▪️«Ժողովուրդ»․ Տրանսպորտի սակագինը 150 դրամ սահմանելու որոշումը ընդունվել է ՔՊ վարչության վերջին նիստում։ «Այսպիսով՝ երկար ու բուռն քննարկումներից հետո որոշել են ռիսկի չգնալ ու հասարակության «նյարդերի» հետ չխաղալ, այն էլ՝ ընտրությունների շեմին»,- գրում է թերթը:
▪️«Հրապարակ»․ Իշխող կուսակցության անդամներն արձանագրել են, որ տրանսպորտային «ռեֆորմը» չեն կարողանում ժողովրդին «կերցնել» որպես բարեփոխում, և դա կարող է իրենց դեմ ընդվզման մեծ ալիք բարձրացնել, ուստի պետք է զիջումների գնալ: Որոշվել է այդ գումարներն այլ` ավելի հնարամիտ ձևերով քերել ժողովրդից։
▪️«Ժողովուրդ»․ ՔՊ-ում ներկուսակցական գզվռտոցը շարունակվում է: Թերթի տեղեկություններով` սև ամպեր են կուտակվել պատգամավորներ Արփի Դավոյանի և Լուսինե Բադալյանի գլխին։ Նրանց կուսակցությունում մեղադրում են այն բանի համար, որ վերջին շրջանում զբաղված են մյուս թիմակիցների վրա կոմպրոմատներ փնտրելով, ինչը բարկացրել է նաև Նիկոլ Փաշինյանին:
▪️«Հրապարակը» անդրադարձել է Նիկոլ Փաշինյանի՝ փետրվարի 3-7-ը նախանշված այցին ԱՄՆ, որտեղ կմասնակցի Միջազգային կրոնական ազատության ամենամյա գագաթնաժողովին եւ Ազգային աղոթքի նախաճաշին: Ըստ թերթի՝ հայկական կողմը նախապես աշխատանքային հանդիպման խնդրանքով է դիմել Սպիտակ տան վարչակազմին, որ Փաշինյանն կարողանա հանդիպել նորընտիր նախագահ Դոնալդ Թրամփի հետ: Սակայն որևէ պատասխան մինչ այս պահը դեռ չեն ստացել։
🔈Այլ մանրամասներ♥️@RadioSputnikArm |
LIVE 106.0FM |
vk |
dzen