Category: Infocom

🇸🇾 Սիրիական Al Ekhbariya հեռուստաալիքը հաղորդում է, որ Սիրիայի դեմոկրատական ​​ուժերի քուրդ մարտիկների վերջին ստորաբաժանումները լքել են Հալեպի Շեյխ Մաքսուդ շրջանը և ավտոբուսներով ուղևորվել երկրի հյուսիս-արևելք։
🔸 Հեռուստաալիքի տվյալներով՝ տասը ավտոբուսով 350 զինյալ է տեղափոխվել Հալեպի արևելյան արվարձան, որտեղից նրանք պետք է ուղևորվեն Եփրատի արևելյան ափ։ |1lurer.am|

❗️Իրանում ազգային արժույթի կտրուկ արժեզրկման ֆոնին սկսված հակակառավարական զանգվածային ցույցերը շարունակվում են։
🇮🇷 🇺🇸 Իրանը Թրամփին զգուշացրել է, որ ԱՄՆ-ի ցանկացած հարձակում կհանգեցնի նրան, որ Թեհրանը պատասխան հարվածներ կհասցնի Իսրայելին և ԱՄՆ-ի՝ տարածաշրջանում գտնվող ռազմաբազաներին, հայտարարել է ԻԻՀ խորհրդարանի խոսնակ Մոհամմադ Բաղեր Ղալիբաֆը:
🔸 Այս ֆոնին Թրամփը դարձյալ սպառնացել է Իրանին միջամտել գործընթացներին։
📌 Reuters-ի աղբյուրների փոխանցմամբ՝ ԱՄՆ-ն Իրանում տեղի ունեցողը քննարկել է նաեւ Իսրայելի վարչապետ Նեթանյահուի հետ։ Լրատվամիջոցն իր աղբյուրներին հղումով նշում է, որ ԱՄՆ հնարավոր միջամտության կապակցությամբ Իսրայելը գտնվում է բարձր պատրաստվածության վիճակում։ |azatutyun.am|

📌 Նիկոլ Փաշինյանը պատարագի է մասնակցում Մասիսի Սբ Թադեոս եկեղեցում։
🔸 Պատարագը մատուցում է Տ. Ռուբեն վարդապետ Զարգարյանը, որին կաթողիկոսը Մասյացոտնի թեմի կաթողիկոսական տեղապահ էր նշանակել Նիկոլ Փաշինյանին միացած Գեւորգ եպիսկոպոս Սարոյանին այդ պաշտոնից ազատելուց հետո։

🇸🇾 «Սիրիայի դեմոկրատական ​​ուժերի» քուրդ զինյալներն անօդաչու թռչող սարք են արձակել Հալեպի քաղաքապետարանի վրա, հաղորդում է SANA-ն։
📌 Գործակալության տվյալներով՝ հարվածը տեղի է ունեցել այն ժամանակ, երբ Հալեպի նահանգապետը շենքում մամուլի ասուլիս էր անցկացնում։ |tert.am|

🇸🇾 Սիրիայի անվտանգության ուժերը և ականազերծման խմբերը մտել են Շեյխ Մաքսուդ շրջան, այն մաքրել զինված ներկայությունից։ Շրջանն ավելի վաղ վերցվել էր Սիրիական բանակի վերահսկողության տակ, հաղորդում է «Լուրեր»-ի թղթակից Զարմիկ Պողիկյանը:
📢 Հալեպի Գործողությունների հրամանատարությունը շրջանի խաղաղ բնակչությանը կոչ է արել մնալ իրենց բնակարաններում մինչև շրջանի անվտանգության լիարժեք ապահովումը, հայտնել է SANA գործակալությունը:

❗️Ն․Ս․Օ․Տ․Տ․ Գարեգին Բ Ամենայն Հայոց Կաթողիկոսի տնօրինությամբ Մասյացոտնի թեմի առաջնորդ Գերշ․ Տ․ Գևորգ եպիսկոպոս Սարոյանը ազատվել է թեմակալ առաջնորդի պաշտոնից։
🔸 Տնօրինության համար հիմք են ծառայել առաջնորդի հանգամանքը չարաշահելու, պարտականությունների մեջ թերանալու, թեմի եկեղեցականաց նկատմամբ հարկադրանք ու ճնշումներ գործադրելու պարագաները։
📝 Մասյացոտնի թեմի առաջնորդական տեղապահ է նշանակվել տեր Ռուբեն վարդապետ Զարգարյանը։
[Մայր Աթոռ Սուրբ Էջմիածին]
Հիշեցնենք, Գեւորգ եպիսկոպոս Սարոյանը այն հոգեւորականներից է, որոնք միացել են Նիկոլ Փաշինյանի հռչակած օրակարգին։

🇺🇸 🇬🇱 «Մենք պատրաստվում ենք ինչ-որ բան անել Գրենլանդիայի հարցով՝ անկախ նրանից՝ նրանց դա դուր կգա, թե՝ ոչ»,- հայտարարել է ԱՄՆ նախագահ Դոնալդ Թրամփը.
🗣 «Ես կցանկանայի գործարք կնքել հեշտ ճանապարհով։ Բայց եթե մենք դա չանենք հեշտ ճանապարհով, անելու ենք դժվարին ճանապարհով»,- ասել է Թրամփը:
🔸 Նա նշել է, որ հանքանյութերով հարուստ կղզու վերահսկողությունը կարևոր է ԱՄՆ ազգային անվտանգության համար.
🇷🇺 🇨🇳 «Մենք չենք պատրաստվում թույլ տալ, որ Ռուսաստանը կամ Չինաստանը օկուպացնեն Գրենլանդիան։ Ահա թե ինչ են նրանք անելու, եթե մենք դա չանենք»,- ասել է Թրամփը։ |azatutyun.am|