Category: Tatev Hayrapetyan

Փաստորեն սենց որ խոսում է, որ ողջ պետական ռեսուրսը դրել է Հայաստանի Հանրապետության դեմ զավթողական հայեցակարգի տարածմանը, դրանով մեր «անվտանգությունն է երաշխավորում»՝ ըստ «Քանդենք պետությունը» կուսակցության տրամաբանության։ Իրականում Ալիևն իսկապես իրենց իշխանության «քավորն է», քանի որ ՀՀ-ում որևէ քաղաքական ուժ չի համաձայնվել դառնալ Ալիևի երազանքների ցուցակի իրականացնողը ու պայքարել հայոց պետության և հայկական ինքնության դեմ՝ հանուն սեփական իշխանության երկարաձգման․․․

Շնորհավոր Սուրբ Զատիկ ☺️
Թո՜ղ Աստված պահապան լինի մեզ, մեր սիրելի մարդկանց, մեր ընտանիքներին ու մեր երկրին։ Թո՜ղ իրապես տա մեզ բավարար համբերություն ու խոհեմություն՝ չարն ու անպատվաբերը հաղթահարելու համար, թո՜ղ տա ուժ և կամք՝ անգամ բարդ պահերին դեպի լուսավորն ու արդարը ձգտելու և դրան հասնելու համար, թո՜ղ տա անսահման սեր և հավատ մեր ներսի մարդ արարածին ու մարդ մնալու սկզբունքներին չդավաճանելու համար․․․
Քրիստոս հարյավ ի մեռելոց
Օրհնյալ է Քրիստոսի հարությունը ❤️

Մարդը ավելի ուշ է հասկանում, որ ամենաթանկ տեղն արմատն է. դերասանուհի Նարինե Գրիգորյան ❤️
https://youtu.be/pWPCHddN4VI?si=yGYZrLrk1TWTU17c

Ո՜՜՜նց կարելի է երիտասարդին սենց վիճակի հասցնել, ծնողը 1000 անգամ ասեց, որ առողջական խնդիրներ ունի…առողջություն Դավիթին
https://t.me/tertammedia/56212

🇮🇷 1979 թվականի ապրիլի 1-ին Իրանը պաշտոնապես հռչակվեց Իսլամական Հանրապետություն։ Սա Իսլամական հեղափոխության հաղթական եզրահանգումն էր, որը հիմնովին փոխեց երկրի պետական կարգը։
🗳 Մարտի 30-ին և 31-ին կայացած հանրաքվեի ժամանակ քաղաքացիներին տրվում էր ընդամենը մեկ հարց. «Համաձա՞յն եք Իրանում Իսլամական Հանրապետության հաստատմանը»։ Չնայած որոշ ընդդիմադիր ուժերի բոյկոտին, մասնակիցների գրեթե 99%-ը քվեարկեց «կողմ»։ Սրանով չեղարկվեց 1906թ․ հին սահմանադրությունը և դրվեց նոր՝ թեոկրատական համակարգի հիմքը։
🏛 Իշխանության կառուցվածքը
Իրանն այսօր աշխարհի եզակի պետություններից է, որտեղ գործում է յուրահատուկ կառավարման համակարգ.
👑 Գերագույն առաջնորդ (Ռահբար). Պետության գլուխը և բարձրագույն հրամանատարը։ Նա սահմանում է երկրի հիմնական քաղաքական ուղղությունները, նշանակում դատական համակարգի և ուժային կառույցների ղեկավարներին։ Ռահբարն ընտրվում է Փորձագետների խորհրդի կողմից։
👤 Նախագահ. Երկրի երկրորդ պաշտոնյան և գործադիր իշխանության ղեկավարը։ Նա սահմանադրության երաշխավորն է, սակայն նրա բոլոր առանցքային որոշումները պետք է արժանանան Գերագույն առաջնորդի հավանությանը։
📜 Մեջլիս. Միապալատ խորհրդարանը (Իսլամական խորհրդակցական խորհուրդ), որն իրականացնում է օրենսդիր իշխանությունը։
Այս մոդելը Իրանին դարձրեց տարածաշրջանի ամենաառանձնահատուկ քաղաքական կառուցվածք ունեցող պետություններից մեկը, որտեղ կրոնական իշխանությունը գերակա է աշխարհիկ ինստիտուտների նկատմամբ։
Մաքուր Պատմություն📖

