Category: Infocom

💰 Անդրազգային հանցավոր կազմակերպության անդամները հափշտակել են շուրջ 810 մլն ՀՀ դրամի ֆինանսական միջոցներ:
📍 Հանցավոր կազմակերպության մեջ ներգրավված անձինք ստեղծել և ուղղորդել են կեղծ բովանդակությամբ համացանցային կայքեր, սոցցանցերում իրականացրել են գովազդներ, վարձակալել են գրասենյակային տարածքներ [և այլ գործողություններ են իրականացրել]:
💻 Կապ հաստատելով հիմնականում եվրոպական երկրների բնակիչների հետ և ներկայանալով որպես արհեստական բանականությամբ գործող հեղինակավոր ու մեծ եկամուտներ ապահովող միջազգային ներդրումային ընկերության աշխատակիցներ՝ կատարել են համակարգչային հափշտակություններ: Կազմակերպության անդամները տուժողներին ուղղորդել են տարբեր չափերի գումարներ փոխանցել իրենց կողմից կառավարվող հաշվեհամարներին:
⚖️ Հանցավոր կազմակերպության 2 ղեկավարի նկատմամբ հարուցվել է հանրային քրեական հետապնդում: Քրեական վարույթը մեղադրական եզրակացությամբ ուղարկվել է հսկող դատախազին: [ՔԿ]

🇦🇲 Հայաստանի դեմ Ադրբեջանի լայնամասշտաբ ռազմական հարձակման հավանականությունը բարձր չենք գնահատում:
📣 Այս մասին ասվում է ՀՀ արտաքին ռիսկերի վերաբերյալ 2025թ. տարեկան զեկույցում, որը հրապարակել է ՀՀ արտաքին հետախուզության ծառայությունը:
💬 «Ծառայության խնդիրն է շարունակաբար գնահատել, թե արդյոք Ադրբեջանի կողմից Հայաստանի անկախության, ինքնիշխանության և տարածքային ամբողջականության դեմ տարբեր վնասակար խոսույթների հետևողական զարգացումը և ֆինանսավորումը Հայաստանի դեմ ուժի կիրառման սեփական մտադրության «լեգիտիմացման» դրսևորում է։ Այդ խոսույթներից են այսպես կոչված «Արևմտյան Ադրբեջանի և արևմտյան ադրբեջանցիների», «Հայաստանի ռազմականացման», «ռևանշիզմի», «Զանգեզուրի միջանցքի» խոսույթները»,- նշվում է զեկույցում:

🇺🇸🔥 Կալիֆոռնիայում անտառային հրդեհների նոր ալիք է: Հրդեհ է բռնկվել Լոս Անջելեսից հյուսիս գտնվող լեռներում՝ այրելով ավելի քան 39 քառակուսի կիլոմետր տարածք՝ ծառեր և թփուտներ:
Լուսանկարը՝ AFP / Լոս Անջելեսի հյուսիսարևմտյան հատված, 22.01.2025

🇦🇲🇰🇬 Հունվարի 23-ին աշխատանքային այցով Հայաստան կժամանի Ղրղզստանի ԱԳ նախարար Ժեենբեկ Կուլուբաևը:
🤝 ԱԳՆ-ում կկայանա ՀՀ ԱԳ նախարար Արարատ Միրզոյանի հետ հանդիպումը, որից հետո նախարարները հանդես կգան մամուլի համար հայտարարություններով: [ՀՀ ԱԳՆ]

🇦🇲🇬🇧🇦🇿 Մեծ Բրիտանիայի կառավարությունը խորհուրդ է տալիս իր քաղաքացիներին հեռու մնալ հայ-ադրբեջանական սահմանից՝ կապված երկրների միջև հակամարտության հետ։ Առանձին նշված է, որ պետք է խուսափել Նոյեմբերյան-Իջևան M16/H26 միջպետական ճանապարհով երթևեկելուց՝ կապված ՀՀ և Ադրբեջանի միջև լարվածությամբ։
📌 Կառավարության հետ հարցուպատասխանի ընթացքում Արարատ Միրզոյանը մեկնաբանեց Մեծ Բրիտանիայի կառավարության հայտարարությունը և նշեց, որ 2023 թվականի սեպտեմբերից ճանապարհի վերաբերյալ հայտարարություն եղել է, սակայն եղած կարգը նորից թարմացվել է։
🗣 «Բրիտանական կառավարության կողմից այդ որոշումը չի խստացնում Հայաստան այցելությունների պայմանները և ռեկոմենդացիաները։ Իրականում մեղմացում կա Հայաստանի վերաբերյալ արվող ռեկոմենդացիաների մասով։ Ահաբեկչության հնարավոր վտանգի մասին լուրջ կտոր դուրս է հանված Հայաստանի վերաբերյալ հատվածից»,– ասաց նախարարը։

🚗 Երևանում Մաշտոցի պողոտայի՝ Մատենադարանից մինչև Ազատության հրապարակ ընկած ճանապարհահատվածի երթևեկությունը հունվարի 22-ին ժամը 24:00-ից մինչև հունվարի 23-ը ժամը 06:00-ն ժամանակավորապես կդադարեցվի ։
[Երևանի քաղաքապետարան]

❗️Կենտրոնական բանկը զգուշացնում է, որ մարդկանց բանկային տվյալների վերաբերյալ որևէ հարցում չի անցկացնում:
📢 «Խնդրում ենք զգոն լինել և որևէ տվյալ չտրամադրել հեռախոսային կամ սոցհարթակներով ուղղված հարցերի դեպքում:
Ֆինանսական կառույցները տիրապետում են համապատասխան տվյալների՝ նման հարցումների անհրաժեշտություն չկա»,- ասված է ԿԲ հաղորդագրության մեջ: