Category: Tatev Hayrapetyan

Соседним азербайджанцам, которые восхищаются Николом Пашиняном, Аленом Симоняном и другими подобными персонажами и цитируют их с утра до вечера, от всей души желаю как можно скорее получить именно такое руководство. Они заслуживают самого лучшего 🙏☺️

‼️‼️‼️01.06.2026, Երևան
ՊԱՇՏՈՆԱԿԱՆ ՀԱՂՈՐԴԱԳՐՈՒԹՅՈՒՆ
Զանգվածային լրատվության հարգելի ներկայացուցիչներ,
Տեղեկացնում ենք, որ ս.թ. մայիսի 31-ին EuroNews-ով հրապարակված, և հայկական որոշ ԶԼՄ-ներում արտատպված հոդվածում տեղ գտած սոց-հարցման արդյունքները, որոնցում հղում է կատարվում «Բրեվիս» ընկերությանը, չեն արտացոլում մեր կողմից իրականացված հարցման հրապարակված արդյունքները:
Միջազգային հանրապետական ինստիտուտի (IRI) պատվերով մայիսի 5-11 անցկացված հարցման պաշտոնական հրապարակումը առ 22.05.2026թ. հասանելի է միայն այս հղումով: https://www.iri.org/wp-content/uploads/2026/05/ARM-26-NS-02-PT-FINAL_PUBLIC.pdf
Հայտնում ենք նաև, որ «Բրեվիս» ընկերությունը պատասխանատու է միայն դաշտային աշխատանքների իրականացման համար, հետազոտության մեթոդաբանության և վերլուծության հետ կապված հարցերը պատվիրատուի իրավասությունների դաշտում են:

Ուրեմն արդեն քանի օր է, ինչ «Հարցումների ամփոփում և ընտրությունների վերլուծություն Եվրոպայում» կոչվող «Europe Elects» աղբյուրը՝ հղում անելով «Breavis»-ի հարցումներին, մի սանդղակ է տարածում, որտեղ իշխող «Քանդենք պետությունը» կուսակցությունն ունի 65% ձայն։ Սենց կեղծիք Եվրոպայում տեսած չկան, սա ուղղակի տեղեկատվական ու հոգեբանական պատերազմ է։ Իսկ գիտե՞ք՝ կեղծիքը որն է. այդ տոկոսները հաշվելիս «մոռացել են» նկատի ունենալ, որ 1551 հարցվածների 51%-ը հրաժարվել է պատասխանել կամ ասել է, որ դեռ որոշում չունի: Հասկանո՞ւմ եք՝ սա ինչ կարգի զզվելի կեղծիք է. 1551 մարդուց միայն 494-ն են նշել, որ ընտրելու են Նիկոլ Փաշինյանին ։ Ու սա տարբեր արևմտյան լրատվամիջոցներով են տարածում, Փաշինյանի աջակիցներն էլ Ադրբեջանում աշխարհով մեկ են եղել…
Սիրելի ՀՀ քաղաքացի, անպայման գնա ընտրության հունիսի 7-ին, թույլ մի՛ տուր, որ տարբեր ուժային կենտրոններ մեր փոխարեն որոշում կայացնեն: Քո գնալով, քո որոշումը կայացնելով՝ ցույց տուր, որ Հայաստանի հետ կապված հարցերը լուծվելու են հենց ՀՀ-ում։ Վստահեցնում եմ՝ քո որոշման հետ բոլորն են հաշվի նստելու։

📍Իրանի ԱԳՆ խոսնակը՝ TRIPP-ի մասին․
«Իրանը ողջունում է տնտեսական հարաբերությունների ընդլայնումն ու տրանսպորտային ուղիների ապաշրջափակումը, սակայն խիստ կասկածամտությամբ է վերաբերվում Ամերիկայի չարամիտ մտադրություններին։ ԱՄՆ-ն տարբեր տարածաշրջաններում չարագործությունների և ագրեսիայի պատմություն ունի, և Թեհրանը հստակորեն դեմ է արտահայտվել նման ապակայունացնող ներկայությանը։
Իրանը Հարավային Կովկասում խաղաղությունը, կայունությունն ու տնտեսական առաջընթացը համարում է իր ազգային շահերին համահունչ և մշտապես նշել է, որ տարածաշրջանային զարգացումներին արտատարածաշրջանային տերությունների կործանարար միջամտությունը լուրջ մարտահրավեր է նետում տարածաշրջանի երկրների խաղաղությանը, կայունությանը և հավաքական շահերին, և ոչ մի բարիք չի բերի տարածաշրջանի ժողովուրդներին»:
@IRI2day