📌Իրանում վարչակարգի փոփոխության մասին Թրամփի հայտարարության հետքերով
Իրանում վարչակարգը չի փոխվել, բայց տեղի է ունենում ներքին տրանսֆորմացիա, ու դրանով համակարգը ոչ թե պակաս ռադիկալ է դառնում, ինչպես պնդում է Թրամփը, այլ հակառակը`ավելի կարծրանում:
1️⃣Նոր գերագույն առաջնորդն ընտրված է, ու չկան ցուցիչներ, որ նա ավելի մեղմ մոտեցումներ ունի: Բայց ավելի կարևոր է այն, որ երկրի կառավարմանը նրա մասնակցությունը չի էլ նկատվում (հավանական է, որ Մոջթաբա Խամենեին ծանր վիրավոր է կամ թաքնվում է՝ թիրախ չդառնալու համար)։ Թե ինչու է սա կարևոր՝ 5-րդ կետում:
2️⃣Առաջին ամսվա արդյունքներով ավելի ընդգծված է դերաբաշխումը։ Նախագահ Փեզեշքիանը, ինչպես և կարելի էր ենթադրել, գործնականում չունի իշխանություն պատերազմի վարման համատեքստում և զբաղված է քաղաքացիական ոլորտների համակարգմամբ։
Այս օրերին լուրեր կան նաև Փեզեշքիանի և ռազմական թևի միջև հակասությունների մասին։ Դրանց հավաստիությունը հնարավոր չէ պարզել, բայց առնվազն տեսանելի է, որ պատերազմի վերաբերյալ Փեզեշքիանի «անզգույշ» հայտարարությունները միագամից կտրուկ հակազդման են արժանանում: Վերջին նման դեպքը տեղի է ունեցել օրերս, ինչից հետո կառավարությունից սկսել են հավաստիացնել, որ որևէ խնդիր չկա ու պետական բոլոր մարմինները նույն գծի մեջ են։
3️⃣Ի հակադրություն Փեզեշքիանի՝ «ավելի հավաստի» պաշտոնական դիրքորոշմամբ է ներկայանում խորհրդարանի նախագահ Մոհամմադ Բաղեր Ղալիբաֆը։ Նա ԻՀՊԿ նախկին զինվորական է ու պատերազմի սկզբից հայտարարվել էր նաև, որ մասնակցում է ռազմական գործողությունների պլանավորմանը։ Հնարավոր է՝ Ղալիբաֆը համակարգում է ռազմական ոլորտը և քաղաքական դաշտում էլ ներկայացնում է ԻՀՊԿ/պետության շահերը (Այստեղ մեզ համար շարունակում է տեսանելի չլինել ԻՀՊԿ հրամանատարի պաշտոնակատարի դերակատարումը)։
4️⃣ԻՀՊԿ-ի կշիռն էականորեն ընդլայնվել է։ Ազգային անվտանգության գերագույն խորհրդի քարտուղարի պաշտոնում ԻՀՊԿ ակունքներից սերող գործչի նշանակումն էլ դրա ցուցիչներից մեկն է։ Անվտանգության խորհուրդը առանցքային դեր ունի արտաքին քաղաքականության մշակման ու ԱԳՆ գործունեության վերահսկողության գործում, ինչը կարող է նշանակել, որ հավանական բանակցային ցանկացած գործընթացում ԻՀՊԿ-ն ունենալու է իր ուղղակի և անուղղակի ներգրավվածությունը։ Առհասարակ, պատերազմական իրավիճակն ԻՀՊԿ-ն օգտագործում է իր «կարգավորումները» պարտադրելու համար, ու եթե հավատանք լուրերին, ապա կորպուսն ընդհուպ մինչև փորձում է ինքն առաջադրել հետախուզության նոր նախարարին։
5️⃣ԻՀՊԿ քաղաքական կշիռը պատերազմից առաջ ևս մեծ էր (սրան առանձին կանդրադառնամ), բայց Ալի Խամենեին որոշ հարցերում կարողանում էր զսպող դեր կատարել։ Այդ կշիռը տարեցտարի աճում էր ու դա էր պատճառը, որ դեռ տարիներ առաջ կային գնահատականներ, որ ԻՀՊԿ-ն վճռորոշ դեր է խաղալու նոր առաջնորդի ընտրության հարցում։ Ըստ էության, հենց դա էլ տեղի է ունեցել, ու այս համատեքստում կարևորագույն հարցերից է մնում այն, թե Մոջթաբա Խամենեին իրապես ներգրավված է երկրի կառավարմանը, թե նա պարզապես արտաքին քող է, սիմվոլիկա։ Վերջինի դեպքում նշանակում է, որ պատերազմն ուղղակի ավարտին է հասցնում Իրանի պետական համակարգում ԻՀՊԿ ներծծման գործընթացը:
6️⃣Իրանի իշխող ապարատում այժմ չկան բարեփոխական կամ չափավորական գործիչներ, որոնք կշիռ ունեն (Իրանում բարեփոխականների ու չափավորականների մարգինալացման գործընթացը կուլմինացիայի է հասել 2020-21թթ., հետագա բացառությունները մեծ հաշվով իրավիճակը չեն փոխել), եթե կան, Իսրայելը նրանց չեզոքացնում է, քանի որ նրանք ԱՄՆ հետ լեզու գտնողներ են համարվում: Իսկ այն գործիչները, որոնք այժմ պաշտոն չեն զբաղեցնում, բայց Իրանի ներսում առանցքային դերակատարման պոտենցիալ ունեն, չեզոքացվում են հենց քաղաքական հակառակորդների կողմից: Այս առումով Իրանի համակարգն առայժմ անզիջում է թե՛ երկրի ներսում, թե՛ երկրից դուրս:
@IRI2day

