Category: Infocom

⛪️ Մայր Աթոռից 2 եպիսկոպոս մեկնել է Ավստրիա։ Փետրվարի 16-19-ը Սանկտ Փյոլթըն քաղաքում նրանք կմասնակցեն Եպիսկոպոսաց ժողովին (հավաքին)։
🗣️ Այս մասին Factor TV-ի հետ զրույցում հայտնեց Մայր Աթոռի տեղեկատվական համակարգի տնօրեն Եսայի քահանա Արթենյանը։
🔸 Նրանք են Արարատ եպիսկոպոս Գալթագճյանը և Դանիել Սրբազան Ֆընդկյանը։

📣 Հայաստանի և Ադրբեջանի քաղաքացիական հասարակության ներկայացուցիչների միջև միջոցառումը իր կանոնները, ավանդույթները ունեցող ֆորմատ է, որը շարունակվելու է․ Արեգ Քոչինյան
🗣 «Կարևոր եմ համարում, որ կողմերը անում են նաև բավականին լուրջ տնային աշխատանք: Մեր երկու երկրներում համապատասխան պատվիրակությունները հանդիպումներ են կազմակերպում այդ երկրների ՀԿ-ների ներկայացուցիչների, մեդիայի, փորձագիտական համայնքի հետ, քաղաքացիների հետ նաև մարզներում այցեր են պլանավորվում», — ասել է «Խաղաղության կամուրջ» նախաձեռնության համակարգող Արեգ Քոչինյանը:
📃 Քոչինյանի խոսքով՝ նախաձեռնությունները պայմանավորվել են համատեղ պրոյեկտների մասին․ «Մենք գրում ենք համատեղ հոդվածներ, որոնցից առաջինը, հույս ունեմ, որ առաջիկա օրերին դուք հնարավորություն կունենաք տեսնելու։ Այլ համատեղ պրոյեկտներ ենք քննարկում, որոնք շուտով իրականություն կդարձնենք»:
📌 Արեգ Քոչինյանը տեղեկացրեց, որ առաջին անգամ միջոցառումները երկու երկրների կառավարությունների անմիջական աջակցությամբ են իրականացվում՝ պետական աջակցությամբ և պետական ֆինանսավորմամբ։ |1lurer.am|

⚖️ ՄԻԵԴ-ը սկսել է ՀՀ պաշտպանության նախկին նախարար Դավիթ Տոնոյանի գանգատի քննությունը և այդ մասին պաշտոնապես տեղեկացրել ՀՀ կառավարությանը։
📣 Ըստ պաշտպանական կողմի հայտարարության՝ Ստրասբուրգի դատարանը գործադիրից պահանջել է ներկայացնել պաշտոնական դիրքորոշում Տոնոյանի ազատության և անձնական անձեռնմխելիության իրավունքների ենթադրյալ խախտումների վերաբերյալ:

‼️ ՍԴ դատավոր Հրայր Թովմասյանի լիազորությունները փետրվարի 13-ին դադարել են։
👨‍⚖️ Փետրվարի 12-ին ուժի մեջ է մտել նրա վերաբերյալ մեղադրական դատավճիռը, իսկ «Սահմանադրական դատարանի մասին» սահմանադրական օրենքի համաձայն՝ սահմանադրական դատարանի դատավորի լիազորությունները դադարում են, եթե օրինական ուժի մեջ է մտել նրա նկատմամբ կայացված մեղադրական դատավճիռը, կամ քրեական հետապնդումը դադարեցվել է ոչ ռեաբիլիտացնող հիմքով, գրում է factor.am-ը:
📌 Նշենք՝ վճռաբեկ դատարանի հակակոռուպցիոն պալատը 2026թ. փետրվարի 12-ին որոշում է կայացրել մերժել և՛ դատախազի, և՛ պաշտպանների բողոքները: