▪️«Հրապարակ»․ Նոր սահմանադրության հարցը տևական ժամանակ քննարկվել է իշխանական փակ նիստերում։ ՔՊ-ում գտել են, որ ԱԺ ընտրություններից առաջ անթույլատրելի է հանրաքվե անցկացնելը, մանավանդ՝ երբ մարդկանց մեծ մասը դա ընկալում է որպես Ալիեւի պահանջ։
▪️«Ժողովուրդ» օրաթերթի տեղեկություններով՝ ԱԺ «Քաղաքացիական պայմանագիր» խմբակցության պատգամավոր Արեն Մկրտչյանն առաջիկայում կնշանակվի ՆԳ նախարարի տեղակալ: Մկրտչյանի մերձավոր շրջապատից թերթին փոխանցել են, որ այս պահին Մկրտչյանի նշանակման հարցը քննարկվում է կառավարությունում, և առաջիկայում պետք է որոշում կայացվի:
▪️«Հրապարակ»․ «Հայաստանում ԱՄՆ դեսպան Քրիստինա Քվինը վերջին շաբաթներին ընդհատակ է անցել՝ պասիվացել։ Առաջ ամենօրյա ռեժիմով այցելում էր պետական տարբեր գերատեսչություններ՝ ՆԳ, արդարադատության նախարարություն եւ այլն, մասնակցում քննարկումների։ Տեղեկություններ կան, որ ԱՄՆ նոր վարչակազմը դեսպանների փոփոխության հարցն է քննարկում` տարբեր երկրներում, առաջին հերթին Ռուսաստանում»,- գրում է թերթը։
▪️«Հրապարակ»․ Նիկոլ Փաշինյանը, ըստ իշխանական շրջանակների, հրահանգել է՝ մարտի 30-ին, Գյումրիում կայանալիք ընտրությանը նախորդող օրերին ուժայինների ռեսուրսները կենտրոնացնել Գյումրիում՝ հատուկ ջոկատայիններից մինչև շարքային ոստիկաններ, որպեսզի վախի մթնոլորտ ստեղծեն և ուժի ցուցադրությամբ հասկացնեն մարդկանց, թե ինչ է իրենց սպասվելու, եթե իշխանության դեմ դուրս գան։ «Անգամ ընտրակաշառք բաժանելու շոուներ են նախապատրաստում, որ իրենց թեկնածուին անցկացնեն»,- գրում է թերթը։
▪️«Ժողովուրդ»․ «Քաղաքացիական պայմանագրի» չատում հրահանգ է իջեցվել ամեն գնով սևացնել, վարկաբեկել Գյումրիի համայնքապետի ընտրություններում առաջադրված ընդդիմադիր թեկնածուներին: Ըստ թերթի՝ այդ չատը բացվել է Գյումրիի ընտրություններից առաջ «PR Գյումրի» անունով, որտեղ օրուգիշեր քննարկում են, թե ինչ անեն, ոնց անեն, որ երաշխավորեն իրենց հաղթանակը:
🔈Լսեք՝ ինչ են գրում թերթերը։♥️@RadioSputnikArm |
LIVE 106.0FM |
vk |
dzen