▪️«Ժողովուրդ»․ Հայաստանի բարձրագույն ղեկավարությունը չէր հրավիրվել ԱՄՆ նախագահ Թրամփի երդմնակալության պաշտոնական արարողությանը, բայց սոցապ նախարար Նարեկ Մկրտչյանն ու ԱՄՆ-ում Հայաստանի դեսպան Լիլիթ Մակունցը մասնակցել ու իրենց ֆեյսբուքյան էջերը ողողել լուսանկարներով:
Թերթը փորձել է կապ հաստատել նախարարի խոսնակի հետ՝ պարզելու, թե ինչ կարգավիճակով է նախարարը մասնակցել միջոցառմանը, ինչ հանդիպումներ է ունեցել ԱՄՆ-ում, ինչ միջոցներով է մեկնել, սակայն խոսնակն անհասանելի է եղել: «Փաստորեն, նախարարը, իր պետական գործերը թողած, կուսակցական թիթեռ է նկարում՝ հանրությունից թաքցնելով, թե ինչ միջոցներով է մեկնել և ապրում ԱՄՆ-ում», – ամփոփում է օրաթերթը:
▪️«Իրավունքն» էլ թեմայի առիթով մեջբերում է արևմտամետ դիրքորոշմամբ հայտնի դիվանագետ Արա Պապյանի գրառումը, որի համաձայն՝ միջոցառումը, որին մասնակցել են սոցապ նախարարն ու դեսպան Մակունցը ոչ թե պաշտոնական է եղել, այլ վճարովի։
▪️«Իրավունքն» անդրադարձել է նաև տրանսպորտի թանկացման դեմ բոյկոտի թեմային՝ նշելով, որ այդ հայտարարությունների ֆոնին Երևանի քաղաքապետ Տիգրան Ավինյանը հանգստի է մեկնել և աշխատանքի կվերադառնա հունվարի 27-ից: «Բայց արդյոք կվերադառնա: Չար լեզուներն ասում են, որ վերջինս հայտնվել է Նիկոլ Փաշինյանի Պետական վերահսկողական ծառայության ուշադրության կենտրոնում: Իսկ թե ՊՎԾ-ն ինչեր կարող է հայտնաբերել, չափազանց հուզիչ է»:
▪️«Հրապարակն» էլ գրում է, որ տեղեկություններ ունի, թե հասարակական տրանսպորտի վարորդները չեն խանգարելու տրանսպորտի թանկացման հանրային բոյկոտին՝ ըստ էության, տապալելով ուղեվարձի թանկացման իշխանական ռեֆորմը։
▪️«Հրապարակը» նաև հայտնում է, որ Ծանրամարտի ֆեդերացիայի երկարամյա ղեկավար Հրաչյա Ռոստոմյանը չի առաջադրվելու նոր ընտրությանը, քանի որ, ըստ թերթի՝ այդ պաշտոնին հավակնում է վարչապետի աշխատակազմի ղեկավար Արայիկ Հարությունյանը:
▪️«Հրապարակ»․ Մութ ամպեր են կուտակվում ՀՖՖ նախագահ Արմեն Մելիքբեկյանի գլխին։
🔈Լսեք՝ ինչ են գրում թերթերը։♥️@RadioSputnikArm |
LIVE 106.0FM |
vk |
dzen