Category: Infocom

🌆 Երևանի ավագանին հաստատել է մայրաքաղաքի գլխավոր հատակագիծը:
📌 Նոր գլխավոր հատակագծի անհրաժեշտությունը պայմանավորվել է ՀՀ մասնավորապես Քաղաքաշինության մասին օրենքով ընթացիկ տարվա հուլիսի 1-ից ուժի մեջ մտած այն կետով, որի համաձայն գլխավոր հատակագիծ չունեցող համայնքներն այլևս հնարավորություն չեն ունենա նախագծման թույլտվություն տրամադրել և հողամասերի օտարում իրականացնել։ 
🗣 «Կատարվել են շտկումներ և այն տերմինները, որոնք տեղ են գտել առաջարկվող գլխավոր հատակագծում, բացառապես համապատասխանում են Հողային օրենսգրքին։ Նախորդ գլխավոր հատակագծում կանաչ տարածքները ձևակերպված էին որպես հասարակական նշանակության կանաչ գոտիներ, որը չէր համընկնում Հողային օրենսգրքի ձևակերպմանը։ Ներկայում այն փոփոխվել է և հստակ ամրագրվել, որ դրանք բնակավայրերի ընդհանուր օգտագործման տարածքներն են՝ որոշ դեպքերում զբոսայգիներ, որոշ դեպքերում էլ  ճանապարհներ, փողոցներ»,-ասել է զեկուցող «Երևան նախագիծ» ՓԲԸ տնօրենի ժամանակավոր պաշտոնակատար Անդրանիկ Սեդոյանը։ |armenpress.am|

🇬🇪🇦🇿🇹🇷 Բաթումիում մեկնարկել է Վրաստանի, Ադրբեջանի և Թուրքիայի պաշտպանության նախարարների հանդիպումը։
📌 Յաշար Գյուլերը, Զաքիր Հասանովն ու Իրակլի Չիկովանին քննարկում են ռազմական համագործակցության նոր հեռանկարները, տարածաշրջանային անվտանգությունն, ինչպես նաև փոխադարձ հետաքրքրություն ներկայացնող մի շարք այլ հարցեր։
🤝 Ըստ երկրների գերատեսչությունների՝ տեղի են ունեցել նաև երկկողմ հանդիպումներ։

🇦🇲🇦🇿 Խաղաղության պայմանագրի համաձայնեցված մասում դիվանագիտական հարաբերություններ հաստատելու դրույթ կա․ Փաշինյան

🗣 Փաշինյանն անդրադարձել է նաև տարածաշրջանային հաղորդակցության ուղիների ապաշրջափակմանը՝ նշելով, որ փորձ է արվում ներկայացնել, թե նոյեմբերի 9-ի եռակողմ հայտարարությունը ենթադրում է, որ ՀՀ տարածքում կոմունիկացիաների անվտանգությունը պետք է ապահովեն երրորդ ուժերը կամ երրորդ երկիր, սակայն նման ընկալումը որևէ կապ չունի իրականության հետ։ «Որևէ գործընկեր որևէ հիմք չունի Հայաստանին մեղադրելու նոյեմբերի 9-ի հայտարարության որևէ դրույթ չիրականացնելու մեջ»,- ասել է նա։
📌 Վարչապետը հիշեցրել է, որ նոյեմբերի 9-ի հայտարարության 9-րդ կետը ոչ թե Ադրբեջանի և Նախիջևանի միջև կապն ապահովելու, այլ տարածաշրջանում բոլոր տնտեսական և տրանսպորտային կապերն ապաշրջափակելու մասին է․ «Ադրբեջանի հիմնական մասի և Նախիջևանի միջև կապը 9-րդ կետի ենթաբովանդակային դրույթ է, իսկ 9-րդ կետի հիմնական բովանդակությունը տարածաշրջանի բոլոր տնտեսական և տրանսպորտային կապերն ապաշրջափակելու մասին է»։|civilnet.am|

🗣️ Քասախ գյուղի բնակիչները բողոքի ակցիա են իրականացնում. նրանք մեքենաներով փակել են Երևան-Աշտարակ ավտոճանապարհը:

📍 Գյուղի բնակիչները բողոքում են, որ Նաիրի համայնքի ղեկավարը՝ Նորայր Սարգսյանը, ավագանու նիստում որոշել է չեղարկել մի որոշում, ըստ որի՝ բնակիչներին գյուղնշանակության համար տրամադրված հողակտորների վրա շինթույլտվության իրավունքը պետք է բացառվի: |news.am|

⚖️ Օդային հարձակման ժամանակ պետք էր կրակե՞լ ԱԹՍ–ի ուղղությամբ թե՞ պատսպարվել․ այս հարցն այսօր երկար քննարկվեց 44-օրյա պատերազմի ժամանակ զորամասի հրամանատարի տեղակալ Անդրանիկ Վերանյանի գործով նիստին։
❗️Նա այն հրամանատարն է, որին մեղադրում են պատսպարված անձնակազմին ԱԹՍ–ի պայմաններում երթը շարունակելու հրաման տալու մեջ, ինչի հետեւանքով 18 զինծառայող զոհվել է։
🗣 Վկա Դավիթ Հարությունյանը նշեց՝ մինչ պատերազմը ԱԹՍ–ի ուղղությամբ կրակելու ցուցում էր տրված, սակայն պատերազմի ժամանակ, երբ կրակելու պատճառով զոհեր եղան, ԳՇ պետը նոր ցուցում տվեց՝ չկրակել ԱԹՍ–ի ուղղությամբ եւ երթի ընթացքում մեծացնել արագությունը, քանի որ ԱԹՍ–ն արագ ընթացող մեքենաներին չէր խոցում։ Մեղադրողը հարցրեց՝ ինչպե՞ս է, որ մեկ տարի առաջ հարցաքննվելիս ԳՇ պետի այդ կարգադրության մասին չի հայտնել։ Վկան բացատրեց՝ քրեական այլ գործերի շրջանակում որոշ փաստաթղթեր հավելյալ ուսումնասիրել է, վերանայել։
📎 Կարդալ ավելին

🤝 ՀՀ ԱԺ նախագահ Ալեն Սիմոնյանը ընդունել է Լյուքսեմբուրգի Մեծ Դքսության փոխվարչապետ, արտաքին գործերի և արտաքին առևտրի նախարար Քսավիե Բետելի գլխավորած պատվիրակությանը՝ նշելով, որ Հայաստանը մեծապես կարևորում է հայ-լյուքսեմբուրգյան հարաբերությունների ամրացումն ինչպես երկկողմ, այնպես էլ բազմակողմ համագործակցային հարթակներում:
❗️ՀՀ ԱԺ նախագահը Քսավիե Բետելին է ներկայացրել տարածաշրջանում խաղաղության հասնելու Հայաստանի տեսլականը, ինչպես նաև անդրադարձել Ադրբեջանում պահվող հայ գերիների խնդրին: Ալեն Սիմոնյանը հույս է հայտնել, որ Լյուքսեմբուրգը ևս ջանքեր կներդնի հայ գերիներին Հայաստան վերադարձնելու հարցում: [ՀՀ ԱԺ]