Category: Infocom

Infocom pinned «Հանդիպում ենք «Էպոս» ակումբում այսօր՝ ժամը 20:00-ին։ Սպասվող Գիտարբուքը «Կրթություն. սոցիոլոգիական աշխարհայացք» թեմայով է։ Սոցիոլոգ, Հետազոտական ռեսուրսների կովկասյան կենտրոն — Հայաստանի գործադիր տնօրեն Սոնա Բալասանյանը կխոսի հետևյալ թեմաներով՝ — կրթությունը…»

📣 ՊԵԿ-ը քաղաքացիներին հորդորում է Հայաստան տեղափոխել միայն իրենց ձեռք բերած և իրենց պատկանող նոր iPhone 16 մոդելի բջջային հեռախոսներ։
📍 «Անհրաժեշտ է հրաժարվել այլ երկրների օդանավակայաններում բջջային հեռախոս տեղափոխելու առաջարկ անող քաղաքացիների խնդրանքներից, քանի որ վերջիններս և (կամ) իրենց ՀՀ-ում բնակվող ծանոթներն իրականացնում են քողարկված ձեռնարկատիրական գործունեություն, որում անուղղակի եղանակով կարող են ներգրավել նաև ձեզ։
📍 Փորձը ցույց է տալիս, որ հանգստի մեկնած քաղաքացիները, որոշ դեպքերում չկարողանալով մերժել այլ երկրների օդանավակայաններում իրենց մոտեցող հայրենակիցների խնդրանքները, իրենց հետ Հայաստանի Հանրապետություն են ներմուծում բջջային հեռախոսներ, այնուհետև փոխանցում իրենց անծանոթ այլ անձանց»,- հայտնում են ՊԵԿ-ից։

🇦🇲🇪🇺 ՊԵԿ նախագահը և ԵՄ երկրների դեսպանները շրջայց են կատարել Մարգարայի անցակետի տարածքում:
📌 Հյուրերը ծանոթացել են կառուցված խորը զննման անգարին, բեռների ձևակերպման համար նախատեսված տաղավարներին, պահեստին, ավտոկայանատեղիներին և բարեկարգված հրապարակին, ինչպես նաև այլ ենթակառուցվածքներին, որոնք հագեցած են ժամանակակից տեխնիկական սարքավորումներով և կառուցված միջազգային չափանիշներին համահունչ: [ՀՀ ՊԵԿ]

🇨🇦 Կանադան բազմիցս կոչ է արել անվերապահորեն ազատել 2020թ․ Ղարաբաղյան պատերազմի բոլոր հայ ռազմագերիներին։ Մենք նաև շարունակում ենք կոչ անել ազատ արձակել Ադրբեջանի կողմից կամայականորեն ձերբակալված բոլոր էթնիկ հայերին։
📌 Կանադան աջակցում է ԼՂ հիմնախնդրի բանակցային քաղաքական լուծմանը և աջակցում է ուժի չկիրառման, տարածքային ամբողջականության հարգման սկզբունքներին և ինքնորոշման իրավունքին՝ այս տարածաշրջանի ժողովրդի համար արդար և տևական խաղաղության հասնելու բանակցություններում։
[Կանադայի ԱԳ նախարար Մելանի Ժոլիի հայտարարությունը՝ Արցախի հայաթափման առաջին տարելիցի կապակցությամբ] |armradio.am|

Հանդիպում ենք «Էպոս» ակումբում այսօր՝ ժամը 20:00-ին։ Սպասվող Գիտարբուքը «Կրթություն. սոցիոլոգիական աշխարհայացք» թեմայով է։
Սոցիոլոգ, Հետազոտական ռեսուրսների կովկասյան կենտրոն — Հայաստանի գործադիր տնօրեն Սոնա Բալասանյանը կխոսի հետևյալ թեմաներով՝
— կրթությունը որպես փոխազդեցություն,
— պատմասոցիոլոգիական էքսկուրս կրթության շուրջ,
— կրթությունն ու մերօրյա հասարակությունը։
Մուտքն անվճար է, բայց նախապես ամրագրումով։

