Category: Infocom

🇦🇲🇮🇷🇪🇺 ՀՀ-ում Եվրամիության դիտորդական առաքելությունն իր բնույթով ռազմական չէ: ՀՀ իշխանություններն իրանական կողմին հավաստիացրել են, որ այդ առաքելությունը պարզապես հայ-ադրբեջանական սահմանին կայունություն պահպանելու և լարվածությունը կանխելու նպատակ ունի, ինչն իրանական կողմին հասկանալի է։ 
🗣 Մենք Հայաստանի կառավարության կողմից սեփական քաղաքականությունը դիվերսիֆիկացնելու դիրքորոշմանը վերաբերվում ենք հարգանքով։ ՀՀ իշխանությունները մեզ հայտնել են, որ Եվրամիության ու եվրոպական մի շարք երկրների հետ Հայաստանի հարաբերությունները կարող են նաև լավ հնարավորություններ ստեղծել հայ-իրանական փոխգործակցության համար։
🇦🇲🇺🇸🇮🇷 Հայաստանի իշխանություները մեզ հստակորեն ասել են, որ Հայաստանի և ԱՄՆ-ի միջև ստորագրված ռազմավարական փաստաթուղթը դեմ չէ Հայաստան-Իրան հարաբերություններին: Հայաստանի իշխանություններն ընդգծել են, որ չեն ձեռնարկի այնպիսի քայլ, որը կվնասի երկկոկմ կամ Իրանի Իսլամական Հանրապետության շահերը։
[ՀՀ-ում Իրանի արտակարգ և լիազոր դեսպան Մեհդի Սոբհանի]

🇦🇲🇮🇷 Այն, ինչ հեռարձակվել է, ոչ մի արժեք իրենից չի ներկայացնում։ Այդ մասին լրագրողների հետ հանդիպմանն այսօր ասաց ՀՀ–ում Իրանի դեսպան Մեհդի Սոբհանին՝ անդրադառնալով հունվարի 30-ին համացանցում տարածված տեսանյութին, որտեղ մի խումբ մարդիկ Երևանի Հանրապետության հրապարակում ադրբեջաներենով Ղարաբաղի մասին երգ են երգում։
🗣 «Նախ շատ կասկածելի է ու բազմաթիվ հարցեր է առաջացնում այդ տեսանյութը, և պետք է այն ուսումնասիրվի։ Անկեղծ ասած` ես էլ եմ նայել ու լսել, սակայն հստակ չէր լսվում, թե նրանք ինչ են ասում։ Մեր դիրքորոշումը հետևյալն է` ովքեր ռասիստական ու ազգայնական լոզուգներով են հանդես գալիս, նրանք ոչ Իրանի ժողվորդի ներկայացուցիչներ են, ոչ էլ ԻԻՀ պաշտոնական դիրքորոշում արտահայտողները։
🔸 Նման կասկածելի գործողությունները չպետք է կասկածի տակ դնեն ՀՀ–ի նկատմամբ Իրանի դիրքորոշումները, ինչպես նաև ազդեն երկու երկրների հարաբերությունների վրա։ Դուք շատ ուշադիր ու զգոն պետք է լինեք, որ նման իրողությունների ալիքի վրա չհայտնվեք ու ձեզ այդ ուղղությամբ չտանեն»,– ասաց դեսպանը։|armeniasputnik.am|

ԱՏՁՄ-ն դժգոհ է բարձր տեխնոլոգիական ոլորտում կառավարության հարկային քաղաքականությունից և առաջարկում է օրենսդրական փոփոխություններ կատարել
🗣 Այսօր հրավիրված ասուլիսի ընթացքում Առաջատար տեխնոլոգիաների ձեռնարկությունների միության (ԱՏՁՄ) ներկայացուցիչները ներկայացրին, թե որոնք են հարկային քաղաքականության խնդիրները, ինչ մտահոգություններ ունի տեխնոլոգիական համայնքը, և ինչու չի ստացվում կառավարության հետ երկխոսությունը։
📌 ԱՏՁՄ գործադիր տնօրեն Սարգիս Կարապետյանն նշեց՝ Միությունը ոչ թե կառավարությունից աջակցություն է խնդրում, այլ ահազանգում է ռիսկերի մասին․ «Հայաստանը՝ որպես միջավայր, օրեցօր կորցնում է իր մրցունակությունը այլ էկոհամակարգերի նկատմամբ, և մենք վերջին երկու տարվա ընթացքում տեսնում ենք կրճատվող էկոհամակարգ։ ․․․․ 2024 թվականին 2023-ի նկատմամբ 5000-ով պակասել է մեր ոլորտում գործունեություն ծավալող սուբյեկտների քանակը, և 2000-ով կրճատվել են աշխատանքային հաստիքները։ Սա վերջին 25 տարվա ընթացքում պատմական աննախադեպ անկում է»։

