Category: Infocom

📌 Սոցցանցերում տարածված տեղեկությունը, թե Երևանի կենտրոնում ադրբեջանցի դիվերսանտ է ձերբակալվել, չի համապատասխանում իրականությանը. ՆԳՆ մամուլի խոսնակ Նարեկ Սարգսյան
🗣 «Ապրիլի 8-ին՝ ժամը 23:25-ի սահմաններում, ՆԳՆ ոստիկանության ծառայողները Մաշտոցի պողոտա Ամիրյան փողոց խաչմերուկից թմրանյութ պահելու և օգտագործելու կասկածանքով ձերբակալել և ՆԳՆ ոստիկանության Կենտրոնական բաժին են տեղափոխել ՌԴ մի քաղաքացու: Նրա մոտ թմրանյութ չի հայտնաբերվել, պարզվել է, որ ՀՀ-ում տուրիստական նպատակով: Նա բաց է թողնվել»,- հայտնել է խոսնակը։ |armenpress.am|

❌ Ադրբեջանի ՊՆ հաղորդագրությունը, թե իբր ապրիլի 8-ին՝ ժամը 23։35-23։45-ն ընկած ժամանակահատվածում, ՀՀ ԶՈՒ ստորաբաժանումները կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։
‼️ Միևնույն ժամանակ, Ադրբեջանի ԶՈՒ ստորաբաժանումներն են ապրիլի 8-ին՝ ժամը 22:50-ին, Արավուսի (Սյունիքի մարզ), ժամը 22:55-ին Խոզնավարի (Սյունիքի մարզ) հատվածում կրակ բացել ՀՀ ԶՈՒ դիրքերի ուղղությամբ:
[ՀՀ ՊՆ]

🇦🇲🇪🇺 Եվրոպայի խորհրդի գլխավոր քարտուղար Մարիա Պեյչինովիչ Բուրիչը Երևանում հանդիպել է ՀՀ վարչապետի ու ԱԳ նախարարի հետ։
🗣 Փաշինյանի հետ հանդիպումից հետո Բուրիչը X-ի իր միկրոբլոգում գրել է՝ Եվրոպայի խորհուրդը կշարունակի աջակցել Հայաստանին իր բարեփոխումների գործընթացում։
🤝 Արարատ Միրզոյանի հետ հանդիպմանը քննարկվել են տարածաշրջանային կայունության, ինչպես նաև Հայաստանի և Եվրոպայի խորհրդի միջև գործընկերության հարցեր։

🔥 Հրդեհ է բռնկվել Կապան քաղաքի Գործարանային փողոցի էլեկտրական ենթակայանում։
👨‍🚒 Ըստ նախնական տվյալների՝ հրդեհը բռնկվել է էլեկտրական ենթակայանի գլխավոր տրանսֆորմատորներից մեկում։ Դեպքի վայր է մեկնել հրշեջ-փրկարարական ջոկատից չորս մարտական հաշվարկ: Հրդեհը մեկուսացվել է ժամը 15։06-ին։
[ՀՀ ՆԳՆ փրկարար ծառայություն]

Ռուբեն Վարդանյանը ներկայացվել է 2024թ. Խաղաղության Նոբելյան մրցանակի՝ իր բարեգործական և մարդասիրական գործունեության համար: |news.am|

Doing Digital միջազգային ամենամյա ֆորումը Երևանում այս տարի կայացավ «Հնարավորություններին ընդառաջ» խորագրով։

Ֆորումի նպատակն էր ներկայացնել թվային փոխակերպման վերջին միտումները ֆինանսական և այլ ոլորտներում, առաջատար մասնագետների ելույթների և պանելային քննարկումների միջոցով ուսումնասիրել թվային ապագան ֆինթեքում և տնտեսության մեջ: Ֆինանսական և տեխնոլոգիական առաջատար ընկերություն Ամերիաբանկն արդեն երկրորդ տարին ֆորումի կողքին է, այս տարի որպես ֆինթեք գործընկեր: Միջոցառման կազմակերպիչը SPRING PR ընկերությունն է։
Մանրամասները՝ տեսանյութում։
#վճարովի_բովանդակություն

‼️ Եվրոպայի խորհրդի գլխավոր քարտուղար Մարիա Պեյչինովիչ Բուրիչը ՀՀ ԱԳՆ շենք մտավ «ազատություն քաղբանտարկյալներին» անգլերեն կոչերի ներքո։ ԱԳՆ առջև այս պահին տեղի է ունենում բողոքի ակցիա՝ «քաղբանտարկյալների ազատության պահանջով»։
🗣 Բողոքի ակցիայի մասնակիցները անգլերենով հայտարարեցին բոլոր «քաղբանտարկյալների» անունները։ Նրանք նաև բացականչում էին Բաքվի բանտում պահող, Արցախի Հանրապետության պաշտոնյաների և զինվորականների անունները՝ կոչ անելով վերջ տալ երկակի ստանդարտներին։
🇦🇲 Նշենք, որ ՀՀ է ժամանել ԵԽ գլխավոր քարտուղար Մարիա Պեյչինովիչ Բուրիչը։ Նախատեսվում են բարձրաստիճան հանդիպումներ, այդ թվում՝ ՀՀ ԱԳ նախարար Արարատ Միրզոյանի հետ: |tert.am|

❗️ Ժամը 18։31-ին Աշոցք գյուղից 19 կմ հարավ-արևելք գրանցված 2․9 մագնիտուդ ուժգնությամբ երկրաշարժը զգացվել է՝
— Շիրակի մարզի Աշոցք, Մուսայելյան, Ամասիա, Կաքավասար գյուղերում 3 բալ,
— Լոռու մարզի Շիրակամուտ և Սարալանջ գյուղերում 2-3 բալ ուժգնությամբ։
🔸 Էպիկենտրոնային գոտում ստորգետնյա ցնցման ուժգնությունը կազմել է 4 բալ: [ՆԳՆ]