Ինժեներությունը, ուղղաթիռի նախագծումն ու մեքենայում արագության չափումը / Փոքրումեծ հարցեր #2
🤖 12-ամյա Արենի աշխարհը լեգոներից է կառուցված: Նրա ձեռքերում պարզ խորանարդիկները վերածվում են բարդ մեխանիզմների՝ ռոբոտներից մինչև լվացքի մեքենաներ: Ապագա ինժեների երևակայությունը սահմաններ չունի։
🚁🛩 Ինչպե՞ս նախագծել ուղղաթիռի թևերը, որ այն օդ բարձրանա, ի՞նչ միկրոսխեմաներով է մեքենաներում չափվում արագությունը, ինչո՞ւ է ինքնաթիռի թռիչքը հեռվից դանդաղ թվում․․․ Արենի #փոքրումեծ հարցերը խիստ ինժեներական են։
🔍 Այս հարցերի պատասխանները գտնելու համար նա հանդիպում է CAST լաբորատորիաների կենտրոնի գիտաշխատող Վահագնին, որը զբաղվում է ԱԹՍ-ների, դրոնների նախագծմամբ ու ծրագրավորմամբ։ Վահագնը, ինչպես և Արենը, ինժեներության առաջին փորձերն արել է փոքր տարիքում, երբ ռոբոտաշինության խմբակ էր այցելում։
🚀 Համազգային գիտության շաբաթվան ընդառաջ «Ինֆոքոմ»-ը, «Գիտուժ»-ը և Team Telecom Armenia-ն ներկայացնում են «Փոքրումեծ հարցեր» շարքը՝ երիտասարդ գիտասերների ու գիտնականների մասնակցությամբ։
🔬✨ Դո՞ւք էլ հետաքրքրասեր եք և գիտության սիրահար։ Ձեր հարցերի պատասխանները սպասում են ձեզ Գիտության փառատոնում:
📅 Հոկտեմբերի 1-6
🕒 Ամեն օր՝ 15։00-21:00
📍 Ազատության հրապարակ
👩‍🔬👨‍🔬 Համազգային գիտության շաբաթվա շրջանակում կայանալիք այս յուրահատուկ իրադարձությունը հնարավորություն կտա՝
— բացահայտելու գիտության գաղտնիքները,
— հանդիպելու փորձառու գիտնականների հետ,
— մասնակցելու հետաքրքիր փորձերի և ցուցադրությունների։

🇦🇲🇬🇧 Մեծ Բրիտանիայի ԱԳ նախարար Դևիդ Լամին հայտնվել է քաղաքական սկանդալի կենտրոնում, որը կապված է Լեռնային Ղարաբաղի վերաբերյալ վերջինիս գրառման հետ։ Քննադատության հիմնական պատճառն իր հոդվածն է, որտեղ Լամին գրել է, որ նախորդ տարի Ադրբեջանին «հաջողվել է ազատագրել 90-ականների սկզբին իր կորցրած տարածքները»։
🔸 Մեծ Բրիտանիայում Հայաստանի դեսպանությունը պարզաբանում է պահանջել, թե արդյոք փոխվել է պաշտոնական Լոնդոնի դիրքորոշումը՝ նախարարի կողմից արծարծված թեմայի վերաբերյալ: Դեսպանությունը պաշտոնական որևէ հայտարարություն չի արել այս մասով։
🔸 Մեծ Բրիտանիայի ԱԳ նախարարությունը պաշտոնապես պատասխանել է The Daily Telegraph-ի այն հարցին, թե արդյոք Լամիի խոսքերը վկայում են, որ Լոնդոնի պաշտոնական դիրքորոշման մեջ փոփոխություն կա։ «Միացյալ Թագավորությունն աջակցում է ինչպես Հայաստանի, այնպես էլ Ադրբեջանի տարածքային ամբողջականությանը։ Մենք երկու կողմերին կառուցողական երկխոսության կոչ ենք անում և կշարունակենք աջակցել տարածաշրջանում երկարաժամկետ խաղաղության հասնելու նրանց ձգտմանը»,- ասել են ԱԳՆ-ից։|hetq.am|

🇦🇲🇬🇧 Մեծ Բրիտանիայի ԱԳ նախարար Դևիդ Լամին հայտնվել է քաղաքական սկանդալի կենտրոնում, որը կապված է Լեռնային Ղարաբաղի վերաբերյալ վերջինիս գրառման հետ։ Քննադատության հիմնական պատճառն իր հոդվածն է, որտեղ Լամին գրել է, որ նախորդ տարի Ադրբեջանին «հաջողվել է ազատագրել 90-ականների սկզբին իր կորցրած տարածքները»։
🔸 Մեծ Բրիտանիայում Հայաստանի դեսպանությունը պարզաբանում է պահանջել, թե արդյոք փոխվել է պաշտոնական Լոնդոնի դիրքորոշումը՝ նախարարի կողմից արծարծված թեմայի վերաբերյալ: Դեսպանությունը պաշտոնական որևէ հայտարարություն չի արել այս մասով։
🔸 Մեծ Բրիտանիայի ԱԳ նախարարությունը պաշտոնապես պատասխանել է The Daily Telegraph-ի այն հարցին, թե արդյոք Լամիի խոսքերը վկայում են, որ Լոնդոնի պաշտոնական դիրքորոշման մեջ փոփոխություն կա։ «Միացյալ Թագավորությունն աջակցում է ինչպես Հայաստանի, այնպես էլ Ադրբեջանի տարածքային ամբողջականությանը։ Մենք երկու կողմերին կառուցողական երկխոսության կոչ ենք անում և կշարունակենք աջակցել տարածաշրջանում երկարաժամկետ խաղաղության հասնելու նրանց ձգտմանը»,- ասել են ԱԳՆ-ից։|hetq.am|