Category: Infocom

🗣 Ադրբեջանը մեզ հրավիրում է քննարկել «Արևմտյան Ադրբեջանի» հարցը՝ ՀՀ տարածքի 60-70 տոկոսն անվանելով «Արևմտյան Ադրբեջան»։ Մենք ասում ենք, որ Հայաստանում չկա «Արևմտյան Ադրբեջան»։
📌 Նրանք փորձ են անում հումանիտար հարցերի տրամաբանության ներքո տեղավորել դա՝ մեզ կոչ անելով ինչ-որ հարց քննարկել: […]
❗️ Բաքվի նման հայտարարությունները պարզապես տարածքային պահանջներ են Հայաստանի նկատմամբ, և հետևաբար Հայաստանը չի կարող այդ հարցը քննարկել։
[Նիկոլ Փաշինյան] |armenpress.am|

❗️Մեր գնահատմամբ Բաքվում տեղի ունեցող դատավարությունները բեմականացված են, որտեղ կիրառվում են խոշտանգումներ, մեր ունեցած տվյալներով այլ արգելված միջոցներ։ Այդ իրադրությունը մեզ անհանգստացնում է։
🔸 Մենք հնարավոր ջանքերը գործադրում ենք գերիների, պատանդների, այլ պահվող անձանց խնդիրը լուծելու համար, բայց դա տեղի է ունենում այն պայմաններում, որ Ադրբեջանը այդ գործոնը նույնպես օգտագործում է էսկալացիոն նպատակով։
[Նիկոլ Փաշինյանը՝ թուրքական լրատվամիջոցների հետ հարցազրույցում]

❗️ Մեր պաշտոնական դիրքորոշումն այն է, որ Հայոց ցեղասպանության միջազգային ճանաչումը մեր արտաքին քաղաքական առաջնահերթությունների մեջ չի մտնում այսօր։
🗣 Սա պաշտոնական ձևակերպում է, բայց այս համատեքստում կան հարցեր, որոնց պարզաբանումը էական է և կարևոր։ Այդ հարցերի շուրջ աշխատանքային ռեժիմով անընդհատ խոսում եմ և՛ Հայաստանում, և՛ արտերկրում։
🔸 Մեծ եղեռնը Հայաստանում, հայության շրջանում անառարկելի ճշմարտություն է։ Մեր իրականության մեջ հնարավոր չէ դա ժխտել կամ ուրանալ։
[Նիկոլ Փաշինյանը՝ թուրքական լրատվամիջոցներին տված հարցազրույցում]

🇦🇲🇦🇿 Ադրբեջանի նախագահ Իլհամ Ալիևը, ելույթ ունենալով Բաքվի «Գլոբալ Բաքվի ֆորումի» միջոցառմանը, հայտարարել է․
🗣 «Հայաստանի նկատմամբ վստահության մակարդակը մոտ է զրոյականին։ Դրա համար մենք չենք վստահում նրանց խոսքերին։
📝 Փաստաթղթեր են պետք, թղթեր են պետք։ Մենք պետք է ապահովենք, որ նրանց սահմանադրությունը Ադրբեջանի նկատմամբ տարածքային պահանջներ չպարունակի։ Այնտեղ դրանք դեռ առկա են։ Մեզ պետք է, որ ԵԱՀԿ Մինսկի խումբը լուծարվի: Սա մեր ուղերձն է Հայաստանին, և մենք հայտարարում ենք, որ Մինսկի խումբը պահպանելու տրամաբանություն չկա»։ |tert.am|

🇪🇪🇦🇲🇦🇿 Էստոնիան ողջունում է Հայաստանի և Ադրբեջանի միջև պատմական համաձայնագիրը։
🔸 Սա երկար սպասված քայլ է տարածաշրջանում խաղաղության և կայունության հասնելու ճանապարհին, և մենք ակնկալում ենք խաղաղության համաձայնագրի շուտափույթ ստորագրում:
[Էստոնիայի ԱԳ նախարար Մագնուս Ցահքնա]

🇦🇹🇦🇲🇦🇿 Ավստրիայի ԱԳՆ-ն X-ում ողջունել է ՀՀ և Ադրբեջանի միջև խաղաղության պայմանագրի հարցում գրանցված առաջընթացը։
🤝 «Ջերմորեն ողջունում ենք Հայաստանի և Ադրբեջանի միջև խաղաղության հարցում ձեռք բերված առաջընթացը։ Մենք հուսով ենք, որ շուտով կստորագրվի համաձայնագիր։
🔸 Համապարփակ և արդար համաձայնագիրը վստահաբար կամրապնդի կայունությունը, անվտանգությունը և բարգավաճումը ողջ տարածաշրջանում»,- նշված է Ավստրիայի ԱԳՆ հայտարարության մեջ։ |1lurer.am|

⚖️ «Ես ժառանգ ունեմ, կկռվեմ, դուք փախեք»․ 44-օրյա պատերազմում զոհված հրամանատար Հովիկ Մուրադյանի այս խոսքերն է հիշում մայրը՝ Սաթենիկ Աղաջանյանը, որ այսօր ներկայացրել դատարան՝ որդուն առնչվող գործով ցուցմունք տալու։
🔸 Մուրադյանը 2020 թ․ եղել է Ջրականի 5-րդ ուսումնական գումարտակի կապի դասակի հրամանատարը, հոկտեմբերի 9-ին գումարտակի հրամանատար Իշխան Վահանյանի գլխավորությամբ մեկնել է Խուռհատ սար՝ մարտական առաջադրանքի։ Վահանյանի ենթադրյալ փախուստից հետո ընկել է շրջափակման մեջ եւ զոհվել։
🗣 «Ի՞նչ ասեմ․․․ Մեր երեխեքը հերոս են, ժառանգները նրանց կհիշեն որպես հերոս, իսկ Իշխան Վահանյանի երեխան նրան կհիշի որպես դավաճան։ էս սարքած գործ էր թե ինչ էր, էդ էրեխեքին միանգամից կոտորեցին, որ բանակի վերջը տան, որ իրանց արածը անեն, երկիրը ծախեն․․․ Գոնե որ Ղարաբաղը մնար, ասեինք՝ հա․․․»։

🔗Կարդալ ավելին

🇦🇲🇹🇷🇦🇿 Թուրքիայի նախագահի արտաքին քաղաքականության և անվտանգության հարցերով գլխավոր խորհրդական Աքիֆ Քըլըչն APA-ին տված հարցազրույցում ասել է․
🗣 «Ուշադիր հետևում ենք Ադրբեջանի և Հայաստանի միջև տեղի ունեցող գործընթացին, խաղաղության պայմանագրի խնդրին և դրան համապատասխան քայլեր ենք ձեռնարկում։
📌 Քննարկումների մեջ ենք Հայաստանի հետ։ Աշխատում ենք ճիշտ լուծում գտնելու, միասին առաջ շարժվելու և խաղաղ ապրելու ուղղությամբ։
🔸 Թուրքիան նախադրյալներ չի տեսնում Երևանում և Անկարայում դեսպանատների փոխադարձ բացման հարցը քննարկելու համար։ Ադրբեջանի և Հայաստանի միջև խաղաղության պայմանագիրը շատ հարցերի լուծման բանալին կդառնա»։ |1lurer.am|

🇦🇲🇦🇿 Սահմանադրության փոփոխության հետ կապված քննարկումներ Բաքվի հետ չեն անցկացվել։
🗣 Մենք կարծում ենք՝ Հայաստանի Սահմանադրությունը չունի տարածքային պահանջներ Ադրբեջանի կամ որևէ այլ երկրի նկատմամբ:
🔸Մենք կարծում ենք, որ Ադրբեջանի սահմանադրությունում կան տարածքային պահանջներ Հայաստանի նկատմամբ, բայց այս բոլոր հնարավոր ընկալումների հետ կապված կա հիմա արդեն նոր իրողություն: Այդ նոր իրողությունը խաղաղության համաձայնագրի նախագծի համաձայնեցված տեքստի առկայությունն է: Իսկ խաղաղության համաձայնագրի համաձայնեցված տեքստը բոլոր այդ մտահոգությունները հասցեագրում է, լուծում է։
[Նիկոլ Փաշինյան] |azatutyun.am|