Category: Infocom

🇦🇲🇦🇿 Այսօր տեղի է ունեցել Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովի տասներորդ հանդիպումը՝ փոխվարչապետ Մհեր Գրիգորյանի և Ադրբեջանի փոխվարչապետ Շահին Մուստաֆաևի նախագահությամբ:
🤝 Կողմերը արձանագրել են, որ Հանձնաժողովների համատեղ գործունեության մասին 2024թ. օգոստոսի 30-ին ստորագրված Կանոնակարգն ուժի մեջ է մտնում 2024թ. նոյեմբերի 1-ին:
📌 Կողմերը մտքեր են փոխանակել սահմանազատման աշխատանքների հետագա իրականացման համար սահմանագծի հատվածների/հատվածամասերի հերթականության հարցի շուրջ: Կողմերը պայմանավորվել են աշխատանքային կարգով համաձայնեցնել հաջորդ հանդիպման անցկացման ամսաթիվն ու վայրը: [ՀՀ ԱԳՆ]

🪧 ՀՀ-ում ՌԴ դեսպանության դիմաց Բաքվի բանտերում պահվող հայ գերիների ազատ արձակման պահանջով բողոքի ցույց անցկացվեց։
🗣 Ակցիայի ժամանակ ԱԺ «Հայաստան» խմբակցության պատգամավոր Արծվիկ Մինասյանը հայտարարեց․ «Ռուսաստանից ակնկալում ենք անմիջական ներգրավվածություն և ազդեցության գործադրում, որպեսզի ազատ արձակվեն հայ բոլոր գերիները, որոնք պատանդառվել են, հարկադիր պահվում են, խոշտանգման են ենթարկվում Բաքվի բանտերում»։
📌 Նրա խոսքով, Արցախի ռազմաքաղաքական ղեկավարությունն իր հայրենիքի պաշտպանության համար, տարրական, նվազագույն մարդկային արժանապատվությունը պահելու համար այսօր հայտնվել է Բաքվի բանտերում․ «Եկել է ժամանակը հայ ժողովրդի հետ միասին թև-թիկունքի տված պայքարելու այս միջազգային չարիքի դեմ, ազատ արձակենք մեր հայրենակիցներին, վերականգնենք համամարդկային արժանապատվությունը, դատապարտենք Ադրբեջանի ագրեսիվ ցեղասպան ռեժիմը»,- ասել է Մինասյանը։ |tert.am|

📢 «Սրբազան պայքարի» անդամներն այսօր բողոքի ակցիա են իրականացնում ՄԻՊ գրասենյակի դիմաց՝ պահանջելով վերջ տալ ապօրինություններին։
🔸 Խոսքը վերաբերում է օրերս տեղի ունեցած ձերբակալություններին։

❗️ Առողջապահության նախարարության բյուջեն 2025թ. կլինի 162 մլրդ 996 մլն դրամ, որը 5,3 մլրդ դրամով պակաս է 2024թ. բյուջեով նախատեսված գումարից: Այս մասին ԱԺ-ում ասաց ՀՀ ֆինանսների նախարար Վահե Հովհաննիսյանը:
🗣 «2024թ. բյուջեով նախատեսված էր գումար առողջության համապարփակ ապահովագրության ներդրման դեպքում հատկացման համար: Եթե այս գումարը հաշվի չառնենք, ապա 2025թ. բյուջեն 2024-ի նկատմամբ ավելացել է 12,7 մլրդ դրամով»,- ասաց Վահե Հովհաննիսյանը:
🔸Առողջության համապարփակ ապահովագրության ներդրման համար նախատեսված էր 18 մլրդ դրամ: Քանի որ համակարգը չի ներդրվել, գումարը չի ծախսվել, բայց գումարը, ըստ առողջապահության նախարարի, բաշխվել է տարբեր ուղղություններով: |1lurer.am|

🇮🇱🇱🇧 Իսրայելը վաղ առավոտյան ավիահարվածներ է հասցրել Բեյրութի հարավային արվարձաններին, որից առաջ բնակիչներին տարհանման հրահանգ էր տրվել։
🔸 Իսրայելի պաշտպանության բանակը հայտարարել է, որ թիրախավորում է «Հեզբոլլահ»-ի օբյեկտները։|armenpress.am|

🚇 Մետրոյի ծանրաբեռնվածություն կարող է հանդիպել աշխարհի ամենազարգացած երկրներում: Այս մասին գրառում է կատարել Մետրոպոլիտենի մամուլի քարտուղար Աննա Ասլանյանը։
🗣 «Այսօր սոցցանցերում մեր քաղաքացիները մետրոյի ուղեւորափոխադրումների վերաբերյալ հրապարակումներ են անում և իրենց դժգոհություններն արտահայտում պիկ ժամերին ստեղծված որոշակի անհարմարություններից։
🔸 Հատկապես առավոտյան և երեկոյան ժամերին մետրոյի ծանրաբեռնվածությունը երբեմն կարող է առաջացնել անհարմարություններ, քանի որ ուղևորափոխադրումը բավականին ավելացել է, բայց պետք է նշեմ, որ նման ծանրաբեռնվածությունը՝ հատկապես մեծ քաղաքների մետրոյի համակարգերի համար, բնորոշ երևույթ է: Պատճառված անհարմարությունների համար հայցում ենք մեր քաղաքացիների ու մայրաքաղաքի հյուրերի ներողամտությունը»,- գրել է նա։

❗️2024-ին հաստատվել է կարմրուկով վարակման 556 դեպք, որոնցից 335-ը՝ երեխա, 221-ը՝ մեծահասակ:
[ԱՆ հիվանդությունների վերահսկման և կանխարգելման ազգային կենտրոն]

⚖️ Շիրակի մարզպետարանի պաշտոնյային մեղադրանք է ներկայացվել ավելի քան 5000 դոլար կաշառք ստանալու համար:
🔸 Հ. Կ.-ն, զբաղեցնելով Շիրակի մարզպետի աշխատակազմի ստորաբաժանումներից մեկի ղեկավարի պաշտոնը, իր իշխանական լիազորություններն ու դրանցով պայմանավորված ազդեցությունն օգտագործելով, կաշառքի դիմաց նպաստել է Շիրակի մարզի դպրոցներից մեկում Ն. Խ.-ի և Ա. Մ.-ի՝ համապատասխան պաշտոններին առաջադրմանն ու նշանակմանը:
📌 Հ. Կ.-ի նկատմամբ որպես խափանաման միջոց է կիրառվել կալանքը: Նախաքննությունն ավարտվել է, և վարույթի նյութերը մեղադրական եզրակացությամբ ուղարկվել են դատարան՝ ըստ էության քննելու համար։ [Հակակոռուպցիոն կոմիտե]

🏋🏻 Հայաստանի ծանրամարտի պատանիների հավաքականի անդամները ոսկե և բրոնզե մեդալներն են նվաճել Եվրոպայի ընթացիկ առաջնությունում:
🏆 Երկամարտի 350 կգ արդյունքով Սուրեն Գրիգորյանը դարձավ Եվրոպայի մինչև 23 տարեկանների առաջնության ոսկե մեդալակիր:
🥉 Մնացական Աբրահամյան Եվրոպայի առաջնության բրոնզե մեդալակիր է: