Category: Vardan Voskanyan

Ամբողջ աշխարհը սպասում է, թե ինչպես կընթանան Իրանի շուրջ զարգացումները, և այս ֆոնին տեղեկատվության և ապատեղեկատվության հոսքերն ահռելի են։
Պարզ է մի բան. Պակիստանի առաջարկը՝ հետաձգելու ԱՄՆ-ի հարվածը, փրկօղակ է նախագահ Թրամփի համար՝ չգնալու խելահեղ մի գործողության, որից հետո ոչ ոք չի կարող հստակ կանխատեսել, թե ինչ տեղի կունենա Մերձավոր Արևելքում և աշխարհում։
Պատերազմի անցած օրերը ցույց են տվել, որ Իրանը չի հանձնվելու, և նույնիսկ ամենադժվարին պայմաններում շարունակելու է պատասխանել հարվածներին։
Ուստի, նույնիսկ այդ երկրի հավանական ամբողջական հոսանքազրկումը, որն, ի դեպ, ըստ մասնագետների՝ անհնար է իրագործել մեկ օրում զանգվածային հարվածով, ըստ էության, չի ազդելու իրանական հակահարվածների վրա։
Մինչդեռ, դիցուք, իրանական հարվածների հետևանքով քաղցրահամ ջրից զրկված՝ Պարսից ծոցի արաբական երկրների շողշողուն քաղաքներից յուրաքանչյուրը կարող է կրկին վերածվել ապրելու համար ոչ պիտանի անապատի։
#հարափոփոխ_տարածաշրջանը
🆔 @vardan_voskanian

ԱՄՆ-ի նախագահ Թրամփը սպառնացել է, որ «մի ամբողջ քաղաքակրթություն կմեռնի այս գիշեր՝ այլևս երբեք չվերածնվելու համար»՝ նկատի ունենալով Իրանին հասցվելիք հարվածների մահաբերությունը։
Չափազանց հավակնոտ և անիրատեսական պնդում է, եթե հաշվի առնենք, որ հազարամյակների իրանական քաղաքակրթությունը ոչնչացնել են փորձել բազմաթիվ նվաճողներ և չեն հաջողել։
Աշխարհի պատմության մեջ ամենաընդարձակ ցամաքային կայսրությունը ստեղծած մոնղոլները ևս, հավանաբար, կարծում էին, թե կոչնչացնեն այս քաղաքակրթությունը, մինչդեռ, ի վերջո, հենց իրանական քաղաքակրթությունը ձուլեց և իրանականացրեց այն մոնղոլներին, որոնք հայտնվել էին Իրանի քաղաքակրթական տիրութում։
#հարափոփոխ_տարածաշրջանը
🆔 @vardan_voskanian

Ի պատասխան Իրանի նավթաքիմիական արդյունաբերական ենթակառուցվածքներին հասցված հարվածների, այս գիշեր իրանական կողմը խոցել է մեծությամբ աշխարհում չորրորդ «Saudi Basic Industries Corporation»-ի նավթաքիմիական գործարանը Սաուդյան Արաբիայում։
Իրանի նման գործողությունները պատերազմում ունեն օպերատիվ արձագանքման բնույթ, իսկ երկարաժամկետ իրանական ռազմավարությունը ենթադրում է Հորմուզի նեղուցի վրա ամբողջական վերահսկողության պահպանում նաև հետպատերազմական շրջանում, որին միտված օրենսդրական քայլեր է ձեռնարկում այս երկրի խորհրդարանը մի կողմից, և դիվանագիտական աշխատանք Օմանի հետ ԱԳՆ-ն՝ մյուսից։
Երեկ, երբ Սպիտակ տանը ներկայացվում էր ամերիկյան խոցված ինքաթիռի օդաչուի՝ Իրանի տարածքից տարհանման գործողությունը, ԱՄՆ-ի Շտաբների պետերի միացյալ կոմիտեի նախագահ գեներալ Քեյնը ուշագրավ հայտարարություն է արել, որից կարելի է եզրակացություններ անել սովորական իրանցիների՝ այս պատերազմում վարքագծի մասին։ Նա, մասնավորապես, նշել է, որ տարհանման գործողության ժամանակ տեղի բնակիչներից նույնիսկ փոքր հրազեն ունեցող յուրաքանչյուր իրանցի կրակ է բացել ամերիկյան ուղղաթիռների վրա։
#հարափոփոխ_տարածաշրջանը
🆔 @vardan_voskanian

