Category: Infocom

🇪🇪🇱🇻🇱🇹 Այսօրվանից Բալթյան երեք երկրները՝ Էստոնիան, Լատվիան և Լիտվան, անջատվում են ռուսական էներգահամակարգից։
⚡️ Փետրվարի 9-ի երեկոյան արդեն այս երեք երկրները կմիանան Եվրոպական էներգամատակարարման ցանցին՝ Լեհաստանի միջոցով։ ՌԴ-ից էներգետիկ անկախություն ստանալու գործընթացը սկսվել է 2018 թվականին, երբ համաձայնագիր ստորագրվեց Լեհաստանի հետ՝ Բալթյան երկրների էներգահամակարգը եվրոպական ցանցերին սինքրոնացնելու մասին։
🗣 «Բալթյան էներգահամակարգը վերջապես մեր ձեռքերում է, մենք ամբողջությամբ վերահսկում ենք այն, Ռուսաստանին կզրկենք էլեկտրաէներգիան որպես քաղաքական շանտաժի գործիք օգտագործելու հնարավորությունից», – հայտարարել է Լիտվայի էներգետիկայի նախարար Ժիգիմանտաս Վայչիունասը: |azatutyun.am|

🇸🇰 Սլովակիայում տասնյակ հազարավոր մարդիկ փետրվարի 7-ին դուրս են եկել փողոց՝ բողոքելու վարչապետ Ռոբերտ Ֆիցոյի կառավարության ռուսամետ քաղաքականության դեմ։
📌 Նշվում է, որ ցույցերն անցկացվում են «Սլովակիան Եվրոպա է» և «Հրաժարական, հրաժարական» կարգախոսներով։
🔸 Ֆիցոյի հրաժարականի նոր պահանջներով համաժողովրդական բողոքի վերջին ալիքի հիմնական պատճառը եղել է 2024թ. դեկտեմբերին Ֆիցոյի այցը Մոսկվա, որտեղ նա հանդիպել է ՌԴ նախագահ Վլադիմիր Պուտինի հետ։ |armenpress.am|

🇦🇲🇳🇴 Նորվեգիա պաշտոնական այցի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Եվրոպայի խորհրդի նախկին գլխավոր քարտուղար, Նորվեգիայի նախկին վարչապետ Թյորնբորն Յագլանդի հետ և նրան պարգևատրել է ՀՀ Պատվո շքանշանով։
📌 Պարգևատրման արարողությանը նախարար Միրզոյանը նշել է. «Ինձ համար մեծ պատիվ է Ձեզ հանձնել այս Շքանշանը։ Սա նշան է և վկայություն մեր ժողովրդավարության մեջ և նաև մեր երկու երկրների միջև կապերի ամրապնդման գործում Ձեր ներդրման ճանաչման։ Շնորհավորում եմ»։ Տորբյորն Յագլանդն իր կողմից նշել է. «Մեծ պատիվ է, մեծ հաճույք է ստանալ այս Շքանշանը։
🔸 Հանդիպմանն Արարատ Միրզոյանը և Թյորնբորն Յագլանդը նաև մտքեր են փոխանակել տարածաշրջանային զարգացումների շուրջ։
[ՀՀ ԱԳՆ]

❗️Արամ Ա. Կաթողիկոսը ԱՄՆ նախագահ Դոնալդ Թրամփին ուղղված հատուկ նամակով կոչ է արել ճնշում գործադրել, որպեզսի ազատ արձակեն Ադրբեջանի բանտերից հայ գերիներին:
📌 Արամ Ա․-ն հիշեցրել է նախագահին՝ ընտրապայքարի ընթացքում նրա կատարած դատապարտումը՝ Արցախի ժողովրդի էթնիկ զտման ու բռնագաղթի վերաբերյալ, ինչպես նաեւ շեշտումը՝ արցախահայության վերադարձի իրավունքին մասին:
🔸 Վեհափառ Հայրապետը նախագահի ուշադրության է հրավիրել «համայն հայությանը ցավ ու ընդվզում պատճառող Արցախի քաղաքական ապօրինի բանտարկյալների դատին, որոնց շարքին են պատկանում նախկին նախագահներ, վարչապետներ եւ պետական բարձրաստիճան պաշտոնյաներ»։

🧑🏼‍🚀 44-օրյա պատերազմի ժամանակ ՊԲ N զորամասի դիվիզիայի հրամանատարի տեղակալ, գնդապետ Մանուկ Բադալյանը մեղավոր է ճանաչվել ռազմական դրության ժամանակ սիմուլյացիայի եղանակով զինվորական ծառայության առանձին պարտականությունների կատարումը ժամանակավորապես դադարեցնելու մեջ։
⚖️ Սյունիքի մարզի դատարանը նրան դատապարտել է 5 տարի ժամկետով ազատազրկման՝ միաժամանակ վճռելով պատիժը պայմանականորեն չկիրառել եւ սահմանել 2 տարի ժամկետով փորձաշրջան։ 
Նշենք, որ գնդապետն առաջադրված մեղադրանքը չի ընդունել։
📎 Կարդալ ավելին

🇦🇲🇮🇳 Փետրվարի 8-ին ՀՀ պաշտպանության նախարար Սուրեն Պապիկյանի գլխավորած պատվիրակությունն աշխատանքային այցով մեկնել է Հնդկաստանի Հանրապետություն։
[ՀՀ ՊՆ]

🇦🇲🇦🇿 Բաքվի դատարանում այսօր շարունակվել է Արցախի նախկին ռազմաքաղաքական ղեկավարության և գերեվարված մյուս անձանց դեմ հարուցված շինծու գործերով դատավարությունը։
❗️Հաջորդ նիստը նշանակված է փետրվարի 11–ին։
Մինչ այդ՝ փետրվարի 10-ին, կկայանա Ռուբեն Վարդանյանի գործով նիստը։ |armeniasputnik.am|

Շուրջ 135 միլիոն դրամի գնում՝ համայնքապետի ընտանիքին պատկանող ընկերությունից․ Գավառ համայնքի գնումները

Գավառի համայնքապետարանը և համայնքապետարանի ենթակայությամբ աշխատող «Գավառ համայնքի կոմունալ սպասարկում և բարեկարգում» համայնքային ոչ առևտրային կազմակերպությունը 2023-2024 թվականներին շուրջ 135 միլիոն դրամի գնում են կատարել Գավառի համայնքապետի ընտանիքին պատկանող ընկերությունից։ Գնումներ են կատարվել նաև համայնքապետարանի այլ աշխատակիցների ընտանիքներին պատկանող ընկերություններից։
Կարդալ ավելին