Category: Infocom

🗣 Նիկոլ Փաշինյանը հունվարի 23-ին կմեկնի Դավոս՝ մասնակցելու համաշխարհային տնտեսական ֆորումին։ 

📌 ԱԺ հարցուպատասխանին նա ներկայացրեց Դավոսի համաշխարհային տնտեսական ֆորումին իր այցի օրակարգը՝ նշելով, որ նախատեսված է իր մասնակցությունը պանելային քննարկումներին, ինչպես նաև հանդիպումներ միջազգային գործընկերների հետ։  
🗣 «Ըստ ամենայնի, հանդիպում կունենամ նաև շվեյցարահայ համայնքի ներկայացուցիչների հետ, որը դեռ հաստատման կարիք ունի»,- նշեց նա։
🌏 Նշենք, որ տնտեսական ֆորումը սկսվել է հունվարի 20-ից, կշարունակվի մինչեւ հունվարի 24-ը: Դավոսում է լինելու նաև Ադրբեջանի նախագահ Իլհամ Ալիևը։ |armenpress.am|

Հեյդար Ալիևի հռետորաբանության փոփոխությունները․ համագործակցությունից մինչև պատերազմական նարատիվ | Հանրագիտ
🇦🇿 Ինչպե՞ս փոխվեց Ադրբեջանի նախկին նախագահ Հեյդար Ալիևի հռետորաբանությունը Արցախյան հակամարտության կարգավորման շուրջ, և ինչ ազդեցություն ունեցավ դա բանակցային գործընթացի վրա։
📃 Հայ գիտնականներ Նաիրա Սահակյանի և Անահիտ Քարտաշյանի՝ Small Wars & Insurgencies ամսագրում հրապարակված նոր հետազոտությունը Հեյդար Ալիևի ելույթների վերլուծությամբ ցույց է տալիս, թե ինչպես Արևմուտքի հետ նավթային գործարքներն ու Ալիևի նկատմամբ ներքին քաղաքական ճնշումները հանգեցրին ԵԱՀԿ-ի՝ որպես միջնորդի նկատմամբ վերաբերմունքի փոփոխության և պատերազմական հռետորաբանության զարգացման։
📚 «Ինֆոքոմի» նոր՝ «Հանրագիտ» շարքի առաջին նյութը պատմում է հայ հեղինակների հետազոտության մասին։

🇮🇷🇦🇿 Թեհրանում հանդիպել են Ադրբեջանի փոխվարչապետ Շահին Մուստաֆաևն ու Իրանի նախագահ Մասուդ Փեզեշքիանը։
🗣 Ադրբեջանի հետ համագործակցությունը կարևոր համարելով՝ Իրանի նախագահը համոզմունք է հայտնել, որ փոխադարձ կապերի հետագա ընդլայնումը կհանգեցնի երկու երկրների ռազմավարական գործընկերության։
📌 Մուստաֆաևն իր հերթին կարևորել է վերջին ամիսներին Իրանի նոր նախագահի ղեկավարության ներքո երկու երկրների միջև նկատվող դրական փոփոխությունները: Մուստաֆաևը նաև ընդգծել է Իրանի դերը տարածաշրջանում խաղաղության և կայունության ապահովման գործում՝ նշելով, որ առկա խնդիրների լուծումը հնարավոր է միայն տարածաշրջանի երկրների համագործակցության միջոցով՝ առանց արտաքին ուժերի միջամտության:|civilnet.am|

