Category: Infocom

📢 Այսօր առավոտյան ժամը 10.00-ից վերականգնվել է Հայաստանից դեպի Արցախ գազամատակարարումը, որը երեկ խափանվել էր ադրբեջանական կողմի միջամտությամբ: Արդեն սկսվել է շրջանների գազամատակարարումը, որից հետո կվերականգնվի Ստեփանակերտ քաղաքի գազամատակարարումը: [Արցախի տեղեկատվական շտաբ]

📣 Այսօր Հայոց Ազգային բանակի կազմավորման 31-ամյակն է։
1992թ․ այս օրը՝ հունվարի 28-ին, կառավարությունը ընդունեց «Հայաստանի Հանրապետության Պաշտպանության նախարարության մասին» որոշում՝ դրանով իսկ իրավականորեն ազդարարելով Հայոց Ազգային բանակի ստեղծումը: Պաշտպանության առաջին նախարարը եղել է Վազգեն Սարգսյանը։

🇦🇲🇦🇪 Արաբական Միացյալ Էմիրություններ մեկնելիս մուտքի վիզա չի պահանջվի՝ համաձայն ՀՀ կառավարության ստորագրած արձանագրության։

Մարտին կայանալիք «Դիջիթեքին» կներկայացվի Հայաստանի տեխնոլոգիական նոր բրենդինգը․ ԱՏՁՄ-ն ամփոփեց 2022-ն ու նշեց 2023-ին իրականացվելիք ծրագրերը
📌 Հետաձգված «Դիջիթեք 2022»-ը կանցկացվի 2023-ի մարտին։
📌 Այս տարվա «Դիջիթեք» ցուցահանդեսը կլինի ամենամեծը, որտեղ առաջին անգամ կլինեն առանձին բաժիններ ստարտափների և կրթական հաստատությունների համար։
📌 2023-ին նախատեսվում է առնվազն 50 նոր «Արմաթ» լաբորատորիաներ բացել Հայաստանում և 50 լաբորատորիաներ վաճառել արտերկրում։
📌 2023-ին ԱՏՁՄ առաջնահերթություններից են լինելու Արցախում իրականացվող ծրագրերը։

👮🏼‍♂️Մովսես գյուղում տեղի ունեցած դեպքերի առթիվ նախաձեռնվել է երկու առանձին քրեական վարույթ։ Դրանիցից մեկը կապված է բնակիչներից մեկի ավտոմեքենայից առերևույթ ձայնարկիչ գողանալու դեպքի հետ, իսկ մյուսը՝ կապված բնակիչների ավտոդողերը վնասելու և խոտի այրման դեպքերի հետ։ ՀՀ քննչական կոմիտեից նաև հայտնում են, որ ՔԿ-ն գյուղի բնակիչներից հաղորդումներ չի ստացել։
📌 Հիշեցնենք, որ Մովսեսի համայքապետ Զավեն Պապյանը հայտնել էր, որ անհայտ անձը գյուղի թաղամասերից մեկում գիշերը պատռել է կայանած բազմաթիվ ավտոմեքենաների անվադողերը, վառել գյուղացու խոտի 27 տուկը։ Հաջորդ օրը նույն թաղամասում մարդիկ տնից դուրս գալիս նկատել են, որ իրենց տնից անհայտ անձինք են փախչում։

🤝 ԱԳՆ-ից հայտնում են՝ Արարատ Միրզոյանը Բրյուսելում հանդիպել է Եվրոպական խորհրդարանի արտաքին հարցերով կոմիտեի նախագահ Դեյվիդ Մքալիսթերի հետ:
📌 Անդրադարձ է եղել ԼՂ-ում ստեղծված իրավիճակին, Հայաստան-Ադրբեջան հարաբերությունների կարգավորման գործընթացին, Հայաստան-ԵՄ գործընկերության օրակարգային հարցերի և դրա ընդլայնման հեռանկարներին։
📌 Բարձր է գնահատվել նաև դեկտեմբերի 19-ին ավարտված ԵՄ մշտադիտարկման առաքելության աշխատանքը։

📌 Այցելել եմ Այրվածքաբանության ազգային կենտրոն՝ հունվարի 19-ին հրդեհի հետևանքով տարբեր աստիճանների այրվածքներ ստացած զինծառայողներին տեսակցելու նպատակով:
📌 Բուժանձնակազմը մանրամասներ է ներկայացրել զինծառայողների առողջական վիճակի և բուժման ընթացքի վերաբերյալ:
📌 Զրուցելով զինծառայողների հետ՝ նրանց մաղթել եմ շուտափույթ ապաքինում: [ՀՀ պաշտպանության նախարար Սուրեն Պապիկյան]

📌 Այցելել եմ Այրվածքաբանության ազգային կենտրոն՝ հունվարի 19-ին հրդեհի հետևանքով տարբեր աստիճանների այրվածքներ ստացած զինծառայողներին տեսակցելու նպատակով:
📌 Բուժանձնակազմը մանրամասներ է ներկայացրել զինծառայողների առողջական վիճակի և բուժման ընթացքի վերաբերյալ:
📌 Զրուցելով զինծառայողների հետ՝ նրանց մաղթել եմ շուտափույթ ապաքինում: [ՀՀ պաշտպանության նախարար Սուրեն Պապիկյան]

🇦🇲🇮🇷 ՀՀ-ում Իրանի դեսպան Աբբաս Բադախշան Զոհուրին Սյունիքում հիշեցրել է Իրանի ԱԳ նախարարի ավելի վաղ արած հայտարարությունն առ այն, թե Հայաստանի անվտանգությունը Իրանի անվտանգությունն է․
🗣 «Իրանն իր բոլոր հարևան երկրների հետ այնպիսի քաղաքականություն է վարում, որի նպատակն է զարգացնել համագործակցությունը բոլոր ուղղություններով: Իսկ Հայաստանը մեր հարևան, բարեկամ երկիրն է: Եվ Հայաստանի նկատմամբ էլ նույնպես այդ քաղաքականությունը կա: ԱԳ նախարարն էլ նշել է, որ Հայաստանի անվտանգությունն Իրանի անվտանգությունն է: Եվ Իրանի դիրքորոշումը միշտ այնպես է եղել, որ պետք է հարգվի երկրների անկախությունը, տարածքային ամբողջականությունը, այդ թվում՝ Հայաստանինն ու բոլորինը՝ միջազգային օրենքներին համապատասխան», — նշել է դեսպանը լրագրողների հետ զրույցում։
📌 Նշենք, որ Սիսիանում համաժողով է կազմակերպվել, որին մասնակցում է ՀՀ-ում Իրանի դեսպանը։|armenpress.am|