հայտարարել է, թե Հնդկաստանի վարչապետ Մոդին խոստացել է դադարեցնել ՌԴ-ից նավթի գնումը, և որ ԱՄՆ-ն պատրաստվում է հասնել նրան, որ նույնն անի Չինաստանը: Հնդկական կողմը դեռևս չի արձագանքել այս հայտարարությանը: |armenpress.am|

⚖️ 44-օրյա պատերազմի ժամանակ ՀՀ ՊՆ գլխավոր շտաբի պետի տեղակալ, գեներալ-լեյտենանտ Անդրանիկ Մակարյանը երեկ դատարանում ծավալուն հայտարարությամբ հանդես եկավ։
🗣 Երկու նիստ շարունակ վկային տրվող անվերջանալի հարցերն ու պարբերաբար կռվի վերածվող հարցաքննության ընթացքը, ըստ ամենայնի, ստիպեցին Մակարյանին հրապարակել 2020 թ․ հոկտեմբերի 21-ին Էջմիածնի քիմիկների զորամասի անձնակազմի մասնակցությամբ մարտական գործողության մտահղացման պլանը։
📎 Կարդալ ավելին

‼️ Հայ դատի Ամերիկայի հանձնախմբի քաղաքականության հարցերով տնօրեն Ալեքս Գալիցկին քննադատել է ԱՄՆ կոնգրեսի անդամներ Դարել Իսսայի և Գաս Բիլիրակիսի ներկայացրած «խաղաղության օրինագիծը», որով առաջարկվում է պատժամիջոցներ կիրառել Ադրբեջանի նկատմամբ Հայաստանի դեմ նոր ագրեսիայի դեպքում:
📣 «Չնայած այն պնդումներին, թե «Խաղաղության օրենքը» կկիրառի «նախադեպը չունեցող պատժամիջոցներ» Ադրբեջանի դեմ, այն փաստացի «թղթե վագր» է՝ նախատեսված, կարծես, կոշտ երևալու համար, սակայն իրականում անպետք է, անիրագործելի և սահմանափակ շրջանակով։
💬 Պատժամիջոցները կկիրառվեն միայն Հայաստանի նկատմամբ «նոր ագրեսիայի» պարագայում՝ անտեսելով Ադրբեջանի կողմից ինքնիշխան հայկական տարածքների շարունակական օկուպացիան, հայ գերիների պատանդառումը ու նրանց նկատմամբ բռնությունը, հայկական մշակութային ժառանգության և ունեցվածքի ոչնչացումը, ինչպես նաև արցախահայության՝ իրենց տները անվտանգ և արժանապատիվ վերադառնալու իրավունքը»,- հայտարարել է Գալիցկին։
📌 Նշենք՝ օրինագիծը, ի թիվս առաջարկվող սանկցիաների, աջակցություն է հայտնում ՀՀ ինքնիշխանությանը, Նիկոլ Փաշինյանի խաղաղության նախաձեռնություններին:
🖇 Կարդալ ավելին