🇮🇷 «Այսպես կոչված, «Զանգեզուրի միջանցքը» բացելու համար Ադրբեջանի հնարավոր հարձակման դեպքում ի՞նչ քայլեր կձեռնարկի Իրանը», այս հարցին ՀՀ-ում Իրանի դեսպանը հարցով պատասխանեց. «Դուք ի՞նչ եք ուզում, որ Իրանն ի՞նչ անի։ Ի՞նչ եք ակնկալում, որ Իրանն անի»։
🗣 Այնուհետև դեսպանը նշեց, որ իրենք կողմնակից են հարցերը լուծել դիվանագիտական և երկխոսության միջոցով․ «Մենք դեմ ենք ուժի կիրառման միջոցով տարածաշրջանային խնդիրները լուծելուն։ Մենք մեր ողջ ջանքերը կգործադրենք, որ տարածաշրջանը չմտնի նոր լարված վիճակի մեջ։ Նոր ճանապարհ ստեղծելու համար ուժի կիրառումը որևէ բացատրություն չունի։ Մենք մեր ողջ ջանքերը կգործադրենք, որպեսզի նոր հակամարտություն չլինի»,-ասաց դեսպանը։
🔸 Իրանի դեսպանը նաև հորդորեց չթերագնահատել Հայաստանի կարողությունները․ «Եթե հիմա հարձակում լինի, ես կարծում եմ՝ Հայաստանն ունի համապատասխան պաշտպանական հնարավորություն, որ պաշտպանի իր սահմանները»,- ասել է ՀՀ-ում Իրանի դեսպանը։|civilnet.am|

🇮🇷 Միայն Հայաստանն ու Իրանն են, որ այսպես կոչված «Զանգեզուրի միջանցքի» մասին միատեսակ են մտածում. ՀՀ-ում Իրանի դեսպան
🗣 «Միայն Իրանն է աջակցում ՀՀ–ին՝ դեմ հանդես գալու «Զանգեզուրի միջանցքին», տարածաշրջանի երկրներից միայն Իրանն է այս հարցում կանգնած Հայաստանի կողքին։
🔸 Մենք այս հարցում Հայաստանի հետ տարաձայնություն չունենք․ մենք միատեսակ ենք մտածում։ «Զանգեզուրի միջանցքը» ի վնաս է և Հայաստանին, և Իրանին», – ասել է Մեհդի Սոբհանին լրագրողների հետ ասուլիսում։

🇷🇺🇦🇿 Ադրբեջանի ԱԳՆ-ն կոչ է արել դադարեցնել Բաքվում «Ռուսական տան» գործունեությունը՝ որպես իրավաբանական անձ գրանցված չլինելու պատճառով։ Այս մասին ասել է Россотрудничества-ի ղեկավար Եվգենի Պրիմակովը։
🏢 «Ռուսական տունը» մեկուկես ամսվա ընթացքում պետք է լքի իր վարձակալած տարածքը, քանի որ սեփականատերը մտադիր է այն շտապ վաճառել։ Պրիմակովի խոսքով՝ մեկ այլ տարածքի սեփականատեր, որի հետ բանակցություններ են վարել, առայժմ «դադար է վերցրել»։
📌 Հիշեցնենք, որ հունվարի վերջին BakuTV-ն պնդել է, որ ռուսական հատուկ ծառայությունները աշխատում են Բաքվում «Ռուսական տան» քողի տակ։ Դրանից հետո Ադրբեջանի դեսպան Ռահման Մուստաֆաևին կանչել են ՌԴ ԱԳՆ և դժգոհություն հայտնել։ |1lurer.am|