Category: Infocom

🇦🇲🇦🇿🇷🇺 Ջեյհուն Բայրամովն ընդունել է Ադրբեջան-Հայաստան հարաբերությունների կարգավորման հարցերով ՌԴ ԱԳ նախարարի հատուկ ներկայացուցիչ Իգոր Խովաևին։ Այս մասին հայտնում է APA գործակալությունը։
🔸 Հանդիպմանը քննարկվել են ադրբեջանա-ռուսական երկկողմ հարաբերությունները, տարածաշրջանային հարթակներում կատարված աշխատանքը, Ադրբեջանի և Հայաստանի միջև խաղաղ գործընթացի ներկա իրավիճակը և հեռանկարները, տարածաշրջանում առկա իրավիճակը և վերջին զարգացումները։

❗️Նախարար Ջեյհուն Բայրամովը տեղեկացրել է Ադրբեջանի և Հայաստանի միջև խաղաղ համաձայնագրի նախագծի շուրջ բանակցային գործընթացի մասին։ Միաժամանակ նշվել է, որ Հայաստանի սահմանադրությամբ և այլ օրենսդրական ակտերով Ադրբեջանի տարածքային ամբողջականության դեմ շարունակվող պահանջները գործընթացի հիմնական խոչընդոտն են։

🚗 Ճանապարհաշինական աշխատանքներով պայմանավորված՝ հունիսի 26-ին՝ ժամը 11.00-ի սահմաններում, Կիրանց-Աճարկուտ ավտոճանապարհին կիրականացվեն պայթեցման աշխատանքներ։
🔸 Հանրությանը հորդորում ենք չանհանգստանալ։
[«Ճանապարհային դեպարտամենտ» հիմնադրամ]

🇪🇺 Հայաստանի ինքնիշխան իրավունքն է՝ ընտրել իր անվտանգության և պաշտպանության գործընկերներին։ ԵՄ-ն շարունակում է աջակցել Հայաստանի և Ադրբեջանի միջև հարաբերությունների կարգավորման գործընթացում առաջընթացի հասնելու բոլոր ջանքերին և խրախուսում է վճռական քայլերը՝ տարածաշրջանում կայուն և հարատև խաղաղության հասնելու համար:
[ԵՄ խոսնակ Պիտեր Ստանոն` Իլհամ Ալիևի՝ Ֆրանսիայի հասցեին և հայ-ֆրանսիական ռազմական համագործակցությանն ուղղված մեղադրանքների ու սպառնալիքների մասին «Արմենպրեսի» հարցին ի պատասխան] |armenpress.am|

🇺🇦🇪🇺🇲🇩 Այսօր ԵՄ-ն սկսում է Ուկրաինայի և Մոլդովայի անդամակցության շուրջ բանակցությունները։ Այս մասին հայտնում են Եվրահանձնաժողովից։
🤝 Լյուքսեմբուրգում նախատեսված է Ուկրաինայի, Մոլդովայի և Եվրամիության միջև միջկառավարական նիստը, որին պաշտոնապես կհայտարարվի ԵՄ-ին երկրների անդամակցության շուրջ բանակցությունների մեկնարկի մասին։
📌 Հանդիպումը հաջորդում է 2023 թվականի դեկտեմբերի 14-ին Եվրախորհրդի որոշմանը Ուկրաինայի և Մոլդովայի հետ անդամակցության բանակցություններ սկսելու վերաբերյալ։

‼️ ՊՆ ՌՈ Սիսիանի բաժնից հաղորդում է ստացվել N զորամասի զինծառայող Դավիթ Վահանի Ներսիսյանի մահվան մասին:
🔸 Ըստ հաղորդման՝ զորամասում շարքում կանգնած ժամանակ Դ. Ներսիսյանի մոտ ժամը 09:40-ի սահմաններում նկատվել է ինքնազգացողության հանկարծակի վատացում և գիտակցության կորուստ:
🔸 Դիակի արտաքին զննության արդյունքում մարմնի վրա բռնության հետքեր չեն հայտնաբերվել։
[ՔԿ]

🌦 Սև ծովի շրջաններից ցուրտ մթնոլորտային ճակատի ներթափանցմամբ պայմանավորված՝ հունիսի 26-ի երեկոյան ժամերին և հունիսի 26-ի լույս 27-ի գիշերը հանրապետության ողջ տարածքում սպասվում են անձրև և ամպրոպ, առանձին հատվածներում կտեղա կարկուտ։

📌 ԿԽՄԿ աշխատակիցները հունիսին տեսակցել են Ադրբեջանում ձերբակալված հայերին։ Հուսեյնովան այցելության հստակ օրը չի նշել։
💬 ԿԽՄԿ ներկայացուցչության հասարակայնության հետ կապերի բաժնի ղեկավար Իլահա Հուսեյնովայի խոսքով ձերբակալվածների հետ անցկացվել են անձնական հանդիպումներ, պայմաններ են ստեղծվել ընտանիքների հետ շփումների համար, ինչպես նաև գնահատվել են նրանց պահման պայմաններն ու նրանց հետ վարվելու կանոնները։ |azatutyun.am|

❗️ WikiLeaks-ի հիմնադիր Ջուլիան Ասանժը ազատ է արձակվել բրիտանական բանտից և վերադառնում է իր հայրենիք Ավստրալիա ԱՄՆ արտահանձնման համար 12 տարի տևած դատական գործից հետո։ Ասանժը 5 տարի անցկացրել է բրիտանական բանտում, իսկ դրանից առաջ մոտ 7 տարի՝ Լոնդոնում Էկվադորի դեսպանատանը՝ փորձելով խուսափել ձերբակալությունից, որը կարող էր հանգեցնել ցմահ ազատազրկման:
⚖️ Երկուշաբթի օրը Ասանժը համաձայնել է իրեն մեղավոր ճանաչել ծանր հանցագործության մեջ, որը կապված է ԱՄՆ կառավարության գաղտնի փաստաթղթերի արտահոսքի մեջ իր ենթադրյալ դեր ունենալու հետ։
📌 Հիշեցնենք, որ նրան պատկանող կայքը հրապարակել էր ԱՄՆ կառավարության մոտ կես միլիոն գաղտնի ռազմական փաստաթղթեր Իրաքում և Աֆղանստանում ԱՄՆ պատերազմների վերաբերյալ։

🇷🇺🇹🇷 Թուրքիայի նախագահ Ռեջեփ Թայիփ Էրդողանը պլանավորում Է բանակցություններ վարել Ռուսաստանի նախագահ Վլադիմիր Պուտինի հետ Ղազախստանում:
🗣 APA  գործակալությունը հաղորդում է, որ այս մասին «Habertürk» հեռուստաալիքին տված հայտարարության մեջ ասել է Թուրքիայի արտգործնախարար Հաքան Ֆիդանը։