Ադրբեջանի պետական լրատվական գործակալությունը հրապարակել է Ադրբեջանի իշխող ուժի պատգամավոր Մեհրիբան Վելիևայի հարցազրույցը։ Ուզում եմ ուղիղ մեջբերում ներկայացնել այդ հարցազրույցից․ «20-րդ դարի ընթացքում մեր ժողովուրդը չորս անգամ ենթարկվել է զանգվածային տեղահանությունների։ Մասնավորապես, Արևմտյան Ադրբեջանից՝ ներկայիս Հայաստանի տարածքից, ադրբեջանցիների բռնի տեղահանությունը՝ իրենց նախնիների հողերից դաժան տեղահանությունը, նրանց տների թալանը և պատմական հետքերի ջնջումը ցույց են տալիս, որ այս քաղաքականությունը շարունակական էր։ Այս տեղահանությունների արդյունքում մեր հարյուր հազարավոր հայրենակիցներ տեղահանվեցին և բախվեցին ծանր մարդասիրական ողբերգությունների»։
Երբ ես անհոգնել փաստերով ցույց եմ տալիս, որ Ադրբեջանը ՀՀ-ի դեմ մշակում է անթաքույց զավթողական հայեցակարգ, ես ասում եմ, որ մեր դեմ պետական մակարդակով մշակվում է խոսույթ, որ մենք իբր «ցեղասպան», «ֆաշիստ» ժողովուրդ ենք, ովքեր «դաժանաբար խեղճ ադրբեջանցիներին քշել են իրենց հայրենիքից», սա ոմանց կողմից դիտվում է որպես «ներքին լսարանի» խոսույթ։ Ես բազմիցս եմ ասել, այս խոսույթը վտանգն այն է, որ հայկական ներկայիս իշխանությունը ոչ միայն դա չի ուղղում Ալիևի դեմ, ինչը միանգամայն իրագործելի է, այլ սա դարձրել է գործիք սեփական հանրության դեմ՝ «համոզելու», որ եթե մենք մեր իրավուքններից չխոսենք, մեր պատմությունից հրաժարվենք, Ցեղասպանության բառը չասենք, ամեն ինչ կլինի խաղաղ և հիասքանչ։
Իրականում մեր՝ մեր մասին պատմության, փաստերի, ամրագրված իրավունքների մերժումը ունենում է լիովին հակառակ ազդեցություն, առաջացած վակուումը ադրբեջանական կողմը լցնում է իր պատմական կեղծարարությամբ և զավթողականությամբ, դեռևս խոսույթների մակարդակով, իսկ Նիկոլ Փաշինյանի իշխանության մնալու դեպքում արդեն կանցնեն ռեալ քայլերի․․․