🚌 Տիգրան Ավինյանը հայտնել է, որ փետրվարի 11-ի ավագանու նիստին առաջարկելու են սակագների միասնական տոմսային փաթեթների հետևյալ փոփոխությունները․
▫️«10 ուղևորություն – 2000 ՀՀ դրամ՝ օգտագործման ժամկետը 45 օր, ներկայիս 2200 ՀՀ դրամի և 30 օրվա փոխարեն։
▫️300 ՀՀ դրամ՝ օգտագործման ժամկետը 180 րոպե, ներկայիս 90 րոպեի փոխարեն։
▫️1 օր – 900 ՀՀ դրամ՝ անսահմանափակ ուղևորություններ, ներկայիս 8 ուղևորափոխադրման սահմանափակման փոխարեն։
▫️7 օր – 5000 ՀՀ դրամ՝ անսահմանափակ ուղևորափոխադրումներ, ներկայիս 30 ուղևորափոխադրման սահմանափակման փոխարեն։
📌 Առաջիկայում Երևանի ավագանու նույն նիստի ընթացքում կհայտարարվի նաև այլ փոփոխությունների և լրացումների մասին, որոնք համակարգը երևանցիների համար ավելի հարմարավետ և արդյունավետ կդարձնեն», – գրել է Ավինյանը։

🪖🇦🇲 ՀՀ ԳՇ պետը մի շարք հանձնարարականներ է տվել պատասխանատու ստորաբաժանումների ղեկավարներին՝ ԶՈՒ պաշտպանունակությունն ամրապնդելու և ծառայությունն առավել արդյունավետ կազմակերպելու ուղղությամբ։
📌 Այս մասին հայտնում է ՀՀ ՊՆ-ն՝ նշելով, որ ԶՈՒ ԳՇ պետ Էդվարդ Ասրյանի գլխավորությամբ տեղի է ունեցել պաշտպանության նախարարին կից կոլեգիայի նիստ՝ նվիրված 2024 թվականի ուսումնական տարում ՀՀ ԶՈՒ մարտական պատրաստականության, պատրաստության, զորքերի կառավարման արդյունքներին, բարոյահոգեբանական վիճակին և 2025 թվականի ուսումնական տարվա գերակա խնդիրներին։
🇦🇿 Նշենք, որ Ադրբեջանի պաշտպանության նախարար Զաքիր Հասանովը օկուպացված Ստեփանակերտում հանդիպում էր ունեցել անձնակազմի հետ, որի ժամանակ վերլուծվել է հայ-ադրբեջանական «պայմանական սահմանին» տիրող օպերատիվ իրավիճակը, զորամասերի մարտական ​​պատրաստության գործունեությունը և զինվորական կարգապահության վիճակը։

🏋️‍♂️✅ ՀՀ վարչապետի աշխատակազմի ղեկավար Արայիկ Հարությունյանն ընտրվել է ծանրամարտի ֆեդերացիայի նախագահ 4 տարի ժամկետով: Այս մասին հայտնում է 1lurer.am-ը:
📍Հրաչյա Ռոստոմյանը, որը ֆեդերացիան ղեկավարում էր 2016 թվականից, շաբաթ օրը հայտարարել էր՝ որոշում է կայացրել այլևս չառաջադրվել որպես ծանրամարտի ֆեդերացիայի նախագահի թեկնածու. «Կարծում եմ՝ ժամանակն է (կամ մի բան էլ ուշացած), որ լինեն նոր դեմքեր, նոր ծրագրերով»:

🇦🇲🇺🇸 ՀՀ ԱԽ քարտուղար Արմեն Գրիգորյանը շնորհավորել է Մայքլ Ուոլցին ԱՄՆ նախագահ Դոնալդ Թրամփի ազգային անվտանգության հարցերով խորհրդական նշանակվելու կապակցությամբ:
📍 ԱԽ քարտուղարը հաջողություններ է մաղթել Մ.Ուոլցին իր գործունեության մեջ և վստահությամբ ընդգծել, որ Հայաստան-ԱՄՆ երկկողմ հարաբերությունները զարգանալու մեծ ներուժ ունեն, ու Հայաստանը պատրաստակամ է այդ հարցում:
📍 Գրիգորյանը որպես ձեռքբերում նշել է հունվարի 14-ին Վաշինգտոնում ստորագրված ՀՀ-ի և ԱՄՆ-ի միջև Ռազմավարական գործընկերության մասին կանոնադրությունը և կարևորել երկկողմ փոխշահավետ օրակարգի առաջմղումը:
[ՀՀ ԱԽ գրասենյակ]