Category: Suren Surenyants

Կարճ կասեմ` Խորվաթիան արժանի էր այս հաղթանակին։

«Դեմոկրատական այլընտրանք» կուսակցության
Քաղաքական խորհրդի
հայտարարությունը
2022 թվականի դեկտեմբերի 12-ի առավոտյան Ադրբեջանը ապօրինի կերպով արգելափակել է Հայաստանը Լեռնային Ղարաբաղին կապող Լաչինի միջանցքը: Հերթական անգամ կոպտորեն ոտնահարվել են  Հայաստանի Հանրապետության վարչապետի, Ադրբեջանի Հանրապետության նախագահի, Ռուսաստանի Դաշնության նախագահի 2020 թվականի նոյեմբերի 9-ի եռակողմ հայտարարության դրույթները:
Դեկտեմբերի 13-ի երեկոյան Ադրբեջանը փակել է Լեռնային Ղարաբաղը բնական գազով մատակարարող խողովակի փականը, որը տեղադրել էր 2022 թվականի մարտի 7-ին խողովակը պայթեցնելուց հետո:
Արցախը հայտնվել է հումանիտար աղետի շեմին:
Ստեղծված ճգնաժամային իրավիճակը, մի կողմից՝ Բաքվի ագրեսիվ քաղաքականության, Ռուսաստանի տարածաշրջանային կարողությունների սահմանափակման, Հարավային Կովկասում կայունության ապահովմանն ուղղված միջազգային կոնսոլիդացված ջանքերի բացակայության, մյուս կողմից՝ Հայաստանի իշխանության ապաշնորհ արտաքին քաղաքականության հետևանք է:
«Դեմոկրատական այլընտրանք» կուսակցությունը խորապես համոզված է, որ Արցախի սուբեկտության նրա ժողովրդի անվտանգության ինստիտուցիոնալ երաշխիքներ կարող են ստեղծվել բացառապես հայ- ադրբեջանական հարաբերությունների կարգավորման, այդ համատեքստում՝ Ադրբեջանի ու ԼՂ դիալոգի շնորհիվ:
Կարգավորման տեսլական և օրակարգ չունեցող իշխանությունը չի կարող սպասարկել նման բարդ օրակարգ, ինչի հետևանքով՝ Ադրբեջանի քաղաքականությունը գնալով ավելի սանձարձակ ու ագրեսիվ է դառնում:
Նման օրհասական իրավիճակում անհրաժեշտ ենք համարում Հայաստանի արտաքին քաղաքականության հստակ օրակարգի ձևավորումը, արդյունավետության մեծացումը:
Նիկոլ Փաշինյանի իշխանությունը պետք է լուծի այս խնդիրը կամ հեռանա՝ ճանապարհ բացելով այնպիսի իշխանության ձևավորման համար, որը ներքին համակարգային բարեփոխումներ իրականացնելու և արդյունավետ արտաքին քաղաքականություն իրականացնելու պոտենցիալ ունի:
Հայաստանի անկախության, տարածքային ամբողջականության, անվտանգության, Արցախի հայկականության ու անվտանգության հիմնական երաշխիքը՝ հարևան բոլոր երկրների հետ բնականոն հարաբերությունների հաստատումն է:
Սա ելակետային դիրքորոշում է մեր կուսակցության համար:
15. 12. 2022

