Category: Infocom

❗️Մարտունի քաղաքի Սուրբ Աստվածածին եկեղեցում պայթյուն է տեղի ունեցել:
🔸 ՆԳ նախարարի մամուլի քարտուղար Նարեկ Սարգսյանը 1lurer.am-ին հայտնել է, որ եկեղեցու հարակից շինությունում պայթյուն է եղել, վնասվել է դուռ ու պատուհան: Մինչև հրշեջների՝ դեպքերի վայր հասնելը մեկ անձ հոսպիտալացվել է: Հրշեջները սահմանազատել են տարածքը և շինությունը հոսանքազրկել են:

❗️Վարչապետ Նիկոլ Փաշինյանը հանդիպում է ունեցել Իրաքյան Քուրդիստանի նախագահ Նեչիրվան Բարզանիի հետ:
📌 Զրուցակիցները գոհունակություն են հայտնել երկկողմ առևտրատնտեսական համագործակցությունից և կարևորել բիզնես կապերի խորացումը, ինչը լրացուցիչ ազդակ կհաղորդի տնտեսական հարաբերություններին:
🔸Մտքեր են փոխանակվել նաև տարածաշրջանային նշանակության հարցերի շուրջ: Կարևորվել է խաղաղության ու կայունության ապահովման ուղղությամբ հետևողական քայլերի իրականացումը:
[ՀՀ կառավարություն]

🇺🇸🇪🇺 ԱՄՆ փոխնախագահ Ջեյ Դի Վենսը փետրվարի 14-ին ելույթ ունենալով Մյունխենի անվտանգության համաժողովին, քննադատել է եվրոպական պետությունների քաղաքականությունը՝ միգրացիայի, խոսքի ազատության և անվտանգության ոլորտներում։
🔸 Վենսը հայտարարել է, որ Եվրոպան պետք է «նախաձեռնություն վերցնի սեփական անվտանգությունն ապահովելու հարցում»։
🔸 Բացի այդ, քաղաքական գործիչը կոչ է արել եվրոպական երկրներին փոխել միգրացիոն քաղաքականությունը։
📌 Ամերիկացի քաղաքական գործիչն իր ելույթում անդրադարձել է Մյունխենում 24-ամյա աֆղանցու՝ ցուցարարների վրա մեքենայով մխրճվելու դեպքին։ «Ինչո՞ւ դա տեղի ունեցավ: Սա սարսափելի պատմություն է, ու մենք շատ անգամ ենք լսել նման դեպքերի մասին Եվրոպայում և, ցավոք, նաև Միացյալ Նահանգներում», – ասել է Վանսը, ապա հավելել․ «Այս մայրցամաքում ոչ մի ընտրող չի քվեարկել միլիոնավոր չստուգված ներգաղթյալների համար դռները բացելու օգտին»: |factor.am|

🇺🇦🇪🇺 Ուկրաինայի նախագահ Վլադիմիր Զելենսկին կոչ է անում համաեվրոպական զինված ուժեր ստեղծել՝ հայտարարելով, որ աշխարհամասը պետք է ինքնուրույն դառնա Ռուսաստանի մշտական սպառնալիքի և ԱՄՆ-ի աջակցության հարցում անորոշության ֆոնին, մի իրավիճակ, որը նա բնորոշել է որպես «նոր իրականություն»:
📌 Անդրադառնալով Ուկրաինայում պատերազմի դադարեցման հնարավոր պայմաններին՝ Զելենսկին պնդել է, թե երբեք չի համաձայնի իր մեջքի ետևում կնքված պայմանավորվածություններին:
🔸 Ուկրաինայի նախագահը նաև հայտարարել է, թե մտադիր չէ ՆԱՏՕ-ին Ուկրաինայի անդամակցության հարցը հանել բանակցային սեղանից։ |azatutyun.am|

🇦🇲🇳🇴 Մյունխենում տեղի է ունեցել Հայաստանի և Նորվեգիայի վարչապետներ Նիկոլ Փաշինյանի և Յոնաս Գահր Ստյորեի հանդիպումը:
📌 Նրանք անդրադարձել են նաև Հայաստան-ԵՄ հարաբերությունների հետագա զարգացմանը, ինչպես նաև տարածաշրջանային նշանակության այլ թեմաների:
[ՀՀ կառավարություն]

🇦🇲🇩🇪 Մյունխենի անվտանգության համաժողովի շրջանակում Նիկոլ Փաշինյանը հանդիպում է ունեցել Գերմանիայի կանցլեր Օլաֆ Շոլցի հետ:
📌 Կողմերը քննարկել են Հայաստան-Գերմանիա երկկողմ հարաբերությունների օրակարգը և բազմոլորտ համագործակցության խորացման հեռանկարները:
📌 Փաշինյանը կարևորել է երկկողմ կապերի ընդլայնումն ու առևտրատնտեսական կապերի ակտիվացումը: Զրուցակիցներն անդրադարձել են նաև տարածաշրջանային անվտանգության ու կայունության հարցերին:
🔸Կանցլեր Շոլցն իր հերթին նշել է, որ Գերմանիան պատրաստ է շարունակել աջակցել Հայաստանի ժողովրդավարական բարեփոխումների օրակարգին, ինչպես նաև խաղաղության հաստատմանն ուղղված քայլերին:
[ՀՀ կառավարություն]

🇦🇲🇪🇪 Սուրեն Պապիկյանը հանդիպել է Էստոնիայի պաշտպանության նախարար Հանո Պևկուրի հետ։
📌 Կողմերը քննարկել են պաշտպանության բնագավառում Հայաստան-Էստոնիա համագործակցության հեռանկարները, մասնավորապես՝ պայմանավորվածություն է ձեռք բերվել նախաձեռնել փոխգործակցություն պաշտպանության ոլորտում՝ հեռանկարային համարելով կիբեռանվտանգության ուղղությունը։
[ՀՀ ՊՆ]

🇦🇲🇱🇹 Սուրեն Պապիկյանը հանդիպել է Լիտվայի ազգային պաշտպանության նախարար Դովիլե Սակալիենեի հետ։
📌 Նախարարները քննարկել են երկկողմ համագործակցության ընթացքը, նախանշվել են փոխգործակցության նոր ուղղություններ։
🔸 Կողմերը պատրաստակամություն են հայտնել շարունակել սերտ համագործակցությունն ինչպես երկկողմ, այնպես էլ բազմակողմ՝ ՆԱՏՕ-ի և ԵՄ ձևաչափերով։
[ՀՀ ՊՆ]

🇮🇷 Ատոմային էներգիայի միջազգային գործակալության (ԱԷՄԳ) ղեկավարը զգուշացնում է, որ Իրանը շարունակում է ավելացնել ուրանի արտադրության ամսական ծավալները՝ մոտենալով միջուկային զենք ունենալու համար պահանջվող մակարդակին, և Թեհրանի միջուկային ծրագիրը զսպելու համաձայնություն կնքելու համար քիչ ժամանակ է մնում:
📌 Մյունխենի Անվտանգության համաժողովին մասնակցող Ռաֆայել Գրոսին ընդգծել է, որ Թեհրանը 60 տոկոս հարստացված ուրանի ամսական արտադրությունը մեծացրել է գրեթե յոթնապատիկ: Ավելի վաղ նա կոչ էր արել Թրամփի վարչակազմին և Թեհրանին ներգրավվել երկխոսության մեջ՝ առաջ մղելու միջուկային բանակցությունները, և ընդգծել, որ այդ երկխոսությունը «բացարձակապես անհրաժեշտ է» առաջընթաց գրանցելու համար:|azatutyun.am|