Category: Infocom

ℹ️ ՀՀ քննչական կոմիտեից «Ինֆոքոմին» հայտնեցին, որ քննչական գործողությունները կատարվում են Կոմիտեում նախաձեռնված քրեական վարույթի նախաքննության շրջանակում։ Այլ մանրամասներ չեն հաղորդվում։
📌 «Հետքի» աղբյուրների փոխանցմամբ՝ իրավապահները զենք են փնտրում, քանի որ օպերատիվ տեղեկություններ են ստացել նախապատրաստվող հանցագործությունների մասին:

🇺🇸🔍 Վաշինգտոնի դատախազությունը հետաքննում է Waldorf Astoria հյուրանոցի դիմաց ադրբեջանցի ներգաղթյալների հետ կապված միջադեպը, հաղորդում է «Ազատության» Վաշինգտոնի թղթակիցը։
🗣 Ցուցարարներից մեկը պատմել է. «Մենք միայն ուզում էինք խաղաղ բողոքի ակցիա անցկացնել և կոչ անել ազատ արձակել քաղաքական բանտարկյալներին։ Փոխարենը նախագահի թիկնապահները հարձակվեցին մեզ վրա։ Նրանք պատռեցին իմ հագուստը, ոտքով հարվածեցին ինձ»: |azatutyun.am|

🇮🇷 Իրանը չի պատրաստվում պատերազմ սկսել, սակայն վճռականորեն կարձագանքի իր դեմ ուղղված ցանկացած ռազմական ագրեսիայի, իսկ թշնամական ռազմաբազաները կհամարի օրինական թիրախներ:
🇺🇳📩 Այս մասին ասվում է ՄԱԿ-ում Իրանի մշտական ​​ներկայացուցիչ Ամիր Սայիդ Իրավանիի՝ ՄԱԿ գլխավոր քարտուղար Անտոնիու Գուտերեշին և ԱԽ նախագահ Ջեյմս Կարիուկիին ուղղված նամակում։ |armenpress.am|

🇦🇿🇦🇲 Ադրբեջանի նախագահի օգնական Հիքմեթ Հաջիեւը խորհրդանշական է համարում Փաշինյանի ու Ալիեւի ձեռքսեղմումը ԱՄՆ-ում․
🗣 «Մեծատառերով գրված «խաղաղություն» բառի ֆոնին Ադրբեջանի նախագահն ու Հայաստանի վարչապետը իրար ձեռք են սեղմում: Այն, ինչ կարող է պատահականություն թվալ, խոր խորհրդանշական իմաստ ունի»,- գրել է Հաջիեւը X-ում։

🇦🇲🇺🇸🇦🇿 Խաղաղության խորհրդի առաջին նիստի բացմանը ԱՄՆ նախագահ Դոնալդ Թրամփը հայտարարել է, որ Նիկոլ Փաշինյանն ու Իլհամ Ալիևը կարծես թե ընկերացել են։
🗣 «Կարծում եմ՝ նրանք ընկերացել են։ 30 տարի միմյանց դեմ պայքարելուց հետո իմ գրասենյակում նրանք դանդաղ մոտեցան միմյանց, ապա գրկախառնվեցին և խաղաղության պայմանագիր ստորագրեցին»,- ասել է ԱՄՆ նախագահը։
🤝 Նա շնորհակալություն է հայտնել Նիկոլ Փաշինյանին և Իլհամ Ալիևին, որից հետո նրանք միմյանց ձեռք սեղմեցին։