📢«Այսօր կարող եմ ասել, որ մենք ճիշտ ուղու վրա ենք՝ շուտով իրականացնելու Ամերիկայի բոլոր ռազմական նպատակները [Իրանում] ․․․ Մենք նրանց չափազանց ուժեղ հարվածներ ենք հասցնելու հաջորդ երկու-երեք շաբաթվա ընթացքում։ Մենք նրանց հետ ենք շպրտելու քարի դար, որտեղ նրանց տեղն է»,- ասել է Դոնալդ Թրամփն իր երեկոյան ուղերձում (Երևանի ժմնկով՝ 5:00)։
📍Նա հայտարարել է Իրանի պատերազմի մոտալուտ դադարեցման մասին։ Ասում է՝ իրենց հիմնական նպատակին արդեն գրեթե հասել են, և ինքը զոհվածների հարազատներին խոստացել է շուտով ավարտել գործողությունը։
📍Թրամփը խոստացել է հարվածել Իրանի էներգետիկ և նավթային ենթակառուցվածքներին, եթե առաջիկա օրերին Իրանը համաձայնության չգա ԱՄՆ-ի հետ (այս ուղերձում որևէ բան չի ասել բանակցությունների մասին)։
📍Հորմուզի նեղուցի փակ լինելուց տուժող պետություններին էլ Թրամփը կոչ է արել գնալ ու բացել նեղուցը, քանի որ նրանք ԱՄՆ-ին չեն աջակցել, իսկ ԱՄՆ-ին նեղուցի փակ լինելը չի խանգարում։
📌Մի քանի թեզ ԱՄՆ նախագահի ուղերձից, ոչ բառացի։ Մի մասը նախկինում ասածի կրկնություն է։
1. «Մենք ոչնչացրել ենք Իրանի նավատորմը, ղեկավարությանը, և խիստ կրճատել ենք հրթիռային արձակման կայանները, զենքի արտադրության հնարավորությունները։
2. Եթե ես ժամանակին չսպանեի Ղասեմ Սոլեյմանիին, մենք հնարավոր է պատերազմի այլ վիճակում լինեինք հիմա։ Եվ եթե վերջ չտայի միջուկային գործարքին, Իրանը կհասներ միջուկային զենք ունենալուն։
3. Իրանը մասնակցել է 2023 թվականի հոկտեմբերի 7-ին Համասի՝ Իսրայելի վրա հարձակմանը։
4. Իրանի իշխանությունները հունվարի ցույցերին 45 հազար ցուցարար են սպանել (այս թիվը գնալով մեծացնում են, նախկինում 20 հազար, հետո՝ 30 հազար էին ասում)։
5. Իրանի իշխանությունները փորձում էին միջուկային զենք ստանալ։ Հունիսին մենք թիրախավորեցինք նրանց միջուկային օբյեկտները։ Բայց նրանք այլ տեղերում վերսկսեցին միջուկային զենքի պատրաստման աշխատանքները։
6. Իրանի իշխանությունները արագորեն մեծացնում էին իրենց հրթիռային սպառազինությունը, և շուտով կարողանալու էին թիրախավորել ԱՄՆ տարածքը (չափազանցնում է, Իրանի ամենահեռահար հրթիռները 4000 կմ հեռահարություն ունեն)։
7. Մեր նպատակները հստակ էին՝ ոչնչացնել Իրանի կարողությունը իր տարածքից դուրս ռազմական գործողություններ ձեռնարկելու և միջուկային զենք ունենալու հարցում, և այդ նպատակին արդեն գրեթե հասել ենք։
8. Այն պետությունները, որոնք Հորմուզի նեղուցի միջոցով են նավթ ստանում, պետք է ստանձնեն առաջնորդությունը և բացեն Հորմուզի նեղուցը։ Դրանք այն երկրներն են, որոնք որոշեցին չմասնակցել Իրանի գլխատման գործողությանը, և մենք դա արեցինք միայնակ։
9. Երբ հակամարտությունը ավարտվի, Հորմուզի նեղուցն ինքնաբերաբար կբացվի։ Եվ այդ պետությունները պետք է գնան ու վերցնեն, պաշտպանեն այդ նեղուցը։ Մենք արել ենք ամենադժվարը, և իրենք կարող են վերականգնել նավթի հոսքը։
10․ Քիչ է մնացել մեր ռազմական նպատակներին հասնելուն։ Եվս 2-3 շաբաթ հարվածներ կհասցնենք։
11. Մենք երբեք չենք ասել, որ ռեժիմի փոփոխությունը մեր նպատակն է։ Բայց ռեժիմը փոխվել է, որովհետև նախկին ռեժիմի գրեթե բոլոր ներկայացուցիչները սպանված են։ Նոր ղեկավարությունն ավելի քիչ ռադիկալ է։
12. Եթե մոտ ժամանակներս պայմանավորվածության չհասանք, մենք խփելու ենք Իրանի էներգետիկ ենթակառուցվածքներին ու նավթի ենթակառուցվածքներին։ Նրանց նավթի ենթակառուցվածքը ամենահեշտ թիրախներից է, բայց մենք դրան չենք խփել, որ Իրանին չզրկենք վերականգնվելու հնարավորությունից։
13. Իրանի ՀՕՊ կարողությունները և ռադարները ոչնչացված են։ Իրանի միջուկային կարողություններին այնպիսի հարվածներ ենք հասցրել, որ ամիսներ կպահանջվի վերականգնման համար։ Եվ մենք մեր արբանյակներով հետևելու ենք դրան։
14. 32 օրում մենք ոչնչացրինք Իրանի ռազմական կարողությունը, և այն այլևս չի կարող սպառնալ ԱՄՆ-ին և աշխարհին»։ (Համեմատում էր ԱՄՆ-ի՝ նախկինում ունեցած երկարատև պատերազմների հետ)։
@IRI2day

