Category: Infocom

❗️Պարտադիր զինվորական ծառայությունից և վարժական հավաքներից կաշառքի դիմաց ազատվելու դեպքերի առթիվ քննվող քրեական վարույթի շրջանակում ձերբակալվել է 6 անձ, այդ թվում՝ ՀՀ պաշտպանության նախարարության զինվորական կոմիսարիատի աշխատակից և բժշկական հանձնաժողովի անդամ։
🗣 «Վերջիններս մեղադրվում են խոշոր չափերով կաշառք ստանալու և պաշտոնեական լիազորությունները չարաշահելու մեջ։ ՊՆ աշխատակցի նկատմամբ որպես խափանման միջոց է կիրառվել կալանքը»։
[Հակակոռուպցիոն կոմիտե] |news.am|

💬 ԱԺ նախագահ Ալեն Սիմոնյանը կարծում է, որ 2026-ի առաջին եռամսյակում Հայաստան-Ադրբեջան սահմանի ևս մի հատված կսահմանազատվի՝ չհստակեցնելով, թե կոնկրետ որ հատվածի մասին է խոսքը:
🗣 «Ինչ-որ հարցերում մենք ենք շտապում, ինչ-որ հարցերում ադրբեջանական կողմն է շտապում, բայց գործընթացը շարունակվում է։ Ես կարծում եմ, որ մոտ ապագայում մենք նաև ինչ-որ մի մաս նույնպես կսահմանազատենք, և կունենանք այն դրական, հաճելի, ստացված իրավիճակը, որը ունենք Կիրանցի մասում, որը դարձել է մեր համար օրինակելի մի տեղ, որտեղ մենք միջազգային գործընկերներին և մեր քաղաքացիներին, որոնք դեռ չեն եղել, տանում ենք, ցույց ենք տալիս, և ի ցույց ենք դնում, թե խոստացված խաղաղությունն ինչ տեսք կարող է ունենալ և ինչ տեսք ունի»‎,- ասել է ԱԺ նախագահը։ |civilnet.am|

📌 Մենք կարող ենք ապացուցել, որ որևիցե տարածքային պահանջ մեր Սահմանադրության մեջ չկա Ադրբեջանի նկատմամբ։ Եվ մենք կարող ենք ապացուցել դա և՛ դե յուրե, և՛ գործնականում։ Ավելին՝ Հայաստանում էլ կան որոշ մեկնաբանություններ և ընթերցումներ Ադրբեջանի Սահմանադրության, որոնց համաձայն՝ տարածքային պահանջներ կան Ադրբեջանի Սահմանադրության մեջ Հայաստանի նկատմամբ։
📌 Սակայն ինչո՞ւ մենք առաջ չենք քաշում այդ հարցը, որովհետև խաղաղության և Հայաստանի և Ադրբեջանի միջև միջպետական հարաբերությունների հաստատման մասին համաձայնագրի տեքստում, որը նախաստորագրվել է Վաշինգտոնում, բոլոր այդ հարցերին անդրադարձ կա։
[Նիկոլ Փաշինյանը՝ Արտաքին հարաբերությունների գերմանական ընկերակցությունում հանդիպման ժամանակ] |news.am|

🇦🇲🇦🇿 Արմեն Գրիգորյանն ու Հիքմեթ Հաջիևը համատեղ հարցազրույց են տվել «Euronews»-ին ու ներկայացրել խաղաղության գործընթացը:
📌 Հաջիևն ասել է՝ «հակամարտության այս գլուխը փակված և իրական խաղաղություն հաստատված» լինելով՝ Ադրբեջանն ու Հայաստանը ձեռնամուխ են լինում տարածաշրջանում լայնածավալ տնտեսական զարգացման՝ երկու երկրների փոխադարձ օգուտի համար:
📌 «Մենք վստահ ենք, որ տարածաշրջանային տնտեսական նախագծերի իրականացումը կմեծացնի փոխկախվածությունը և կամրապնդի խաղաղությունը, ինչպես նաև տնտեսական օգուտ կբերի երկու հասարակություններին։ Մենք շարժվում ենք այս ուղղությամբ, և դրա ապացույցն այն է, որ Հիքմեթի հետ միասին նստած ենք ձեր ստուդիայում՝ Դոհայում»,- ասել է Արմեն Գրիգորյանը։ |factor.am|

❄️ Արագածի, Ճամբարակի, Մեղրիի տարածաշրջաններում ձյուն է տեղում, իսկ Արթիկի տարածաշրջանում՝ ձնախառն անձրև։
🌫 Սևան-Հրազդան ավտոճանապարհին խիտ մառախուղ է, տեսանելիությունը՝ 30-50 մետր, Արթիկի, Աբովյանի, Սպիտակի, Մասիսի տարածաշրջանների ավտոճանապարհներին և Վարդենյաց լեռնանցքում՝ 50-80 մետր։
[Ճանապարհային դեպարտամենտ]

🇦🇲 🤝 🇩🇪 ԳԴՀ-ն և ՀՀ-ն հաստատում են իրենց փոխադարձ ցանկությունը՝ խորացնելու երկկողմ գործընկերությունն ու համագործակցությունը, ճանաչում միմյանց նկատմամբ վստահությունը և տարբեր ոլորտներում շահերի համընկնումը։ Այս մասին ասված է կողմերի ստորագրած ռազմավարական օրակարգի վերաբերյալ հռչակագրում։
📌 Կողմերը մտադիր են համագործակցել հետևյալ ոլորտներում՝ չսահմանափակվելով, սակայն, դրանցով.
🔸 քաղաքական և դիվանագիտական համագործակցություն, [․․․]
🔸 տնտեսական և առևտրային համագործակցություն, [․․․]
🔸 զարգացում և կարողությունների ամրապնդում, [․․․]
🔸 մշակույթ, կրթություն, լեզու և մարդկանց միջև փոխանակումներ. [․․․]
🔸 գիտություն, տեխնոլոգիա և նորարարություն, [․․․]
🔸 անվտանգություն և պաշտպանություն։ [․․․]
📌 Այս հռչակագիրը միջազգային պայմանագիր չէ և, հետևաբար, չի ստեղծում իրավունքներ և պարտավորություններ՝ համաձայն ներպետական կամ միջազգային օրենսդրության: Այս հռչակագրի շրջանակներում գործողությունների իրականացումը կախված կլինի ռեսուրսների առկայությունից և Կողմերի համապատասխան օրենքներից ու կանոնակարգերից:
Կարդալ ավելին

Ածխածին-ջրածին կապերը, մետաղների մասնակցությամբ բարդ ռեակցիաներն ու օրգանական քիմիան | Հանրագիտ
🔸 Օրգանական մոլեկուլներում ամենից հաճախ հանդիպող կապն ածխածին-ջրածին կապն է՝ C–H։
🔸 Բաժանել ածխածինն ու ջրածինը և ազատ մնացած ատոմներն այլ ատոմների կապելով՝ նոր նյութեր սինթեզելը մարտահրավեր է, որը որոշ դեպքերում անհաղթահարելի է դասական քիմիայի համար։ Սակայն օրգանական քիմիայում կան մեթոդներ, որոնց միջոցով հնարավոր է բաժանել այս տարրերը, ստեղծել նոր կապեր ու սինթեզել նոր նյութեր։
🔸 Օրերս ոլորտի հեղինակավոր ամսագրերից մեկում՝ Nature Catalysis-ում, հրապարակվել է ակնարկային հոդված (review article), որն ամփոփում է այդ մեթոդներից մեկի վերաբերյալ գիտական հրապարակումները։
🔸 Հոդվածի համահեղինակներն են Օրգանական և դեղագործական քիմիայի գիտատեխնոլոգիական կենտրոնի գիտնականները։

🇦🇲🇪🇺 ՀՀ-ԵՄ վիզաների ազատականացման երկխոսության շրջանակում Հայաստանում է Գործողությունների ծրագրի կատարողականի ԵՄ գնահատման առաջին առաքելությունը։
🤝 Կողմերն ընթացիկ գործընթացներում կարևորել են որակի առաջնահերթությունը՝ ընդգծելով, որ մշակվող փաստաթղթերը պետք է լինեն համակողմանի, կենսունակ և գործնականում կիրառելի՝ ապահովելով բարեփոխումների արդյունավետ իրականացումը:
🔗 Կարդալ ավելին