Իրանի խորհրդարանի նախագահ Ղալիբաֆը «X» սոցիալական ցանցի իր էջում գրառում է կատարել և հրապարակել լուսանկարներ պատերազմի ընթացքում զոհված իրանահայ Հովհաննես Սիմոնյանի հոգեհանգստի արարողությունից, որը տեղի է ունեցել Նոր Ջուղայի Սբ. Մարիամ Աստվածածին եկեղեցում։
Ուշագրավ է, որ իրանցի պաշտոնյան, շեշտելով զոհվածի քրիստոնյա լինելու հանգամանքը, օգտագործել է շիայական իսլամում հատուկ հարգանք ցույց տվող «նահատակ» բառը՝ այսպիսով չգարբերակելով Իրանի հայրենական պատերազմում զոհերի քրիստոնյա կամ մահմեդական լինելու հանգամանքը։
#հարափոփոխ_տարածաշրջանը
🆔 @vardan_voskanian

ԱՄՆ-ի նախագահը «Truth» սոցիալական ցանցում կրկին սպառնացել է հարվածներ հասցնել Իրանի էլեկտրակայաններին և կամուրջներին։
Գրառման մեջ հայհոյաբանությունների գործածությունը լավ ազդանշան չէ, քանի որ Իրանում ավանդական ընկալումները ենթադրում են, որ հայհոյանքների դիմելը զայրույթի նշան է, ուստի պարզ է, որ ԱՄՆ-ի նախագահը պատերազմում բախվել է փակուղային իրավիճակի։
Իրանում սա համարում են ցուցիչ, որ իրենց գործողությունները արդյունավետ են, ուստի պատերազմը պետք է դադարեցվի հենց իրանական պայմանների հիման վրա։
#հարափոփոխ_տարածաշրջանը
🆔 @vardan_voskanian

Օրեր առաջ Իրանում խոցված ամերիկյան F15 օդանավի օդաչուին փրկելու գործողության վերաբերյալ իրանական և ամերիկյան պատումները խիստ տարբեր են և հակասական։
Փաստն այն է, որ օդաչուին գտել և տեղափոխել են Իրանի տարածքից, ինչի մասին խոսում են ամերիկյան աղբյուրները։
Փաստ է նաև, որ տեղի է ունեցել զինված բախում տեղի իրանցի գյուղաբնակների և ամերիկյան հատուկջոկատայինների միջև, և կան զոհեր։
Փաստ է նաև, որ ամերիկյան կողմը գործողության ընթացքում կորցրել է մեկ C-130 Hercules և երկու Black Hawk ուղղաթիռ։
Կից՝ իրանական կողմի տարածած կադրերն են, որտեղ երևում են նշված ինքնաթիռի բեկորները։
#հարափոփոխ_տարածաշրջանը
🆔 @vardan_voskanian