Ադրբեջանցի քաղաքական մեկնաբան Ազադ Իսազադեն բազմիցս խոսել է այն մասին, որ ադրբեջանական կողմի համար կարեւոր է, որ Փաշինյանը մնա իշխանության։ Բայց հիմա արդեն ավելի հեռուն է գնում՝ խոսելով այն մասին, որ կարող են ֆիզիկապես միջամտել Հայաստանի ընտրություններին՝ այսպես ասած «ադրբեջանական խաղաղապահներ» մտցնելով՝ Փաշինյանին պաշտպանելու համար։ Սա «խեղճ» Նիկոլի «ինքնիշխան» քաղաքականության դրսեւորումն է, որ հակառակորդը կարող է անգամ նման միտք իրեն թույլ տալ…
Որպեսզի Ալիեւի թեկնածուն չմնա իշխանության, եւ իրենք այլեւս չկարողանան միջամտել Հայաստանի ներքաղաքական կյանքին, պետք է հունիսի 7-ին գնալ ընտրության։

Հայաստանի Հանրապետության վարչապետները
Հովհաննես Քաջազնունի (1918, հունիսի 15 – 1919, մարտի 27)
Ալեքսանդր Խատիսյան (1919, ապրիլի 27 – 1920, մայիսի 5)
Համո Օհանջանյան (1920, մայիսի 5 – 1920, նոյեմբերի 23)
Սիմոն Վրացյան (1920, նոյեմբերի 25 – 1920, դեկտեմբերի 2)

Հայոց եռագույնն ու Արարատը 🇦🇲❤️
Շնորհավոր Առաջին Հանրապետության օրը։ Ուզում եմ նենց երկիր ունենանք, որտեղ սեփական ազգային ինքնության համար պայքար մղելու կարիք չլինի․․․

Ալիևի թեկնածու Փաշինյանի ուղերձը պարզ է՝ ես ձեզ բոլորիդ ասում եմ՝ ես Ալիևի շահերի սպասարկողն եմ, ես նրա թեզերը շրջանառողն եմ, ես կգամ ու ձեզ Ալիևի կամքով կենթարկեմ հանրային ստորացման, ու եթե էդքանից հետո դուք էլի թողեք՝ ես մնամ իշխանության, ուրեմն ձեզ հետ ինչի լինի՝ արդար է, էլ չասեք՝ խաբել եմ, էլ չեմ խաբել։ Իսկ այս տեսանյութում մեկ րոպեում արտացոլված են վերջին վեց տարիների ամենաբարոյազուրկ և հակահայկական հայտարարությունները։
Եթե ուզում ենք այս վիճակից դուրս գալ, ուրեմն հունիսի 7-ին ընտրություն է՝ մերժելու նվաստացումն ու հանրային ստորացումը։

⁉️Ինչպե՞ս է հակառուսականությունը որոշ հայերի մոտ վերածվել պրոադրբեջանականության…
Օրեր առաջ գրառում էի արել այն մասին, որ Ալիևը փող է ծախսում Փաշինյանին գովերգելու համար՝ պատվիրելով անգլերեն լեզվով ֆիլմ նկարահանել հայկական ընդդիմության մասին։ Արդեն հրապարակել են ֆիլմի ամբողջական տարբերակը, որը ես, իհարկե, դիտել եմ, բայց չեմ տեղադրի․ չեմ ցանկանում նպաստել ադրբեջանական քարոզչության տարածմանը։
Ինչ խոսք՝ ունիկալ է հետևել, թե ինչպես են որոշ «յան» ազգանունով մարդիկ ակտիվ քարոզչություն անում ադրբեջանական փողերով ստեղծված ֆիլմում, որն ուղղված է ՀՀ ընդդիմության դեմ։ Բացի այդ՝ այն ունի մեկ հիմնական ուղերձ՝ Փաշինյանը պետք է մնա իշխանության, քանի որ դա պետք է Ադրբեջանին․ նա «հեղափոխում» է հայ հանրության միտքը՝ հօգուտ Ադրբեջանի։
«Յան» ազգանունով մարդիկ, որոնք ադրբեջանական լրատվականի ֆիլմում են նկարահանվում՝ ուղղված ՀՀ ներքաղաքական կյանքին միջամտելուն, խոսում են ՀՀ ընտրություններում ռուսական միջամտության մասին։ Ի շարս այլ երկրների միջամտությունների՝ ռուսական միջամտություն, իհարկե, կա, բայց դրա մասին խոսելու լավագույն հարթակը, երբ ընտրվում է ադրբեջանական մեդիան, լուրջ հարցեր է առաջացնում խոսող հայերի նպատակների ու ֆինանսավորման աղբյուրների մասին:
Տենց էլ չհասկացա, թե հակառուսականությունն ինչպես է որոշ հայերի մոտ վերածվել պրոադրբեջանականության․․․