Category: Infocom

⚖️ Նախկին գլխավոր դատախազ Գևորգ Կոստանյանի՝ ապօրինի ծագում ունեցող գույքի բռնագանձման վերաբերյալ հայցադիմումը վարույթ է ընդունվել։
❗️ Կոստանյանից և իր հետ փոխկապակցված 3 անձից պահանջվել է հօգուտ ՀՀ-ի բռնագանձել.
🔸 Երևանում գտնվող 1 բնակարան, Ծաղկաձորում և Ջրվեժում գտնվող 2 առանձնատուն,
🔸 անհնարինության դեպքում՝ 537 միլիոն դրամից ավելի գումար՝ որպես ստացված ապօրինի եկամուտների մնացորդ, 276 միլիոնից ավելի գումար, որը ունի ապօրինի ծագում: [Գլխավոր դատախազություն]

❗️ Կարմիր Խաչի միջազգային կոմիտեի միջնորդությամբ այսօր Արցախից Հայաստան է տեղափոխվել երեք բուժառու։ Infocom-ի հետ զրույցում լուրը հաստատեց Կարմիր Խաչի միջազգային կոմիտեի հայաստանյան գրասենյակի հաղորդակցության ծրագրերի պատասխանատու Զառա Ամատունին։

❗️Արցախում առաջիկա օրերին կտրոնային համակարգի անցնելու համար տեխնիկական և կազմակերպչական աշխատանքներ են իրականացվում։ Այն հնարավորություն կտա առավելագույնս համաչափ բաշխել առկա պարենային ապրանքները։ Սկզբնական շրջանում նախատեսվում է կիրառել առաջնային նշանակության մի քանի ապրանքատեսակների համար:
📌 Ռուբեն Վարդանյանի ղեկավարությամբ քննարկվել են բնակչության առաջնային կարիքների ապահովմանը վերաբերող մի շարք հրատապ հարցեր:

📢 «Ազգային-ժողովրդավարական բևեռ»-ի անդամները բողոքի ակցիա են իրականացնում Գյումրի քաղաքում։
🚶Նրանք քայլերթով հասան 102-րդ ռուսական ռազմաբազային, որտեղ մեծ թվով ոստիկանական ուժեր էին կենտրոնացված։ Ակցիայի մասնակիցները ցանկանում էին շրջափակել ռազմաբազան, սակայն ոստիկանների և մասնակիցների միջև հրմշտոց սկսվեց։
🇦🇲🇷🇺 Ակցիայի կազմակերպիչների խոսքով Ռուսաստանը պետք է Արցախում լիարժեք կատարի իր պարտավորությունները։

⚖️ «Քիմիկների զորամաս»-ի գործով դատական նիստին օրերս հրապարակվել է մեղադրական եզրակացությունը, համաձայն որի`ՀՀ ԶՈՒ ԳՇ պետի նախկին տեղակալ Անդրանիկ Մակարյանը, 2020 թ․ հոկտեմբերի 21-ի մարտական առաջադրանքի ժամանակ իր եւ ենթակա անձնակազմի կյանքին սպառնացող անմիջական վտանգը չեզոքացնելու անձնական շահագրգռվածությունից ելնելով, տվել է «Նահանջ» հրաման՝ հրաժարվելով օգնության հասնել շրջափակման մեջ ընկած անձնակազմին։ Իր այդ հրամանի մասին, սակայն, Մակարյանը չի զեկուցել ԳՇ՝ այդ ժամանակվա պետ Օնիկ Գասպարյանին, այլ վստահեցրել է, որ շարժվում են գործողությունների ծավալման շրջան։
📌 Արդյունքում, շրջափակված 62 հոգանոց խումբը հակառակորդի հետ անհավասար մարտի պայմաններում մնացել է առանց օգնության․ խմբի 40 զինծառայողներից 5-ը գերեվարվել են, 12-ը՝ սպանվել, իսկ մնացած 23 զինծառայողների, ինչպես նաեւ ավտոբուսի 1 վարորդի գտնվելու վայրն անհայտ է:
🔗 Կարդալ ավելին

❗️ 1000 և ավելի բնակիչ ունեցող գյուղական բնակավայրերում կենսաթոշակի և կենսաթոշակի կարգով տրամադրվող նպաստների վճարումը այս տարվա հունվար ամսվանից իրականացվում է անկանխիկ եղանակով։ [ՀՀ աշխատանքի և սոցիալական հարցերի նախարարություն]

📌Հեռախոսազրույց են ունեցել ՌԴ ԱԳ նախարար Սերգեյ Լավրովն ու Թուրքիայի ԱԳ նախարար Մեւլութ Չավուշօղլուն։
Նախարարները փոխանակվել են ամանորյա շնորհավորանքներով եւ քննարկել են արտաքին քաղաքական գերատեսչությունների համագործակցության ծրագրերը 2023թ․ին, այդ թվում՝ սիրիական կարգավորման վերաբերյալ քայլերի հետագա համակարգումը։ [ՌԴ ԱԳՆ]

Ի գիտություն
Վերջին ամիսներին Infocom-ի խմբագրությունում ամենաշատ հնչած բառերից էին գիտությունն ու գիտարբուքը․ այս տարի մենք գործարկեցինք 2 նոր գիտական մեդիա նախագիծ, իսկ նոր նախագծերի մասին կպատմենք արդեն 2023-ին։
Եթե կարծում եք, որ ճիշտ ճանապարհի վրա ենք, մի նշան տվեք․ հավանեք, բաժանորդագրվե՜ք մեր Patreon-ին😉
Patreon-ի հղումը՝ https://www.patreon.com/igitutyun

🇷🇺🗣 Ռուսական խաղաղապահ կոնտինգենտին ուղղված քննադատությունը Լաչինի միջանցքում ստեղծված իրավիճակի համատեքստում անընդունելի է։ Այս մասին այսօր կայացած ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
📌 «Հրապարակային ոչ մի հարձակում նպաստավոր չէ գործի համար, ավելի վատ իրադրություններ են եղել։ Մենք աշխատում ենք այս իրավիճակը բարելավելու ուղղությամբ»,- հավելել է ռուս պաշտոնյան։ |tass.ru|