📍Իրանի արտգործնախարար Աբբաս Արաղչին հայտարարել է, որ պատերազմի դադարեցման վերաբերյալ ԱՄՆ 15 կետանոց առաջարկներին Իրանը չի պատասխանել և պայմաններ չի ներկայացրել, իսկ հակառակը պնդող լուրերը «ԶԼՄ-ների ենթադրություններն են»:
📍Միաժամանակ Արաղչին վերահաստատել է այդ նույն լուրերի բովանդակությունն առ այն, որ Իրանը ոչ թե հրադադարի է ձգտում, այլ տարածաշրջանի բոլոր ճակատներում պատերազմի դադարեցման: Նա պնդել է, որ Իրանին պետք է փոխհատուցում տրվի և երաշխիքներ, որ պատերազմը չի կրկնվի:
«Փորձը ցույց է տվել, որ ոչ միայն մեկ կամ երկու երկրի, այլև ՄԱԿ ԱԽ երաշխիքները ևս բավարար չեն: Այս առումով մեր բարեկամները որոշ գաղափարներ են առաջ քաշել, որոնք մենք ուսումնասիրում ենք՝ հասկանալու, թե որ երաշխիքները կարող են արդյունավետ լինել, եթե մի օր պատերազմն ավարտվի Իրանի պայմաններով», — ասել է Արաղչին:
📍 Հորմուզի նեղուցի առնչությամբ նախարարը նշել է, որ նեղուցով երթևեկության և այլ հարցերը պետք է կարգավորվեն Իրանի ու Օմանի համատեղ մեխանիզմներով, քանի որ նեղուցը գտնվում է այդ երկու երկրի տարածքային ջրերում:
📍Նա նաև ընդգծել է, որ Իրանը նվազագույնը 6 ամիս դիմադրության է պատրաստ, և հավաստիացրել, որ ԱՄՆ հետ չեն բանակցում, այլ միայն ուղերձներ են փոխանակում:
@IRI2day