Category: Infocom

📣 Ստիպված է լինելու հերքել. Դրմեյանը` Փաշինյանի հայտարարության մասին
🗣 Լիպարիտ Դրմեյանը նշել է, որ ներկայացված փաստերը իրականության հետ ոչ մի աղերս չունեն, իսկ ինքը գործել է հանուն «մեկ սուբյեկտի, եւ այդ մեկ սուբյեկտը Հայաստանի Հանրապետությունն է»։
📌 «Զավեշտն այն է, որ այս ամենը հետեւում է իմ քաղաքական ակտիվությանը։ Ավելին, այս ամենը հետեւում է Սահմանադրական դատարանում մեր ներկայացրած փաստարկներին, որոնք ուղղակիորեն ցույց էին տալիս, թե ֆինանսական, ադմինիստրատիվ եւ ռեպրեսիվ ինչպիսի միջոցներ էին կիրառվել ՔՊ-ի կողմից ընտրությունների ամբողջ ընթացքում», — գրել է Միջազգային իրավական հարցերով ներկայացուցչի գրասենյակի նախկին ղեկավար, «Միասնության թևեր» կուսակցության անդամ Դրմեյանը։

⚖️ Աննա Հակոբյանի հրապարակման վերաբերյալ նախաձեռնվել է քրեական վարույթ:
🔸 Վարույթը նախաձեռնվել է տեղեկատվական կամ հաղորդակցական տեխնոլոգիաներն օգտագործելով խուլիգանություն կատարելու դեպքի առթիվ:
🔸 Անձի վերաբերյալ մեկ այլ՝ բռնություն գործադրելու հրապարակային կոչեր հնչեցնելու քրեական վարույթով կա կալանավորման որոշում, և հայտարարված է հետախուզում: |1lurer.am|
[Քննչական կոմիտե]

📣 19-ամյա ժամկետային զինծառայողի մոտ դաժան ծեծի հետքեր չեն արձանագրվել. ՄԻՊ Անահիտ Մանասյան
🗣 Մանասյանը, պատասխանելով լրագրողների՝ զինծառայողի հետ հանդիպման մանրամասների վերաբերյալ հարցերին, ասաց, որ անձը տարբեր հարցերով է կիսվել, այդ թվում հենց հոգեբանական վիճակով, իսկ ինքը խոստացել է, որ քննարկված հարցերն ու խնդիրները չեն դառնալու հրապարակային։
📌 Մանասյանի խոսքով ՝ այժմ ուշադրության կենտրոնում պետք է լինի զինծառայողի իրավունքները։ Մասնավորապես, անհրաժեշտ է որոշել, թե արդյոք նա կարող է շարունակել զինվորական ծառայությունը և արդյոք պիտանի է դրան: Մարդու իրավունքների պաշտպանն ընդգծեց, որ նման գնահատական պետք է տան իրավասու մասնագետները։ |arm.sputniknews.ru|

⚖️ ՀՀ վարչապետի կողմից այսօր բարձրաձայնված ՀԷՑ-ի վերաբերյալ հայտարարությանը ընթացք է տրվել։ Այս մասին Դատախազությունից հայտնել են news.am-ին։
📌 Հիշեցնենք, որ Փաշինյանն այսօր խոսել էր ՀԷՑ-ի՝ արբիտրաժում հաղթանակի մասին։ Նա, հավանաբար նկատի ունենալով վարչապետի աշխատակազմի միջազգային իրավական հարցերով ներկայացուցչի գրասենյակի ղեկավար Լիպարիտ Դրմեյանին, ասել էր․ «Պարզվեց, որ այս շենքում իրենք մարդ ունեին, մենք իրեն այստեղից դուրս հրավիրեցինք»։

⚖️ Արմեն Աշոտյանի նկատմամբ կիրառված բանտային կալանքը փոխարինվել է տնային կալանքով, անազատության ռեժիմի փոփոխությունը տեղի կունենա այսօր։
📌 Այս մասին հայտնել է Աշոտյանի պաշտպան Ռուբեն Մելիքյանը՝ նշելով, որ որոշումը կայացրել է Վերաքննիչ հակակոռուպցիոն դատարանը։

🔸 Խոսում էին, թե ՀԷՑ-ի սեփականատերերը, կալուգացին (նկատի ունի Սամվել Կարապետյանին՝ խմբ.) արբիտրաժում հաղթել է։ Պարզվեց, որ այս շենքում իրենք մարդ ունեին (հավանաբար նկատի ունի վարչապետի աշխատակազմի միջազգային իրավական հարցերով ներկայացուցչի գրասենյակի ղեկավար Լիպարիտ Դրմեյանին՝ խմբ.), մենք իրեն այստեղից դուրս հրավիրեցինք։
🔸 Դա կոռուպցիա չի՞, որևէ մեկը հետաքննե՞լ է այդ մարդու գործունեությունը, նա գրություն էր գրել, ինչի հիման վրա աղմուկ էր բարձրացել։ 1 ամսից էլ գնաց ու հայտնվեց «եռագլուխ կուսակցության» պոչում (նկատի ունի «Միասնության թևեր» կուսակցույթունում՝ խմբ.)։
🔸 Ես իրավապահ մարմիններին եմ դիմում՝ քննե՞լ են՝ սա կոռուպցիա է, թե ոչ։ Հրապարակային հնարավոր հանցագործության մասին հաղորդում եմ տալիս: Որևէ մեկի անմեղության կանխավարկածը չեմ ցանկանում խախտել, բայց Կոռուպցիայի կանխարգելման հանձնաժողովն էլ պետք է քննարկի հարցը, որ հնարավոր է՝ մասնավոր ընկերության շահերը սպասարկող անձ է եղել կառավարությունում։
[Նիկոլ Փաշինյան] |arm.sputniknews.ru|