Category: Infocom

💬 ՀՀ նախկին արտգործնախարար Վարդան Օսկանյանը՝ ՄԱԿ-ի ԱԽ նիստի մասին.
🇺🇳 «ՄԱԿ-ի ԱԽ հինգ մշտական անդամներից որևէ մեկն իր ելույթում հատուկ շեշտադրում չարեց այն փաստին, որ Հայաստանն Արցախը վաղաժամկետ ճանաչել է Ադրբեջանի մաս։
🇪🇺 Ներկայի բանակցություններում հիմնական միջնորդներից ԵՄ ներկայացուցիչը հղում արեց Լեռնային Ղարաբաղի Ինքնավար Մարզին, ինչը, կարծում եմ, պատահականություն չէ։
‼️ Միջազգային հանրությունը թերևս բաց է պահում այսօրվա բանակցային օրակարգը փոխելու հնարավորությունը»:

🇦🇲🇫🇷 Փարիզի քաղաքապետ Անն Իդալգոյի նախաձեռնությամբ Ֆրանսիայի Փարիզ քաղաքը և մի շարք ռեգիոններ համախմբվել են՝ պաշարված Արցախին հրատապ մարդասիրական օգնություն ցուցաբերելու համար։
🚛 20 տոննա տեղափոխող առաջին բեռնատարը Երևանից ուղևորվել է դեպի սահմանամերձ Կոռնիձոր, որտեղ միացել է Հայաստանի կառավարության կողմից արցախցիներին ուղղված առաջին անհրաժեշտության  պարագաներ  տեղափոխող ևս քսանմեկ բեռնատարներին։
[Ֆրանսիայում ՀՀ դեսպանություն] |armenpress.am|

❗️ Այսօր՝ ժամը 11:30-ի սահմաններում, ադրբեջանական զինուժը կրակ է բացել Սարուշենի դաշտերում աշխատող կոմբայնի ուղղությամբ՝ կիրառելով հրաձգային զենք։
📌 Հայկական կողմում կորուստներ չկան։ [Արցախի ՊՆ մամուլի ծառայություն]

🇦🇲🇦🇿 Ադրբեջանի ՊՆ-ն Ադրբեջանում հավատարմագրված օտարերկրյա ռազմական կցորդների եւ միջազգային կազմակերպությունների ներկայացուցիչների համար անցկացված ճեպազրույցում հայտարարել է, թե «արձանագրվել են փաստեր նոր սադրանքների պատրաստման նպատակով Ղարաբաղի տնտեսական շրջանում ապօրինի զինված խմբավորումների մարտական դիրքերի ամրացման, նաեւ քաղաքացիական բնակչության զանգվածային զինման, տարբեր նպատակներով ռազմատեխնիկայի, մասնավորապես հակաօդային պաշտպանության եւ ռադիոէլեկտրոնային պայքարի միջոցների՝ մի քանի բնակելի թաղամասերում տեղակայման վերաբերյալ»։
🔗 Կարդալ ավելին

👮🏼 «Մարտի 1-ի» գործով քննչական խմբի քննիչը չարաշահել է պաշտոնեական լիազորությունները, որն առաջացրել է ծանր հետևանքներ. նրա վերաբերյալ քրեական վարույթով նախաքննությունն ավարտվել է։
[ՀՀ քննչական կոմիտե]

🗳 Երևանի ավագանու ընտրությունների համար առաջադրվել է 13 կուսակցություն և կուսակցությունների մեկ դաշինք։
📌 Դրանք են՝ «Հայաստանի եվրոպական», «Ժողովրդավարական համախմբում», «Քաղաքացիական պայմանագիր», «Հանուն սոցիալական արդարության», «Ուժը հայրենյաց», «Հանրային ձայն», «Ազգային առաջընթաց», «Հաղթանակ», «Ապրելու երկիր», «Հանրապետություն», «Միացյալ Հայաստան», «Արդար Հայաստան», «Լուսավոր Հայաստան» կուսակցությունները և «Մայր Հայաստան» դաշինքը (կազմում՝ «Երկիր ծիրանի» և «Ինտելեկտուալ Հայաստան» կուսակցությունները) դաշինքը։
[ԿԸՀ]