Category: Infocom

⚖️ Վերաքննիչ դատարանի որոշմամբ վերացվել է «Մայր Հայաստան» կուսակցության վարչության անդամ Արեգնազ Մանուկյանի հետ մերձավոր ազգականների շփման արգելքը:
🗣 Այդ մասին հայտնել է նրա պաշտպան Տաթևիկ Սողոյանը՝ նշելով, որ կալանքը մնացել է անփոփոխ:

‼️ Ներկայում Քարի լճի շրջակայքը մաքրված է և պատշաճ սանիտարական վիճակում է. ԲԸՏՄ
🔸 «Աշտարակի աղբահանության և սանիտարական մաքրում» համայնքային հիմնարկի հետ քննարկվել է տարածքում աղբահանության կազմակերպման հարցը, ինչի արդյունքում համայնքն իրականացրել է սանիտարական մաքրման աշխատանքներ։
🔸 Համայնքին առաջարկվել է տարածքում տեղադրել անհրաժեշտ քանակությամբ աղբամաններ, ինչպես նաև պարբերաբար կազմակերպել աղբահանության և սանիտարական մաքրման աշխատանքներ՝ տարածքի պատշաճ սանիտարական վիճակն ապահովելու և աղբի նոր կուտակումները կանխելու նպատակով»,- հայտնել են ԲԸՏՄ-ից:

🔻 Ճամբարակում տեղի ունեցած վթարի հետևանքով վնասվածքներ ստացած զինծառայողներից 3-ը հետազոտվել են, որևէ բժշկական միջամտության անհրաժեշտություն չունեն:
🔻 Մյուս երեքի կյանքին վտանգ չի սպառնում, նրանք հոսպիտալի բժիշկների հսկողության տակ են:
[ՊՆ մամուլի քարտուղար Արամ Թորոսյան]

👮‍♂️ Վարդաշենցիների ակցիայի ժամանակ բերման ենթարկված տղամարդը ձերբակալվել է:
🗣 Այդ մասին «Սպուտնիկ Արմենիա»-ին հայտնել են ՆԳՆ ոստիկանությունից։
💬 «Ակցիայի ժամանակ տղամարդը հարվածել է ոստիկանին, ինչը հստակ երևում է նաև ԶԼՄ–ների տեսանյութերում։ Տղամարդը ձերբակալվել է և տեղափոխվել ոստիկանության համայնքային բաժին»,- նշել են ոստիկանությունից։

‼️ Կառավարության նախորդ ծրագիրը հիբրիդային ծրագիր է եղել. մի կողմից ունեցել է նոր բովանդակությունը, որ եղել է խաղաղության օրակարգը, մյուս կողմից՝ հին բովանդակությունն է նաև տեղ գտել այդտեղ (նկատի ունի Շուշիի, Հադրութի դեօկուպացիայի մասին կետերը):
🔸 Բայց [2021-ի] նախընտրական քարոզչության ընթացքում տեղի ունեցավ էական և կարևոր մի բան՝ ՀՀ քաղաքացիները, այն մարդիկ, հանրության այն հատվածը, ում ես ընկալում եմ որպես ՀՀ սնուցող մայրեր, մեզ և կոնկրետ ինձ ըստ էության պարտադրել են վերանայել այդ ամբողջ գաղափարաբանությունը, հայացքը և հայեցակարգը: …
📑 Կառավարության [նոր] ծրագիրը ամբողջությամբ հիմնված է «Իրական Հայաստան»-ի գաղափարախոսության և չորրորդ հանրապետության տեսլականի վրա, և սա է այն առանցքային, գաղափարական փոփոխությունը կամ վերափոխումը, որ տեղի է ունենում Կառավարության ծրագրում:
[Նիկոլ Փաշինյան]