Category: Infocom

🇫🇷⚖️ Փարիզի դատախազությունը հարցաքննության է հրավիրել Իլոն Մասկին։ Սրան զուգահեռ՝ ֆրանսիական ոստիկանությունն այսօր խուզարկել է Х-ի փարիզյան գրասենյակը։
📱 France-Presse գործակալությունը նշում է, որ Մասկի՝ ապրիլի 20-ին նախատեսված հարցաքննությունը կապված է գործարարի սեփականություն հանդիսացող Х (նախկին Twitter) սոցիալական ցանցի գործունեությանն առնչվող հետաքննության հետ։
🔸 Ֆրանսիայի դատախազությունը քրեական գործ էր հարուցել՝ պնդելով, որ Х-ի ալգորիթմն օգտագործվել է երկրի ներքաղաքական կյանքին միջամտության համար։ |azatutyun.am|

🇷🇺💬 Լավրովը կարծում է, որ արտաքին կապերի դիվերսիֆիկացմանն ուղղված ՀՀ քաղաքականությունը չի ենթադրում համագործակցության դադարեցում ավանդական դաշնակիցների հետ:
🗣 ՌԴ ԱԳ նախարարի խոսքով՝ Մոսկվան ելնում է այն կանխավարկածից, որ Հայաստանի ղեկավարության որդեգրած գիծը չի նշանակում կողմնորոշում դեպի այնպիսի միավորումների ու բլոկների չափանիշներ, որոնք ձգտում են «ռազմավարական պարտություն» հասցնել Ռուսաստանին։ |civilnet.am|

🇺🇸🇮🇷 Դոնալդ Թրամփը և Հնդկաստանի վարչապետ Նարենդրա Մոդին հեռախոսազրույց են ունեցել, հայտնել է Հնդկաստանում ԱՄՆ դեսպան Սերջիո Գորը։
🔸 Թրամփը հայտարարել է, որ Մոդիի հետ քննարկել են բազմաթիվ հարցեր, այդ թվում՝ առևտուրը և Ռուսաստանի ու Ուկրաինայի միջև պատերազմի ավարտը։
🗣️ «Նա համաձայնել է դադարեցնել ռուսական նավթի գնումները և ավելի շատ գնել ԱՄՆ-ից, հնարավոր է՝ նաև Վենեսուելայից։ Սա կօգնի վերջ դնել Ուկրաինայում ընթացող պատերազմին»,- գրել է ԱՄՆ նախագահը

❗️Երևանի քաղաքապետարանի տրանսպորտի վարչության պետ Վազգեն Հարությունյանի նկատմամբ քրեական հետապնդում է հարուցվել դատական ակտը չկատարելու [․․․] դեպքի առթիվ նախաձեռնված վարույթի շրջանակում։ Նրա նկատմամբ որպես խափանման միջոց կիրառվել են բացակայելու արգելքը և պաշտոնավարման կասեցումը։ Այս մասին հաղորդել է ՔԿ խոսնակ Կիմա Ավդալյանը։
🗣 Վազգեն Հարությունյանը հայտարարում է՝ մեղադրանքը չի ընդունում եւ այն անհիմն է համարում։
📌 Նա մանրամասնել է, որ հարցը վերաբերում է 2023-ին ճանապարհային նշանների տեղադրման մրցույթում հաղթած «Իմպեքս» ՍՊԸ-ին։ Ըստ Հարությունյանի՝ ընկերության հետ պայմանագիրը օրենքի պահանջով միակողմանի լուծվել է բանկային երաշխիք չներկայացնելու պատճառով, ինչից հետո նախաձեռնվել է նոր գնման գործընթաց։ Սակայն «Իմպեքը» դատական հայց է ներկայացրել, որի շրջանակում արգելվել է նոր գնման գործընթացի նախաձեռնումը։
⚖️ «[Նոր գնման գործընթաց չնախաձեռնելու մասին] դատական ակտը ստացել եմ գործընթացը սկսելուց հետո, սակայն ինձ մեղադրում են այն նախաձեռնելու համար՝ մինչև ակտի ստացումը։ Սա է մեղադրանքի ամբողջ էությունը»,- գրել է Հարությունյանը ֆեյսբուքյան էջում։

🇮🇷🗞 Իրանի նախագահը հրահանգել է Իրանի միջուկային ծրագրի շուրջ բանակցություններ սկսել ԱՄՆ-ի հետ․ իրանական լրատվամիջոցներ
📣 Իրանական Fars գործակալության աղբյուրների փոխանցմամբ՝ առաջիկա բանակցությունները նվիրված են լինելու բացառապես Իրանի միջուկային ծրագրին և դուրս չեն գալու այդ շրջանակից։ Նշվում է, որ քննարկումները կընթանան Իրանի ԱԳ նախարար Աբբաս Արաղչիի և ԱՄՆ նախագահի հատուկ բանագնաց Սթիվ Ուիթքոֆի միջև։
📌 Fars-ը հիշեցնում է, որ վերջին տարիներին Իրանը և Միացյալ Նահանգները միջուկային ծրագրին նվիրված միջնորդավորված բանակցությունների հինգ փուլեր էին անցկացրել։ «Վեցերորդ փուլի մեկնարկից մի քանի օր առաջ տեղի էր ունեցել Իսրայելի հարձակումը Իրանի վրա», — նշում է գործակալությունը։

🌡 Օդի ջերմաստիճանը փետրվարի 2-3-ի ցերեկային ժամերին աստիճանաբար կբարձրանա ևս 2-4 աստիճանով, փետրվարի 4-5-ին և գիշերը և ցերեկը աստիճանաբար կնվազի 5-7 աստիճանով, 6-7-ին նույնքան կբարձրանա։
☔️❄️ Երևանում և հանրապետության տարածքում փետրվարի 2-ի ցերեկը, 3-4-ին, 7-ի գիշերը և առավոտյան ժամերին սպասվում են տեղումներ՝ անձրևի և ձնախառն անձրևի տեսքով։ Փետրվարի 5-6-ին սպավում է առանց տեղումների եղանակ։
[«Հիդրոօդերևութաբանության և մոնիթորինգի կենտրոն»]

🇦🇲🇮🇳 Սուրեն Պապիկյանն ընդունել է Հնդկաստանի ԶՈՒ պաշտպանության շտաբի պետ, գեներալ Անիլ Չաուհանին։
📣 Նախարար Պապիկյանը բարձր է գնահատել պաշտպանության բնագավառում Հայաստան-Հնդկաստան համագործակցության ներկայիս մակարդակը՝ կարևորելով փոխգործակցության ծրագրերի կանոնավոր իրականացումը:
🗣 Գեներալ Չաուհանը հայտնել է Հնդկաստանի զինված ուժերի պատրաստակամությունը՝ շարունակելու համագործակցության զարգացումն առկա ուղղություններով և նախաձեռնելու փոխադարձ հետաքրքրություն ներկայացնող նոր ուղղություններ:

🇦🇲🇮🇷 Ալեն Սիմոնյանը ընդունել է Հայաստանում Իրանի դեսպան Խալիլ Շիրղոլամիին։
🤝ՀՀ ԱԺ նախագահը շնորհավորել է դեսպանին նշանակման կապակցությամբ և հույս է հայտնել, որ դեսպանի գործունեությունը կնպաստի երկու երկրների միջև հարաբերությունների հետագա ամրապնդմանն ու զարգացմանը:
📌 Զրուցակիցներն անդրադարձել են միջխորհրդարանական կապերի զարգացմանը և տարածաշրջանային հետաքրքրություն ներկայացնող հարցերին:
[ՀՀ Ազգային ժողով]