Category: Infocom

🇺🇸📈 Թրամփը հայտարարել է Իրանի հետ բիզնես վարող երկրների նկատմամբ 25% մաքսատուրք սահմանելու մասին։
🗣 «Ուժի մեջ է մտնում անմիջապես. Իրանի հետ բիզնես վարող ցանկացած երկիր կվճարի 25% մաքսատուրք ԱՄՆ-ի հետ կատարվող ցանկացած և բոլոր գործարքների համար։ Այս որոշումը վերջնական է և վճռորոշ»,- գրել է ԱՄՆ նախագահը Truth Social հարթակում։ |armenpress.am|

⚖️ «Իրազեկ քաղաքացիների միավորումը» Վեդիի բնակչի՝ վարչապետի ներկայությամբ պատարագի մասնակցության մասով դիմել է Դատախազություն։
🗣️ ՀԿ համակարգող Դանիել Իոաննիսյանը կասկածներ ունի, որ հանցագործություն է տեղի ունեցել. քաղաքացին ոչ թե իր կամքով է գնացել, այլ՝ հարկադրված, խախտվել է քրեական օրենսգրքի՝ հավաքներին մասնակցելուն հարկադրելու հոդվածը:
📣 Վեդիի կոմունալ սպասարկում և բարեկարգում ընկերության աշխատակիցը երեկ լրագրողներին սկզբում ասում էր, թե պահանջել են, որ հասնի Մասիս, հետո էլ, թե՝ իր ցանկությամբ է եկել:
📌 Գլխավոր դատախազությունն արդեն ստացել է բողոքը, հայտնել են, որ օրենքով սահմանված կարգով ընթացք է տրվել դրան: |azatutyun.am|

⚡️🚙 15 000 էլեկտրական շարժիչով տրանսպորտային միջոցներ 2026 թվականի ընթացքում կազատվեն ներմուծման մաքսատուրքից։

📣 15 000-ից 3000-ը հատկացվում է բացառապես անմիջապես ավտոարտադրողի հետ կնքված դիլերական-դիստրիբյուտորական պայմանագրի (համաձայնագրի) շրջանակում ներմուծում իրականացնող սուբյեկտներին, իսկ 12 000-ը՝ այլ սուբյեկտներին (այդ թվում՝ ֆիզիկական անձանց)։
✅ Որոշումն ուժի մեջ կմտնի 2026 թվականի հունվարի 22-ից և կտարածվի նույն օրվանից ձևակերպված էլեկտրական շարժիչով տրանսպորտային միջոցների նկատմամբ։
[ՊԵԿ]

⚖️ ՀՀ գլխավոր դատախազությունը քրեական գործ է հարուցել Գառնիի բնակչի նկատմամբ՝ Ամենայն հայոց կաթողիկոսին ուղղված «Մի հատ քար խփեն գլխին՝ սատկացնեն» արտահայտության համար:
🗣 Դատախազությունից «Սպուտնիկ Արմենիա»-ին հայտնել են, որ վարույթը հարուցվել է բռնություն գործադրելու հրապարակային կոչերը, բռնությունը հրապարակայնորեն արդարացնելը կամ քարոզելը, ինչպես նաև այդ նպատակով նյութեր կամ առարկաներ տարածելու հոդվածով։ Նախնական քննություն է ընթանում։
📌 Նշենք, որ Գառնիի բնակիչն այս արտահայտությունն արել էր` պատասխանելով իշխանական civic.am լրատվամիջոցի հարցին, թե «ինչ պիտի լինի, որ Կտրիճ Ներսիսյանը (Ամենայն հայոց կաթողիկոս Գարեգին Բ-ն՝ խմբ.) հեռանա»։ |arm.sputniknews.ru|

🇺🇳🇮🇷 ՄԱԿ գլխավոր քարտուղար Անտոնիո Գուտերեշը հայտարարել է, որ «ցնցված է» Իրանում ցուցարարների դեմ բռնության մասին հաղորդագրություններից, որոնք հանգեցրել են զոհերի ու վիրավորների:
🗣 «Խոսքի ազատության, խաղաղ հավաքներ անցկացնելու իրավունքները պետք է լիովին հարգվեն և պաշտպանվեն»,- ասել է Գուտերեշը՝ կոչ անելով Իրանի իշխանություններին ցուցաբերել առավելագույն զսպվածություն և զերծ մնալ անհարկի կամ անհամաչափ ուժի կիրառումից։ |azatutyun.am|

❄️ Երևանի քաղաքապետ Տիգրան Ավինյանը դժգոհ է վարչական շրջաններում ձնամաքրման աշխատանքներից։
💬 Նա գործակարգավարական խորհրդակցությանը ասաց, որ վարչական շրջանները բավարար ջանքեր չեն գործադրել տնտեսվարողներին իրենց պարտավորությունների մասին իրազեկելու հարցում, ինչի հետևանքով քաղաքի բազմաթիվ հատվածներ չեն մաքրվել։
📌 Ըստ Ավինյանի՝ մի շարք վարչական շրջաններում ձնամաքրման պարտավորությունները չկատարելու համար որևէ տուգանք չի սահմանվել, ինչն անընդունելի է։ |civilnet.am|

🇮🇷 Իրանում եռօրյա ազգային սուգ է հայտարարվել երկրում օրեր շարունակ տեղի ունեցող ցույցերի և անկարգությունների ժամանակ զոհվածների հիշատակին։ Երկրի կառավարության հայտարարության մեջ ասվում է, որ սուգը «Միացյալ Նահանգների և Իսրայելի դեմ իրանական ազգային պայքարում» զոհվածների հիշատակի համար է։
📌 Իրանից պաշոնական տեղեկատվությամբ ցույցերի ընթացքում 38 իրանցի իրավապահ է զոհվել. ցուցարարների զոհվելու մասին պաշտոնական տվյալներ չկան: Արևմտյան լրատվամիջոցներից AP-ն, հղում անելով ակտիվիստներին, հայտնում է, որ ցույցերի հետևանքով զոհվել է առնվազն 544 մարդ։
🇺🇸🗣 ԱՄՆ նախագահ Դոնալդ Թրամփը hունվարի 11-ին Air Force One ինքնաթիռում լրագրողներին ասել է. «Իրանի առաջնորդները զանգահարել են… Հանդիպում է նշանակվում… Նրանք ցանկանում են բանակցել»։ |armenpress.am|