Category: Infocom

⚖️ Կալանավորվել են 2 քննիչներին ծեծի ենթարկած ոստիկանը ու ևս 1 մեղադրյալ:
🗣 Այս մասին հայտնել է ՔԿ խոսնակ Կիմա Ավդալյանը:

🇺🇸 🇨🇦ԱՄՆ նախագահ Դոնալդ Թրամփը կիրակի՝ օգոստոսի 23-ին, կտրուկ արձագանքել է Կանադայի վարչապետ Մարկ Քարնիի հայտարարած՝ ամերիկյան ապրանքների նկատմամբ 50% մաքսատուրքերին։
📌Կանադան այդ քայլը կատարել է ի պատասխան Վաշինգտոնի կողմից նախօրեին Օտտավայի նկատմամբ նույն չափի մաքսատուրքեր սահմանելու որոշման։
🗣 «Կանադան ցանկանում է ունենալ նահանգի արտոնություններ՝ առանց նահանգ դառնալու։ Ավելին, նրանք տարիներ շարունակ հսկայական մաքսատուրքեր էին սահմանում մեր հրաշալի ֆերմերների նկատմամբ։ Դրան վերջ է տրված»,- գրել է Թրամփը Truth Social սոցիալական ցանցի իր էջում։ |factor.am|

🇮🇷🇺🇸 Իրանի Ազգային անվտանգության բարձրագույն խորհրդի քարտուղար Մոհսեն Ռեզային հայտարարել է, որ Թեհրանի դեմ հետագա տնտեսական սահմանափակումների հարցում Միացյալ Նահանգների հետ համագործակցող որևէ երկրի Իրանի կառավարությունը դիտարկում է որպես «թշնամի»:
📌 Ռեզային սպառնացել է, որ նման դեպքում այդ երկրները հարվածների թիրախ են դառնալու:
🔻 Իրանցի բարձրաստիճան պաշտոնյան հեռուստահարցազրույցում նաև վստահեցրել է՝ եթե երկրի նկատմամբ նոր պատժամիջոցներ սահմանելու ԱՄՆ ծրագիրն իրագործվի, Թեհրանը թույլ չի տալու, որ «գեթ մեկ կաթիլ նավթ դուրս գա ոչ միայն Հորմուզի նեղուցից, այլև ամբողջ Պարսից ծոցից»: |azatutyun.am|

⚖️ Պաշտոնատար անձանց կողմից խոշտանգում կատարելու առերևույթ հանցագործության դեպքի առթիվ ՀՀ հակակոռուպցիոն կոմիտեում ՀՀ քրեական օրենսգրքի 450-րդ հոդվածի 2-րդ մասի 7-րդ կետով (Խոշտանգումը) նախաձեռնվել է քրեական վարույթ։ Այս մասին Factor.am-ին հայտնում են ՀԿԿ-ից։ |factor.am|

🇷🇺🔥 Հրշեջները մարում են հրդեհը Սանկտ Պետերբուրգի հարավում գտնվող պահեստում, այրվող տարածքի մակերեսը 82 հազար քառակուսի մետր է, հաղորդում է Ռուսաստանի արտաքին իրավիճակների նախարարությունը:
📌ASTRA տելեգրամյան ալիքը պարզել է, որ այրվող պահեստը Ozon առցանց առևտրի հարթակի պահեստից մոտ 350 մետր է հեռու:
🔸 Բացի այդ, «անօդաչու թռչող սարքի բեկորներ» են ընկել Օրենբուրգում Ozon-ի լոգիստիկ համալիրի տարածքում, հաղորդել է քաղաքապետ Ալբերտ Յումադիլովը:
🔹 Ընկերությունը հայտարարել է 300 աշխատակիցների տարհանման մասին: |azatutyun.am|