Իրաքի մայրաքաղաք Բաղդադի կենտրոնում և այս երկրի այլ քաղաքներում բազմահազարանոց հանրահավաքներ են հաջակցություն Իրանի և ի դատապարտում ԱՄՆ-ի և Իսրայելի։
Ուշագրավն այն է, որ հանրահավաքները կազմակերպել է նախկինում Իրանի հանդեպ քննադատական վերաբերմունքով աչքի ընկած Մուկթադա ալ-Սադրը, որի կողմնակիղներն Իրաքում այժմ իրենց աներկբա աջակցությունն են հայտնում Իրանին և կոչ անում արաբական երկրներին համախմբվել Իրանի շուրջ։
Մեկ այլ հետաքրքիր զարգացում էլ տեղի է ունեցել Սիրիայում, որտեղ այսօր ցուցարարները հարձակում են գործել ԱՄԷ-ի՝ Դամասկոսում դեսպանատան վրա՝ մեղադրելով այս երկրի ղեկավարությանը Իսրայելին աջակցելու համար։
Հակաիսրայելական ալիքը Մերձավոր Արևելքում՝ հատկապես նաև տարբեր երկրների շիա և սուննի արաբ բնակչության շրջանում, էլ ավելի անհնարին է դարձնում որևէ արաբական երկրի՝ Իսրայելի հետ համագործակցության հեռանկարը թե՛ այժմ, թե՛ հետպատերազական շրջանում։
#հարափոփոխ_տարածաշրջանը
🆔 @vardan_voskanian

Ամերիկյան «New York Times»-ն, ըստ ԱՄՆ-ի հետախուզությունում ունեցած իր աղբյուրների՝ տեղեկացնում է, որ Իրանն օգտագործում է կեղծ թիրախներ, և կարողանում է ժամերի ընթացքում վերականգնել հասանելիությունը ռմբակոծված իր ստորգետնյա ռազմական ենթակառուցվածքներին։
Իրանը ճանաչողները գիտեն, որ այս երկրի ռազմաքաղաքական միտքը իրանական արեւմտյան սահմանը մշտապես դիտարկել է խոցելի՝ հենվելով նաև պատմական փորձի վրա, երբ Ալեքսանդր Մակեդոնացին կամ արաբները կարողացել են ներխուժել Իրան հենց արեմուտքից։
Սա հաշվի առնելով էլ իրանցիները մշտապես ձգտել են իրականացնել մի ռազմավարությունը, ըստ որի՝ Իրանի դե ֆակտո պաշտպանական գիծը արևմուտքում պետք է ձգվի առնվազն մինչև Իրաքի խորք և ավելի անդին, իսկ ռազմական կարողությունների հիմնական մասը տեղակայվի կենտրոնական և արևելյան շրջաններում։
Այս երկու ուղղություններն էլ այժմ աշխատում են՝ Իրաքում ակտիվորեն գործում են իրանամետ խմբավորումները, իսկ հրթիռային և ԱԹՍ-երի պաշարները համալրվում են ավելի հեռավոր շրջանների ենթակառուցվածքների միջոցով։
#հարափոփոխ_տարածաշրջանը
🆔 @vardan_voskanian

Մոտ մեկ ամիս առաջ Իրանին սպառնացող և դողդոջուն ձեռքերով «երկաթե բռունցք» ցույց տվող Բաքվի բարբարոսական վարչախմբի պարագլուխը հասկացել է, որ այդ պետության հետ «կատակները» պատժվում են։
Այսօր «X» սոցիալական ցանցում Բաքվի բռնապետը գրել է, որ արհեստածին Ադրբեջանը և Իրանը կշարունակեն լինել միմյանց կողքին նաև «դժվարին օրերին»:
Արևելյան այս շողոքորթության ֆոնին հենց նույն այդ բռնապետի քարոզչամեքենան ակտիվորեն շարունակում է առաջ մղել հակաիրանական քարոզչական գիծը, ինչը ցուցիչ է, որ արհեստծին Ադրբեջանում իրականում ոչինչ էլ չի փոխվել։
Կասկած չկա, որ պատերազմի ավարտից հետո Իրանում դեռ հիշելու են իրենց իրական բարեկամներին և թշնամիներին՝ անկախ վերջիններիս նողկալի «քաղցրախոսություններից»:
#հարափոփոխ_տարածաշրջանը
🆔 @vardan_voskanian