Category: Sputnik Armenia

Կարմիրբերետավորները քաղաքացիների են բերման ենթարկում Կառավարության շենքի մոտից։
«Տավուշը հանուն հայրենիքի» շարժման առաջնորդներից Գառնիկ Դանիելյանը փորձեց ոստիկանությունից պարզել, թե ինչն է պատճառը, որ քաղաքացիների են բերման ենթարկում։ ՀՀ ՆԳՆ ոստիկանության պարկային ծառայության պետ Արթուր Խուդինյանն ասաց, որ ոստիկանության լրատվական ծառայությունը կմեկնաբանի։
UPD: Sputnik Արմենիային ՆԳՆ մամուլի խոսնակ Նարեկ Սարգսյանը հայտնել է, որ 3 անձ է բերման ենթարկվել կառավարության մոտ ընթացող բողոքի ակցիայից։
@RadioSputnikArm

Մեծ հաջողություն եմ համարում․ Փաշինյանը՝ Տավուշի մարզում դելիմիտացիայի աշխատանքների ու դրա արդյունքներով ստորագրված արձանագրության մասին։
🔗Երեկ ՀՀ ԱԳՆ-ն հայտնեց, որ Հայաստանի և Ադրբեջանի սահմանազատման հանձնաժողովներն են հանդիպել 9-րդ անգամ։ Կողմերը համաձայնեցրել են անմիջականորեն Բաղանիս (ՀՀ) – Բաղանիս Այրում (ԱՀ), Ոսկեպար (ՀՀ) – Աշաղը Ասկիպարա (ԱՀ), Կիրանց (ՀՀ) – Խեյրումլի (ԱՀ) և Բերքաբեր (ՀՀ) – Կըզըլ Հաջիլի (ԱՀ) բնակավայրերի միջև սահմանագծի առանձին հատվածների համատեղ կազմված արձանագրություն-նկարագրությունը՝ Խորհրդային Միության փլուզման պահի դրությամբ գոյություն ունեցող իրավաբանորեն հիմնավորված միջհանրապետական սահմանին համապատասխանեցնելու նպատակով:
@RadioSputnikArm

Մեզ փոխհատուցում պետք չի. Կիրանցի բնակիչները գյուղապետարանում են, նրանք բողոքում են դելիմիտացիայի արդյունքներից
Տեսանյութը` լրագրող Անի Գևորգյանի էջից։
@ArmeniaSputnik

Ոստիկանները ևս «պատրաստվում են» կառավարության այսօրվա նիստին, որին զուգահեռ պետք է կայանա «Տավուշը հանուն հայրենիքի» շարժման բողոքի ակցիան։
@RadioSputnikArm

«Հրապարակ» թերթը գրում է. «Ոստիկանության մեր աղբյուրների փոխանցմամբ՝ օրերս ոստիկանական զորքերին պարգեւավճար են փոխանցել՝ 100 հազարական դրամ»։
«Առավոտի» խմբագրականում կարդում ենք․ «Այն, որ իշխանությունների ադրբեջանամետ գործողությունների դեմ բողոքն առաջնորդում է հոգևորականը, ոչ թե քաղաքական գործիչները, խոսում է քաղաքական խորը ճգնաժամի մասին։ Քաղաքական համակարգը Հայաստանում մեծ հաշվով չի կայացել․ քաղաքացիների գերապատվությունները հիմնված են ոչ համակարգային, զուտ անձնական գործոնների վրա»։
🔉Լսեք՝ ինչ են գրում թերթերը։
@RadioSputnikArm

⚫️Կայացել է Հայաստանի և Ադրբեջանի միջև պետական սահմանի սահմանազատման հարցերով պետական հանձնաժողովների 9-րդ հանդիպումը։
⚫️«Հայաստանի և Ադրբեջանի սահմանապահները կտեղակայվեն առաջիկա 8-9 օրերի ընթացքում»․ «Արմենպրեսին» հայտնել են Հայաստանի վարչապետի աշխատակազմի Տեղեկատվության ու հասարակայնության հետ կապերի վարչությունից։
⚫️Ժնևում այսօր նախանշված է ԱԺ նախագահ Ալեն Սիմոնյանի հանդիպումը Ադրբեջանի միլլի մեջլիսի նախագահ Սահիբա Գաֆարովայի հետ։
🔉Այս և այլ լուրեր ⤴️
@RadioSputnikArm

ՀՀ–ի և Ադրբեջանի սահմանապահները կտեղակայվեն առաջիկա 8-9 օրերի ընթացքում, իսկ Կիրանցի առավել զգայուն հատվածում` ավելի ուշ, որովհետև այդտեղ որոշ մանրամասներ ենթակա են լրացուցիչ ճշգրտման, «Արմենպրեսին հայտնել են վարչապետի աշխատակազմից։
🔺Կիրանցի երեք կոորդինատները տեղորոշվել են համակարգչային եղանակով, և սյուները կտեղադրվեն ավելի ուշ: Կիրանցի համար նպաստավոր լուրը մասնավորապես այն է, որ մոտ 25 հեկտար գյուղատնտեսական նշանակության հողեր, որոնք վերջին 33 տարում անհասանելի են եղել Կիրանցի համար, կվերադարձվեն գյուղին: Սահմանի նկարագրությունն այնպիսին է, ինչպիսին կա 1976 թվականի քարտեզով:
🔺Ոսկեպարի Սբ Աստվածածին եկեղեցու և Ոսկեպար-Բաղանիս` ԽՍՀՄ ժամանակների ճանապարհի հետ կապված հարցերը լուծվել են լավագույն ձևով: Ճանապարհն ամբողջությամբ ՀՀ տարածքում է, եկեղեցին նույնպես, և սահմանագիծը գտնվում է թե՛ ճանապարհից, թե՛ եկեղեցուց բավականին հեռու:
🔺Սահմանազատման համար ընտրվել է 1976թ–ի քարտեզը, քանի որ դա, ըստ էության, ԽՍՀՄ–ի փլուզման պահին դե յուրե իրավական հիմք ունեցող քարտեզն է:
@ArmeniaSputnik

Համաձայնե՛ք, իսկապես շատ դժվար է պատկերացնել, թե գործող սահմանադրության շրջանակում ինչպես կարելի է իրագործել այն նպատակները, որոնք իրենց առջև դրել են այս օրերին ծավալված շարժման նախաձեռնողները։
Միգուցե շատ ավելի բարդ է նոր վարչապետի հարցը։ Փորձեք գոնե մի թեկնածուի անուն տալ։ Երևի պատկերացնում եք քննադատության այն հեղեղը, որը պարզապես կսրբի-կտանի ձեր նախընտրած մարդուն։
Ժամն է՝ լսելու Դուլյանին։

@RadioSputnikArm

Երևանի կենտրոնը կաթվածահար է
@ArmeniaSputnik

Բաքվում ևս 5 ամսով երկարացրել են Արցախի նախկին ղեկավարների՝ Արայիկ Հարությունյանի, Բակո Սահակյանի, Դավիթ Բաբայանի, Դավիթ Իշխանյանի, Դավիթ Մանուկյանի և Լևոն Մնացականյանի կալանքի ժամկետները, հայտնում են ադրբեջանական լրատվամիջոցները:
Արցախի նախկին նախագահ Արկադի Ղուկասյանի կալանքի ժամկետը 5 ամսով երկարաձգելու մասին հայտնի դարձավ մայիսի 14-ին։
📷Այսօր քաղաքացիները Օպերայի մոտ էին եկել նաև Բաքվում ապօրինի բանտարկված Արցախի նախկին ղեկավարների նկարներով։
@RadioSputnikArm