Category: Infocom

🇬🇪❗️Վրաստանում գիշերը թեժ է անցել։ ՆԳՆ-ից հայտնել են, որ ձերբակալել են ընդդիմադիր 5 գործիչների։Նրանք կարող են մինչև ինը տարվա ազատազրկման ենթարկվել։
📌 Ձերբակալվածները մեղադրվում են պետական իշխանության բռնի տապալման կոչերի, սահմանադրական կարգը բռնի ճանապարհով փոխելու փորձի, ինչպես նաև խմբային բռնություն կազմակերպելու և ղեկավարելու մեջ։
🏥 Բախումները նախագահական պալատի և հարակից Օրբելիանի հրապարակում շարունակվել են մինչև ուշ գիշեր, մինչդեռ Թբիլիսիի Ռուսթավելի պողոտայում գտնվող ցուցարարներ շարունակել են խաղաղ ցույցը։ Վրաստանի առողջապահության նախարարության տվյալներով՝ հիվանդանոց է տեղափոխվել վեց ցուցարար և 21 ոստիկան, որոնցից մեկը ծանր վիճակում է։
📹 Տեսանյութում՝ ոստիկանությունը ձերբակալում է Ռուսթավելի պողոտայում մնացած ցուցարարներին, այդ թվում՝ ցույցի կազմակերպիչներ Իրակլի Նադիրաձեին և Մուրթազ Զոդելավային/ TV Pirveli:

🇬🇪 Վրաստանում ՏԻՄ ընտրություններն ավարտվել են։ Ընտրատեղամասերը փակվել են ժամը 20:00-ին։ Վրաստանի ԿԸՀ-ից հայտնում են, որ ժամը 17:00-ի դրությամբ ընտրատեղամաս է ժամանել ընտրողների ընդհանուր թվի 33.5 %-ը։
🗳️ Պրո-իշխանական «Իմեդի» հեռուստաընկերությունը հրապարակել է նաև «Գորբի» ընտրական հանձնաժողովի էքզիթ-փոլերը, ըստ որի իշխող «Վրացական երազանք» կուսացկության Թբիլիսիի քաղաքապետի թեկնածուն՝ Կախա Կալաձեն հավաքել է ձայների 77․4%-ը։
📌 Զուգահեռ՝ Թբիլիսի Աթոնելիի փողոցում տեղակայված նախագահական պալատի բակում բախումները քաղաքացիների ու հատուկջոկատայինների միջև շարունակվում են։ Կան վիրավորներ, ինչպես նաև բերման ենթարկվածներ:

⚖️ Կաշառք ստանալուն օժանդակեելու մեղադրանքով կալանավորվել է փաստաբան։ Տեղեկությունը infocom.am-ին հարցմանն ի պատասխան հաստատեցին Հակակոռուպցիոն կոմիտեից։
🗣 Կառույցից հայտնում են, որ իրենց մոտ քննվող քրեական վարույթի շրջանակում ձերբակալվածը՝ ՀՀ փաստաբանների պալատի անդամ է, որը կալանավորվել է դատական իշխանության ներկայացուցչի կողմից ապօրինի գործողության դիմաց կաշառք ստանալուն օժանդակելու մեղադրանքով։
📌 Նախաքննության շահերից ելնելով՝ կառույցից այլ մանրամասներ չեն հայտնում։

🇯🇵 Ճապոնիայի իշխող ուժի՝ Լիբերալ-դեմոկրատական կուսակցության նորընտիր առաջնորդ Սանաե Տակաիչին, ակնկալվում է, կդառնա երկրի առաջին կին վարչապետը։
📌 64-ամյա քաղաքական գործիչը, որը նախկինում եղել է երկրի ներքին գործերի նախարարը, շաբաթ օրը հաղթանակ տարավ կուսակցության ղեկավարի ընտրություններում։ Նա ներկայացնում է իշխող ուժի պահպանողական թևը, համարվում է կոշտ գծի հետևորդ: Ներկուսակցական մրցապայքարի ընթացքում նրա հիմնական խոստումները կենտրոնացած էին ազգային պաշտպանության, տնտեսական անվտանգության վրա։
🔸 Խորհրդարանի կողմից նրա թեկնածությունը հաստատվելու դեպքում Տակաիչին կդառնա Ճապոնիայի հինգերորդ առաջնորդը վերջին երկու տարիների ընթացքում։|azatutyun.am|

🇬🇪 Այսօր՝ հոկտեմբերի 4-ին, Վրաստանում անցկացվում են տեղական ինքնակառավարման մարմինների ընտրություններ` ընդդիմադիր կուսակցությունների բոյկոտի ֆոնին։ Ընդդիմադիր ութ կուսակցություն հրաժարվել են մասնակցել ընտրություններին՝ մեղադրելով իշխող «Վրացական երազանք» կուսակցությանը ժողովրդավարությունը խաթարելու և երկիրը Ռուսաստանին մոտեցնելու մեջ։
🪧 Միևնույն ժամանակ, ժամը 16:00-ին Վրաստանի մայրաքաղաք Թբիլիսիի խորհրդարանի մոտ նախատեսված է զանգվածային հանրահավաք՝ «խաղաղ ճանապարհով իշխանափոխության» նպատակով։
📌 ՏԻՄ ընտրությունները տեղի են ունենում խորհրդարանական ընտրություններից մոտ մեկ տարի անց և ընդամենը 10 ամիս անց այն չդադարող բողոքի ցույցերի ֆոնին, որոնք սկսվել էին «Վրացական երազանք» կուսակցության դեմ՝ ԵՄ ինտեգրացիոն գործընթացը դադարեցնելու որոշումից հետո։

🇮🇷 Իրանը մահապատժի է ենթարկել 6 մարտիկների՝ մեղադրելով նրանց երկրի հարավ-արևմուտքում գտնվող Խուզեստանի նահանգում զինված հարձակում իրականացնելու մեջ։
📌 Իրավապահ մարմինները չեն հրապարակել մահապատժի ենթարկվածների ինքնությունը և նրանց ձերբակալության ու դատավարության մանրամասները։
🔸 «Միզան» լրատվամիջոցի տվյալներով՝ նրանք ներգրավված են եղել չորս անվտանգության ծառայողների՝ երկու ոստիկանների և երկու «Բասիջ» աշխարհազորի անդամների սպանության մեջ՝ 2018-2019 թվականներին։

Քվանտային տեխնոլոգիաները, մարդկանց ու բջիջների վարքի մոդելավորումը, երազող գիտնականները | Հանրագիտ
⚛️🎙Ա. Ի. Ալիխանյանի անվան ազգային գիտական լաբորատորիայի Քվանտային տեխնոլոգիաների բաժանմունքի ղեկավար Արմեն Ալլահվերդյանը «Հանրագիտ» պոդքաստում խոսում է՝
🔸 գիտական սեմինարների և Քվանտային տեխնոլոգիաների բաժանմունքի ստեղծման,
🔸 քվանտային տեխնոլոգիաների, գիտական հետաքրքրություններն ու կիրառական նշանակությունը համատեղող հետազոտությունների,
🔸 միջազգայնորեն մրցունակ լինելու ուղիներ գտնելու,
🔸 ֆիզիկական մոդելներով կենսաբանական գործընթացները հասկանալու և հետազոտական այդ ուղղության մարտահրավերների,
🔸 մարդկանց վարքն ու որոշումները մոդելավորելու,
🔸 հետաքրքիր գաղափարներով և երազող գիտնականների մասին։