Category: Infocom

🇦🇿 Ադրբեջանական լրատվամիջոցները հայտնում են, որ Իլհամ Ալիևը հրամայել է ազատել Ադրբեջանի պաշտպանության փոխնախարար-օդային ուժերի հրամանատար, գեներալ-լեյտենանտ Ռամիզ Թախիրովին՝ զինծառայության տարիքային սահմանափակման պատճառով։

📌Վարչապետ Նիկոլ Փաշինյանը մայիսի 11-ին այցելել է Արմավիրի մարզ: Նա կանգառներ է ունեցել այն բնակավայրերի դպրոցներում, որտեղ կառուցված մարզադահլիճներում արձանագրվել էին տարբեր խնդիրներ և թերություններ, ինչպես նաև ծանոթացել է նոր օբյեկտների կառուցման աշխատանքներին:
🤝Վարչապետը չնախատեսված կանգառներ է ունեցել նաև Գայ և Բամբակաշատ բնակավայրերում՝ զրուցել բնակիչների հետ։

❗️ՀՀ ՄԻՊ ներկայացուցիչը այցելել է բողոքի ակցիայի՝ վնասվածք ստացած մասնակից Արմեն Բաղդասարյանին։ Նախքան բժշկական կենտրոն տեղափոխելը՝ Ոստիկանության բաժնում նրան տեսակցել է ՄԻՊ ներկայացուցիչը, առանձնազրույց ունեցել, որի ընթացքում ակցիայի մասնակիցը ներկայացրել է տեղի ունեցածի մանրամասները:
📌 Ուսումնասիրվել են նրան բերման ենթարկելու հիմքերն ու իրավունքների ապահովման վիճակը։ Պաշտպանի ներկայացուցիչը նաև զրուցել է Ա. Բաղդասարյանի շտապ բժշկական օգնություն ցուցաբերած բժիշկների հետ։
🔶️ Այցի արդյունքները կամփոփվեն և արձանագրված խնդիրների կապակցությամբ համապատասխան գրություններ կհասցեագրվեն իրավասու մարմիններին։
[ՀՀ ՄԻՊ]

❗️Մայիսի 11-ին ժամը 17:21-ին Ադրբեջանի Լենքորան քաղաքից 17 կմ հյուսիս, օջախի 10 կմ խորությամբ, գրանցվել է 5,0 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 6-7 բալ:
🔶️Երկրաշարժը զգացվել է Սյունիքի մարզի Կապան, Գորիս, Քաջարան, Ագարակ, Մեղրի քաղաքներում, Ալվանք, Նռնաձոր և Շվանիձոր գյուղերում՝ 4 բալ ուժգնությամբ։ 
[ՀՀ ՆԳՆ]

❗️«Լրատվամիջոցներից մեկում  «Մուրացանի զինվորական հոսպիտալի բժիշկների անձնագրերը հավաքել են, արգելում են մասնակցել ցույցերին» վերտառությամբ ամբողջովին հորինված նյութ է հրապարակվել:
📌 Պաշտպանության նախարարությունը, հերքելով վերնագրով և  բովանդակությամբ բացարձակ կեղծիք ու սուտ հանդիսացող տվյալ հրապարակումը, կրկին կոչ է անում զերծ մնալ զինծառայողներին քաղաքական ակցիաներին ներգրավվելու ցանկացած փորձից կամ այդ ակցիաների շրջանակում զինված ուժերի հեղինակությանը դիտավորյալ վնասելու արատավոր գործելաոճից»։
[ՀՀ ՊՆ]

📌 ԱԺ «Պատիվ ունեմ» խմբակցության պատգամավոր Տիգրան Աբրահամյանը հանդիպել է ԳՇ ռազմատեղագրական ծառայության պետին` հասկանալու, թե ինչ քարտեզների և իրավական բազայի հիման վրա է իրականացվում դելիմիտացիայի գործընթացը.
🗺 «Խնդրահարույց հարցերը սկսում են քարտեզների և արձանագրությունների գաղտնիության հանգամանքից, ինչը մեղմ ասած, հիմնազուրկ է։ […]
❗Ինձ որևէ հիմնավոր բացատրություն չտրվեց, թե ինչու են 1988 թթ․ փաստաթղթերը գաղտնի, և ինչ փաստաթղթի հիման վրա են գաղտնի դիտարկվում։
❗Տարօրինակ է, եթե այսօր օրենքի մակարդակով ՀՀ սահմանը գաղտնի չէ, ապա ինչպե՞ս կարող է գաղտնի լինել 1988 թ․ սահմանը։ Մանավանդ, եթե նկատի ունենանք, որ ըստ Փաշինյանի, 1988 թ․ փաստաթղթերը իրավական ուժ չունեն։
🗣 […] չկա որևէ երաշխիք, որ կոնկրետ թելադրվող հատվածներում ադրբեջանական պատկերացումներով «դելիմիտացիայի» անցկացումից հետո հնարավոր կլինի սահմանազատում և սահմանագծում իրականացնել բոլոր այն տեղամասերում, որտեղ Ադրբեջանը մխրճումներ ունի»,- ֆեյսբուքյան էջում գրել է պատգամավորը։
Կարդալ ավելին

❗️ՀՀ ոստիկանության ստորաբաժանումները բերման են ենթարկել բողոքի ակցիաների 48 մասնակցի: 1lurer.am-ին հայտնել են ՆԳՆ հանրային հաղորդակցության և իրազեկման վարչությունից։ |1lurer.am|

❗️Սայաթ Նովա-Աբովյան խաչմերուկում անհնազանդության ակցիա իրականացնող քաղաքացիները ուժի կիրառմամբ բերման են ենթարկվել։
📌Նրանց թվում են նաև 44-օրյա պատերազմի հերոս Արայիկ Բաղդասարյանի մայրը` Գոհար Դավթյանը, Սուրբ Աննա եկեղեցու սարկավագը և եկեղեցու սպասավորները։ |news.am|

❗️Նախկին պատգամավոր, «Ալյանս» կուսակցության ղեկավար Տիգրան Ուրիխանյանը ձերբակալվել է ՌԴ-ում։ Այս մասին հայտնել է NEWS.am-ին ՆԳՆ մամուլի խոսնակ Նարեկ Սարգսյանը: Նա նշել է, որ Տիգրան Ուրիխանյանի նկատմամբ հետախուզում էր հարուցվել  ՀՀ ՔՕ 442 հոդվածի հատկանիշներով` այն է պաշտոնատար անձի կողմից ձեռնարկատիրական գործունեությանն ապօրինի մասնակցելը: |news.am|