Category: Infocom

❗️Վերաքննիչ դատարանը որոշել է անփոփոխ թողնել թմրանյութերի օգտագործման և իրացման մեջ մեղադրվող 33-ամյա Ելիզավետա Դանիելչևայի՝ 6 տարի ազատազրկման դատավճիռը (վերջնական պատիժ էր նշանակվել 4 տարի 8 ամիս ժամկետով)։
👮 2023-ի հունիսի 24-ին ոստիկանությունը ներխուժել էր Երևանի «Բան» ակումբ և այնտեղ թմրանյութեր էր գտել։ 27 բերման ենթարկվածներից Դանիելչևան միակ մեղադրյալն էր։ Ելիզավետան, սակայն, պնդում է, որ ակումբից հայտնաբերված թմրանյութերի հետ ինքը կապ չունի և թմրանյութ չի իրացրել։ Իրեն պատկանել է միայն անձնական խուզարկությամբ հայտնաբերված 0.48 գրամ քաշով թմրանյութը, որն իր անձնական օգտագործման համար է եղել։
🔸 Դեպքից հետո իրավապաշտպանները ահազանգել էին, որ ոստիկանները ծեծել, հայհոյել և արժանապատվությունը նվաստացնող այլ գործողություններ էին իրականացրել ակումբի այցելուների նկատմամբ։ Ելիզավետայի ամուսինը «Հետքին» հայտնել էր, որ մեղադրող կողմը փորձում է ակումբում գտած բոլոր թմրանյութերը մեղսագրել Ելիզավետային և, առանց որևէ ապացույցի, պնդում է, որ Ելիզավետան զբաղվել է թմրանյութերի իրացմամբ։
📌 Նրա նկատմամբ այժմ կիրառված է «վարչական հսկողություն» խափանման միջոցը՝ մինչև դատական ակտի ուժի մեջ մտնելը։ Մինչ այդ, մոտ 1 տարի 3 ամիս նա եղել է կալանքի և տնային կալանքի տակ։ |hetq.am|

🗳 Սեպտեմբերի 27-ին ՏԻՄ ընտրություններ կանցկացվեն Լոռու մարզի Թումանյան և Լերմոնտովո, Արմավիրի մարզի Ֆերիկ և Կոտայքի մարզի Արզնի համայնքներում։
ℹ️ Թումանյանում ընտրությունները կանցկացվեն համամասնական, իսկ մյուս համայնքներում՝ մեծամասնական ընտրակարգով։
[ՀՀ ԿԸՀ]

🚫 Օգոստոսի 24-ից Թումանյան 32/2 հասցեից մինչև Թումանյան-Տերյան փողոցների խաչմերուկ տրանսպորտային միջոցների կանգառը կարգելվի:
❌ Թումանյան-Տերյան փողոցների խաչմերուկում, մասնավորապես՝ Տերյան 42 հասցեից դեպի Թումանյան-Տերյան փողոցների խաչմերուկ փոխադրամիջոցների հետադարձը կարգելվի:
[Երևանի քաղաքապետարան]

📌 Աշխատանքի և բարեկեցության հարցերի մշտական հանձնաժողովի նախագահի պաշտոնում ՔՊ-ն առաջադրել է Նազելի Բաղդասարյանի թեկնածությունը։

🇮🇷 Բրիտանական Financial Times պարբերականը գրում է՝ «Իրանը դիտարկում է Եվրոպայում գտնվող ամերիկյան օբյեկտներին հարվածների հնարավորությունը»:
🔸 Թերթի աղբյուրները փոխանցել են, որ Թեհրանը նման քայլի կդիմի, եթե փոխըմբռնման մասին հուշագրի գործողության ժամկետը լրանալուց հետո «ԱՄՆ-ի հետ հարաբերությունները շարունակեն սրվել»։ |azatutyun.am|

💰 ԵՊՀ պատմության ֆակուլտետի հայոց պատմության ամբիոնի վարիչի պաշտոնը զբաղեցրած անձը (Էդիկ Մինասյան՝ խմբ.), քաղաքացու՝ ԵՊՀ ընդունելությունն անխոչընդոտ ապահովելու նպատակով, նրա ազգականից պահանջել է նախ 5000 ԱՄՆ դոլար, այնուհետև սակարկության արդյունքում՝ 4000 ԱՄՆ դոլար կաշառք:
⚖️ Նրան մեղադրանք է ներկայացվել խոշոր չափերով կաշառք ստանալու համար, խափանման միջոց է կիրառվել տնային կալանքը։ Նախաքննությունն ավարտվել է:
[ՀՀ հակակոռուպցիոն կոմիտե]

🔁 Օգոստոսի 20-ից Թբիլիսյան խճուղի — Թբիլիսյան խճուղու նրբանցք խաչմերուկից դեպի Շրջանցիկ թունել փողոց երթևեկությունը կլինի միակողմանի:
[Երևանի քաղաքապետարան]

🎞 Արցախի ԱԽ նախկին նախարար Դավիթ Բաբայանի ձայնային ուղերձ է հղել ադրբեջանական բանտից:
📌 Ձայնագրությունը News.am-ին փոխանցել է Բաբայանի ընտանիքը: