Category: Infocom

❗️Ժամը 19:08-ի դրությամբ բախումների վայրում և հարակից տարածքներում, ոստիկաններից բացի, գտնվել է 3600 մարդ:
[Իրազեկ քաղաքացիների միավորում]

❗️22։15֊ի դրությամբ Բաղրամյան պողոտայում տեղի ունեցած իրադարձությունների հետևանքով բուժօգնության է դիմել 79 քաղաքացիական անձ և ոստիկան։
🔸 6 պացիենտ անհրաժեշտ բուժօգնություն ստանալուց հետո դուրս է գրվել։ [ՀՀ ԱՆ]

👮‍♂️Բաղրամյան պողոտայում բախումների հետևանքով վնասվածքներ է ստացել 6 ոստիկան, նրանք հիվանդանոց են տեղափոխվել։
❗️ Ժամը 21։00-ի դրությամբ բերման է ենթարկվել 98 քաղաքացի։ [ՆԳՆ մամուլի խոսնակ Նարեկ Սարգսյան] |armenpress.am|

👮‍♀️ Վերջին տվյալներով ոստիկանություն է տարվել 86 քաղաքացի՝ ոստիկանի օրինական պահանջը չկատարելու համար։
🗣 Այս մասին «Ինֆոքոմին» հայտնեցին Ոստիկանության լրատվական բաժնից։

❗️Նախքան լուսաձայնային նռնակների կիրառումը իրավիճակը Բաղրամյան պողոտայում լարվել էր։ Ոստիկանները մահակներով հարվածներ էին հասցնում առաջին շարքերում կանգնած ցուցարարներին, որոնք փորձում էին հրել ոստիկանական պատնեշը։

⚖️ Այսօր՝ ժամը 19:30-ի սահմաններում Բաղրամյան և Դեմիրճյան փողոցների հատման խաչմերուկում բողոքի ակցիայի ընթացքում հավաքի մասնակիցները սկսել են հասարակական անվտանգությանն սպառնացող զանգվածային անկարգություններ, որոնք զուգորդվել են ծառայություն իրականացնող ոստիկանության աշխատակիցների նկատմամբ բռնության գործադրմամբ՝ ոտքերով և ձեռքերով հարվածներ հասցնելով և նրանց ուղղությամբ տարբեր առարկաներ նետելով։ Նախաձեռնվել է քրեական վարույթ՝ ՀՀ ՔՕ 327-րդ հոդվածի 1-ին մասի հատկանիշներով (Զանգվածային անկարգություններին մասնակցելը)։
[Քննչական կոմիտե]

📌 Բախումների ժամանակ վնասվել է ՍիվիլՆեթի օպերատորի ոտքը․ նրան ցուցաբերվում է բուժօգնություն, ինքնազգացողությունը նորմալ է։
🔸 Այս մասին հայտնում են լրատվամիջոցից՝ նշելով, որ շարքից դուրս է եկել նաև ուղիղ հեռարձակման տեխնիկան։