Մոսկվայից՝ Վաշինգտոն. ընդհանուր ձևակերպումներ` առանց կոնկրետության
Արտաքին կենտրոններից սկսել են արձագանքել Լաչինի միջանցքի փակմանը,
•Ռուսական խաղաղապահ առաքելությունը այսօրվա տեղեկագրում միայն փաստել է, որ ադրբեջանական կողմը դեկտեմբերի 12-ին փակել է Ստեփանակերտ-Գորիս ավտոճանապարհը՝ նշելով խաղաղապահ զորակազմի հրամանատարությունը բանակցություններ է վարում Ադրբեջանի ներկայացուցիչների հետ՝ վերականգնելու քաղաքացիական մեքենաների անխոչընդոտ երթևեկությունը։
◇ Արձանագրենք, որ ռուսական կողմը շեշտը դրել է ճգնաժամի հաղթահարման ոչ թե ուժային, այլ դիվանագիտական- քաղաքական լուծման վրա: Դժվար չէ նկատել, որ առայժմ առաջընթաց չկա:
• Լաչինի միջանցքի փակումը լուրջ հումանիտար հետևանքներ է առաջացնում և վնասում է խաղաղության գործընթացին։ Կոչ ենք անում Ադրբեջանի կառավարությանը վերականգնել միջանցքով ազատ տեղաշարժը։ Առաջ գնալու ճանապարհը բանակցությունների միջոցով է։
ԱՄՆ պետքարտուղարության խոսնակ Նեդ Փրայս
◇ Վաշինգտոնի արձագանքն ավելի շատ նման է հորդորի, առայժմ չկան նշաններ, որ ամերիկյան վարչակազմը Բաքվի նկատմամբ ավելի կոշտ քաղաքականություն վարելու նպատակ ունի:
• Եվրամիությունը կոչ է անում Ադրբեջանի իշխանություններին՝ ապահովել Լաչինի միջանցքով տեղաշարժի ազատությունն ու անվտանգությունը՝ համաձայն 2020 թվականի նոյեմբերի 9-ի եռակողմ հայտարարության։
«Տեղաշարժի ազատության սահմանափակումները զգալի անհանգստություն են պատճառում տեղի բնակչությանն ու հումանիտար մտահոգություններ առաջացնում»,- հայտարարել է Եվրամիության Արտաքին քաղաքականության հարցերով մամուլի խոսնակ Պետեր Ստանոն՝ հավելելով, թե «այլ մտահոգությունները կարող են և պետք է լուծվեն կողմերի երկխոսության և խորհրդակցությունների միջոցով»։
◇ ԵՄ հայտարարությունն ամենահակասական է, ավելին՝ դրանում առկա են վտանգավոր շեշտադրումներ: Ուշադրություն դարձրեք՝ Բրյուսելը պահանջում է միջանցքի ոչ թե անվերապահ բացում, այլ դա փոխկսպակցում է «կողմերի երկխոսության և խորհրդակցությունների» հետ, ինչից կարելի է ենթադրել, որ ԵՄ-ում առնվազն լեգիտիմ են համարում Բաքվի «այլ մտահոգությունները», որոնք «կարող են և պետք է լուծվեն կողմերի երկխոսության և խորհրդակցությունների միջոցով»։
Ընդհանուր առմամբ՝ միջազգային արձագանքը ստանդարտ ձևակերպումների մակարդակի վրա է, ինչը թույլ չի տալիս ենթադրել, որ Բաքվի դեմ կիրառվելու է կոնկրետ գործիքակազմ:

Գեղամ Նազարյանի ու Ալեն Սիմոնյանի խորհրդարանական երեկվա բանավեճը նայեցի: Իշխանությանը մի «մաղթանք» ունեմ՝ ինչքան կարող եք իրականությունից կտրվեք, դրանով ձեր անկումը միայն արագացնում եք:

Նեյմարը պատմական ռեկորդ սահմանեց: Նա ազգային հավաքականում խփեց իր 77-րդ գնդակը՝ այդ ցուցանիշով հավասարվելով լեգենդար Պելեին:
Այնուամենայնիվ, ես մնում եմ իմ կարծիքին. Բրազիլիան, անշուշտ, բարձրակարգ թիմ է, բայց այս առաջնության բացարձակ ֆավորիտը չէ, եթե նույնիսկ ինտիրգային այս խաղում հաղթանակ տանի:

Ողբերգություն է, ամոթալի փաստ, որ Ռուսաստանի ԱԳՆ խոսնակ Զախարովան ծաղրում է Հայաստանի իշխանությանը՝ միասնական դիրքորոշում ձևավորելու անկարողության համար: Քանի՞ անգամ եմ ցավով արձանագրել Փաշինյանի ու նրա թիմի ներկայացուցիչների իրարամերժ դիրքորոշումները հայ- ադրբեջանական հարաբերությունների կարգավորման վերաբերյալ:

Այսօր Պորտուգալիայի հավաքականը լավն էր՝ ուժեղ, արագաշարժ, դինամիկ, իսկ առջևում Մարոկկոյի հետ հանդիպումն է:

Կառավարությունը հավակնում է ստեղծել աշխարհի տասը արդյունավետ Արտաքին հետախուզական ծառայություններից մեկը:
Սա մոտավորապես նման է Փաշինյանի այն պոռոտախոսությանը, թե մինչև 2050-ը ունենալու ենք ֆուտբոլի աշխարհի առաջնությանը մասնակից կենսունակ հավաքական:

Ասիական թիմերն այս առաջնության ընթացքում հասցրել են շատերին դուր գալ, բայց գրեթե վստահ եմ, որ Ճապոնիան այսօր պարտվելու է Խորվաթիային, իսկ Հարավային Կորեան՝ Բրազիլիային: