Կարգավիճակը որոշվելու է Ստեփանակերտ- Բաքու բանակցություններում
Արցախի ԱԳ նախարար Դավիթ Բաբայանն ասում է` քանի որ ԵԱՀԿ ՄԽ համանախագահությունն ասում է, թե ԼՂ խնդիրը որոշված չէ, ապա դրանից բխում է, որ Արցախն Ադրբեջանի կազմում չի դիտարկվում։
Չափազանց պարզունակ, մակերեսային դիտարկում է, որը, մի կողմից, խեղաթյուրում է իրականությունը, մյուս կողմից` հանրության մոտ ձեւավորում է սպասումների անիրական նշաձող։
Այո, ԵԱՀԿ ՄԽ համանախագահությունն ասում է, որ ԼՂ խնդիրը լուծված չէ, բայց սրանից բխում է, որ.
— Ադրբեջանի փորձերը ամբողջովին վերացնել ԼՂ վարչատարածքային միավորը դատապարտված է ձախողման,
— Հայկական որոշակի շրջանակների պնդումը, թե ԵԱՀԿ Մինսկի համանախագահությունը կողմ է Արցախի անկախությանը` անիրական է, որովհետև Մոսկվան, Վաշինգտոնը կամ Փարիզը չեն ակնարկել անգամ, թե Հարավային Կովկասում պատրաստ են ճանաչել նոր պետության ծնունդը` Արցախի դեմքով։
Ըստ այդմ, ՄԽ-ի պատկերացրած կարգավիճակը չի կարող լինել ոչ Ալիևի մատուցած “մշակութային ինքնավարությունը”, ոչ էլ` մեր որոշ շրջանակների տեսլական անկախ Արցախը։
Մնացածը որոշվելու է Ստեփանակերտ- Բաքու բանակցություններում, եթե, իհարկե, հայկական դիվանագիտությունը պրագմատիկ գտնվի ու կարողանա կայացնել նման դիալոգ։