Category: Infocom

🤝 Վարչապետ Նիկոլ Փաշինյանը հանդիպում է ունեցել ԵԱՀԿ գլխավոր քարտուղար Հելգա Շմիդի հետ:
Նիկոլ Փաշինյանը և Հելգա Շմիդը մտքեր են փոխանակել Հարավային Կովկասում տեղի ունեցող զարգացումների շուրջ: [Վարչապետի խոսնակ Նազելի Բաղդասարյան]

🇩🇪 Փաշինյանի և Ալիևի հետ հանդիպմանը Գերմանիայի կանցլեր Օլաֆ Շոլցը հանդես է եկել Բաքվի և Երևանի միջև բանակցությունների արագ ավարտի օգտին, բարձր է գնահատել տարաձայնությունները խաղաղ ճանապարհով լուծելու նրանց ձգտումները․ «Եռակողմ զրույցի ընթացքում կանցլերը կողմ է արտահայտվել երկու երկրների միջև խաղաղ բանակցությունների շուտափույթ ավարտին։ Գերմանիան և Եվրոպան պատրաստ կլինեն աջակցել դրան իրենց ուժերով», – ասված է Գերմանիայի կառավարության հաղորդագրության մեջ:
📌 Նշվում է, որ կանցլերը բարձր է գնահատել է «տարաձայնությունները և բաց հարցերը բացառապես խաղաղ ճանապարհով և առանց բռնության կիրառման լուծելու՝ երկու կողմերի այսօրվա խոստումը»: |1lurer.am|

🇺🇸 🇦🇲 Այսօր արդյունավետ զրույց ունեցանք Հայաստանի վարչապետ Փաշինյանի հետ, թե ինչպես կարող ենք աջակցել Հայաստանի եւ Ադրբեջանի միջեւ խաղաղ գործընթացին եւ ինչպես կարող ենք շարունակել ամրապնդել մեր երկկողմ հարաբերությունները։ [ԱՄՆ պետքարտուղար Էնթոնի Բլինքեն]

🇦🇲 🇩🇪 🇦🇿 Ադրբեջանական լրատվամիջոցները հաղորդում են, որ Մյունխենում ավարտվել է Փաշինյան-Շոլց-Ալիեւ եռակողմ հանդիպումը։
Հանդիպմանը, բացի երկրների ղեկավարներից, ներկա են եղել նաեւ ՀՀ ԱԳ նախարար Արարատ Միրզոյանն ու Գերմանիայում ՀՀ դեսպան Վիկտոր Ենգիբարյանը, Ալիեւի խորհրդական Հիքմեթ Հաջիեւն ու ԱԳ նախարար Ջեյհուն Բայրամովը։

🤝 Փաշինյանը տեսանյութ է հրապարկել Շոլցի եւ Ալիեւի հետ հանդիպումից. «Մյունխենի անվտանգության համաժողովի շրջանակում եռակողմ հանդիպում՝ Գերմանիայի կանցլեր Օլաֆ Շոլցի եւ Ադրբեջանի նախագահ Իլհամ Ալիեւի հետ»,- տեսանյութին կից գրել է նա։

🇦🇲🇩🇪 Կայացել է վարչապետ Փաշինյանի և Գերմանիայի կանցլեր Օլաֆ Շոլցի հանդիպումը:
🤝 Զրուցակիցները քննարկել են Հայաստան-Գերմանիա երկկողմ օրակարգին վերաբերելի հարցեր, ինչպես նաև անդրադարձել Հայաստան-Ադրբեջան հարաբերությունների կարգավորման գործընթացին:

🤝 Նիկոլ Փաշինյանը Մյունխենում հանդիպել է ԱՄՆ պետքարտուղար Էնթոնի Բլինքենի հետ։
🇺🇸 Բլինքենն իր խոսքում նշել է․ «Հայաստանը շատ արժեքավոր գործընկեր է Միացյալ Նահանգների համար։ Մենք գնահատում ենք նրա՝ արժանապատիվ և տևական խաղաղության հասնելու հանձնառությունը»։
🇦🇲 Փաշինյանն էլ ասել է, որ Հայաստանի և Ադրբեջանի միջև լարվածության առումով նոր մտահոգություններ կան՝ հիշեցնելով վերջին էսկալացիայի մասին և նշելով, որ կուզենա այդ հարցը քննարել Բլինքենի հետ։

🥉 Ծանրորդ Ռաֆիկ Հարությունյանը Եվրոպայի առաջնության բրոնզե մեդալակիր է:
🏋️‍♂️ Հարությունյանը պոկում վարժությունում երկու հաջող մոտեցմամբ բարձրացրեց 150 և 154 կգ: Հրում վարժությունում Հարությունյանը գլխավերևում պահեց միայն 182 կգ: |armenpress.am|

Մյունխենի անվտանգության համաժողվի շրջանակում տեղի է ունեցել վարչապետ Նիկոլ Փաշինյանի հանդիպումը Մեծ Բրիտանիայի գաղտնի հետախուզական ծառայության ղեկավար Ռիչարդ Մուրի հետ: