Category: Suren Surenyants

Նիկոլ Փաշինյանի համար “Լադիմիր Լադիմիրովիչն” այսօր դարձավ “Պյուծին”😀

ՀԱՊԿ գագաթաժողովում առաջնորդները “տարբեր լեզուներով” են խոսում. Լուկաշենկոն, օրինակ, ընդգծում է արեւմտյան սպառնալիքը ու առաջարկում է, ըստ էության, հակաարևմտյան “ինտերնացիոնալ” ձեւավորել, Տոկաեւը շեշտը դնում է Աֆղանստանից բխող սպառնալիքների վրա։ Արդյո՞ք Ռուսաստանին կհաջողվի իր ուկրաինական կամպանիայի շուրջ կոնսոլիդացիա ապահովել ՀԱՊԿ ներսում, թե՞ մնալու է Բատկայի աջակցության հույսին ու բախվելու է մյուսների չեզոքության փաստին…

Ուկրաինական Kalush Orchestra խումբը դարձավ Եվրատեսիլ- 2022-ի հաղթող։ Այս խմբի հաջողությունների մասին խոսվում էր նաև մինչև ուկրաինական պատերազմը, սակայն ակնհայտ է՝ սա քաղաքական ընտրություն է։ Եվրոպացիներն իրենց աջակցությունը հայտնեցին Ուկրաինային։ Ինչքանով է տեղին մշակութային միջոցառումների քաղաքականացումը՝ սա արդեն այլ զրույցի թեմա է։

Ռուսական օրակա՞րգ, թե՞…
Վրաստանի իշխանություններն առավելագույն ջանքեր է գործադրում` ուկրաինական հակամարտության մեջ երկրի ներքաշումը թույլ չտալու համար։
Սակայն իրադարձությունների զարգացումը Հարավային Օսեթիայում կարող են ի չիք դարձնել պաշտոնական Թբիլիսիի ջանքերը։
Ինքնահռչակ այդ հանրապետությունում հուլիսի 17-ին հանրաքվե է նշանակվել` Ռուսաստանին միանալու հարցով։
Արդյո՞ք դա Հարավային Օսեթիայի դեռևս գործող(նախագահական ընտրություններում պարտված) նախագահ Անատոլի Բիբլովի “ինքնագործունեությունն” է` ներքաղաքական համատեքստով, թե՞ ռուսական օրակարգ է։
Սա սկզբունքային հարց է, որի պատասխանը մեծապես ազդելու է Վրաստանի ներքին ու արտաքին քաղաքականության վրա։

Ասում է` պաշարումով ուզում ենք հասնել պետական համակարգի ինքնալուծարմանը։ Տո, այ խելոք, երկրի պետական համակարգը “ինքնալուծարում” են կամ լուծարում են երկիրն օկուպացրած օտար ուժերը…

Առաջիկա մեկ- երկու օրերին գլոբալ հակադրությունը նոր դրսևորում կստանա։ Ֆինլանդիան ու Շվեդիան դուրս են գալիս չեզոքության կարգավիճակից` հայտարարելով ՆԱՏՕ-ին անդամակցության մտադրության մասին։ Աշխարհն ավելի տուրբուլենտ կդառնա` մինչև, որ փոքր ու մեծ պատերազմներով, ստվերային ու բացահայտ բանակցություններով կայանա նոր աշխարհակարգը։

Նիկոլ Փաշինյանի իշխանությունը անհասկանալի քաղաքականություն է վարում, մի կողմից, թույլ տալով, որ պաշտոնական Բաքուն միանձնյա օրակարգ թելադրի խաղաղության բանակցություններում, մյուս կողմից` վտանգելով երկրի ներքաղաքական կայունությունն ու անվտանգությունը։
Երեկ Բաքվից հնչած “բացահայտումները”, մի կողմից, բանակցային վտանգավոր համատեքստ են ձևավորում, մյուս կողմից` կարող են էլ ավելի շիկացնել Հայաստանի ներքաղաքական էսկալացիան։

Մարդիկ նեղանում են, երբ ասում ես` մի վարկաբեկեք ընդդիմություն գաղափարը։ Իրենց ապաշնորհությամբ ձախողված Նիկոլ են լեգիտիմացնում, հետո փորձում եմ իմ անունը կապել Նիկոլի հետ։ Չի ստացվի…

Կայսրությունը չափազանց մեծ գին է վճարում` տակտիկական հաղթանակի համար
Երբ բանակի հաջողությունները կամ պատերազմի ընթացքը թույլ չեն տալիս խոսել կոնկրետ հաղթանակների, նվաճումների մասին, դա պետք է փոխհատուցել Արեւմուտքի դեմ “գաղափարական պատերազմի” մասին ելույթով: Հենց դա էլ Կարմիր հրապարակում արեց Պուտինը` մնալով այն գծի մեջ, որ նա դրել էր Մյունխենում` 2007-ին։
Ուկրաինայում Պուտինն, իհարկե, հաղթելու է, բայց այդ հաղթանակի գինը դառնալու է անհամեմատ թույլ Ռուսաստանը։ Սա այն դեպքն է, երբ կայսրությունը չափազանց մեծ գին է վճարում` տակտիկական հաղթանակի համար։

Սոթքի ուղղությամբ ադրբեջանական երեկվա սադրանքն, ըստ ամենայնի, Հայաստանի ԱԽ քարտուղար Արմեն Գրիգորյանի վերջին օրերի հարցազրույցների պատասխանն էր։ Բաքվում կարծում են, թե Գրիգորյանը “խախտել է դիվանագիտական էթիկետի կանոնները” ու բացահայտել է հայ- ադրբեջանական փակ քննարկումների առարկան։ Անկախ այն հանգամանքից, թե ինչ են պնդում Բաքվում` մեր իշխանությունները ԼՂ խնդիրը երբեք չպետք է օգտագործեն ներքաղաքական նպատակներով։ Նույնը վերաբերում է ընդդիմությանը։ Ներքաղաքական նպատակներով արտաքին քաղաքականության զգայուն թեմաների շահարկումը որեւէ օգուտ չի կարող տալ Հայաստանի բանակցային դիրքերին, փոխարենը ծնելու է անվտանգային ռիսկեր։