Category: Infocom

🇦🇲🇩🇰 Վարչապետ Նիկոլ Փաշինյանն աշխատանքային այցով մեկնել է Դանիա: Վարչապետը մայիսի 14-ին կմասնակցի «Կոպենհագենի ժողովրդավարության գագաթնաժողովին»:
🤝Այցի շրջանակում նախատեսված են նաև հանդիպումներ Դանիայի վարչապետ տիկին Մետտե Ֆրեդերիկսենի, Դանիայի խորհրդարանի՝ Ֆոլկետինգի խոսնակ Սյորեն Գադեի, գագաթնաժողովի հիմնադիր և «Ռասմուսեն Գլոբալ» միջազգային քաղաքական խորհրդատվական կազմակերպության հիմնադիր Անդերս Ֆոգ Ռասմուսենի հետ։
[ՀՀ կառավարություն]

🇮🇷🇮🇳 Իրանն ու Հնդկաստանը Չաբահարի Շահիդ Բեհեշթի նավահանգստի վերազինման և շահագործման մասին երկարաժամկետ պայմանագիր են ստորագրել, գրում է IRNA գործակալությունը:
🗣 «Համաձայնագիրը երկու երկրի առևտրի զարգացման նոր սկիզբ կլինի: Չաբահարի նավահանգստով Հնդկաստանն Իրանի ճանապարհային ու երկաթուղային ցանցով հասանելիություն է ունենում Աֆղանստան, Կենտրոնական Ասիա, Թուրքիա, Ադրբեջան և նույնիսկ Ռուսաստան: Սա Հնդկաստանի համար այս նախագծի առավելություններից մեկն է»,- հայտարարել է Իրանի ճանապարհների ու քաղաքաշինության նախարար Մեհրդադ Բազրփաշը: |1lurer.am|

Հաջորդ կայարանը՝ ակադեմիական քաղաք․ երբ ու ինչպես կկառուցվի քաղաքը
«Ինֆոքոմ»-ի թիմը եղել է Երևանի 17-րդ թաղամասին հարող տարածքում, որտեղ կառավարությունը նախատեսում է ակադեմիական քաղաք կառուցել։
🗣 «Ակադեմիական քաղաք» հիմնադրամի տնօրենն ու ճարտարապետը մեզ պատմել են՝
🔸 նախագծի ընթացքի ու ժամկետների,
🔸 ակադեմիական քաղաքն այլ բնակավայրերին կապող տրանսպորտային միջոցների,
🔸 արտասահմանյան համալսարանների հետ համագործակցության,
🔸 Հայաստանի բուհերի ու գիտական կազմակերպությունների ներկայացուցիչների հետ քննարկումների մասին։

Ակնթարթային դրամական փոխանցումներ Ռուսաստանից Հայաստան։

Ամերիաբանկի ու Ֆորա-բանկի համագործակցության շնորհիվ արդեն հնարավոր է ակնթարթային դրամական փոխանցումներ ստանալ ՌԴ-ից Հայաստան։ Փոխանցումն իրականացնելու համար փոխանցող կողմը պետք է ունենա Ֆորա-Բանկի հավելված, իսկ ստացող կողմը` Ամերիայի քարտային կամ ընթացիկ հաշիվ և Ամերիաբանկին տրամադրված գործող հեռախոսահամար։
Փոխանցումն իրականացվում է ռուբլիով, իսկ ՀՀ-ում գումարը միագամից ստացվում է դրամով:
Մանրամասները՝ հղումով
#վճարովի_բովանդակություն

🗣 ԱԳ նախարար Արարատ Միրզոյանը, անդրադառնալով սահմանագծումն Ալմա-Աթայի հռչակագրի հիման վրա անելու վերաբերյալ նախկին դիվանագետների քննադատությանը, հայտարարել է․
❗️«Այդ մարդիկ շարունակում են ականահարել ՀՀ ինքնիշխանությունը, պետականությունը, տարածքային ամբողջականությունը։ Ձեր նշած փորձառու դիվանագետները հավանաբար այն դասալիքներն էին, որ լքեցին իրենց պաշտոնները, իրենց բաժին հասած խրամատը այն օրերին, երբ ՀՀ սուվերեն տարածքի վրա տեղի էր ունենում ռազմական ագրեսիա։ Այս փաստի հիշատակումից հետո այդ մարդկանց և իրենց դիրքորոշումների նկատմամբ որևէ կաթիլ լրջություն չեմ կարող ունենալ»,- նշել է նա։
📍Նախօրեին Հանրապետության հրապարակում հանրահավաքի ժամանակ նախկին դիվանագետներից կազմված «Դիվանագետների համահայկական խորհուրդը» հայտարարել էր, որ սահմանագծման համար բացառապես Ալմա-Աթայի հռչակագիրը որպես հիմք ընդունելը հակաիրավական է և քրեորեն պատժելի։ Խորհրդի անդամ, Հայաստանի ԱԳՆ նախկին գլխավոր քարտուղար Վահագն Մելիքյանը հանրահավաքին ներկայացրել էր նախկին դիվանագետների մշակած տեքստը՝ սահմանազատման, խաղաղության օրակարգի և ստեղծված իրավիճակից դուրս գալու վերաբերյալ։ |civilnet.am|

📌 2024 թվականի մայիսի 13-ին քաղաքացուց հաղորդում է ստացվել այն մասին, որ ժամը 9:00-ի սահմաններում, Երևան քաղաքի Սարկավագի փողոցում բողոքի ակցիայի մասնակիցների կողմից ավտոճանապարհը փակվել է աղբամաններով։ Այդ ակցիայի մասնակիցներից մեկը ձեռքերով և ոտքերով հարվածներ է հասցրել քաղաքացու կողմից շահագործվող «Օպել» մակնիշի ավտոմեքենային՝ պատճառելով գույքային վնաս:
🔸Նկատի ունենալով, որ քաղաքացու հաղորդումը պարունակում է առերևույթ հանցագործության հատկանիշներ, նախաձեռնվել է քրեական վարույթ՝ ՀՀ քրեական օրենսգրքի 297-րդ հոդվածի (խուլիգանություն) 1-ին մասի հատկանիշներով: Կատարվում է նախաքննություն: [Քննչական կոմիտե]

🤝 Նիկոլ Փաշինյանը հյուրընկալել է ԵԱՀԿ գործող նախագահ Իեն Բորջի գլխավորած պատվիրակությանը:
🗣 Նիկոլ Փաշինյանը և Իեն Բորջը քննարկել են ՀՀ Կառավարության և ԵԱՀԿ-ի միջև համագործակցությանն առնչվող հարցեր, մտքեր փոխանակել՝ Հարավային Կովկասում տեղի ունեցող զարգացումների շուրջ: Վարչապետն անդրադարձել է Հայաստանի և Ադրբեջանի միջև հարաբերությունների կարգավորման գործընթացին:
❗️ Իեն Բորջն ընդգծել է ԵԱՀԿ ողջ տարածաշրջանում կայուն խաղաղությանը և հակամարտությունների կարգավորմանն աջակցելու և խթանելու հարցում կազմակերպության հանձնառությունը։ [ՀՀ կառավարություն]