Բանտից դուրս գալուց հետո այս մարդու տրանսֆորմացիան ինձ շարունակում է տհաճորեն զարմացնել: Ես Դավիթ Տոնոյանին բարեկամաբար առաջարկում եմ այլևս երբեք հարցազրույցներ չտալ:
Ու այս հարցում էլ մենք շատ ազնիվ ու բաց խոսակցություն պետք է ունենանք: Նախկին իշխանության ներսում եղել են Գագիկ Խաչատրյաններ, Գագիկ Բեգլարյաններ, Սաշիկ Սարգսյաններ ու հայտնի մյուս կերպարները, բայց եղել են նաև մարդիկ, որոնք, վստահաբար, չեն «թալանել» ու մենք այս տարանջատումը ևս պետք է կատարենք: Չեն կարող միլիարդների կարողություն և հարյուրավոր գույքեր ունեցող Գագիկ Խաչատրյանն ու մյուս մեծահարուստները նույն հարթության մեջ դրվել, ինչ օրինակ պրոֆեսիոնալ Արփինե Հովհաննիսյանը, որի կենցաղն իմացող մարդիկ գիտեն, որ նա ունի միայն մեկ բնակարան, ապրել ու ապրում է աշխատավարձով: Էդուարդ Շարմազանովի հետ լրիվ հակառակ տեսակետներն ունեմ թե´ ՀՀԿ-ի, թե՜ իրենց կառավարման տարիների ու վարած քաղաքականության մասով, բայց չեմ կարող ասել, որ նա «թալանչի» է:
Չեն կարող Գագիկ Խաչատրյանն ու սեփական քրտինքով հարստացած Սամվել Կարապետյանը նույն հարթության մեջ դրվել, ուղղակի չեն կարող:
Եթե մարդը չի թալանել, աշխատել է ազնիվ, հարստացել է ազնիվ, մենք իրենց պետք է տարանջատենք այն մարդկանցից, որոնց բոլորս ճանաչում ենք ու գիտենք, որ նրանք այդքան էլ ազնիվ դա չեն արել:
Նախկինում մի մոտեցում կար, որ չխոսենք բանակի մասին ճիշտը, մարդիկ թող հեքիաթներով ապրեն:
Ժամանակն ապացուցեց, որ սա մեծագույն սխալ էր: Պետք է խոսենք, որովհետև միայն խոսելու ու ճիշտը խոսելու արդյունքում մենք կկարողանանք որևէ խնդիր լուծել:
Գաբրիելյան Վիլեն, սա քեզ էլ է ուղղված, հանձնաժողովի նախագահ տղա ես, որը նման հարցերի համար պատասխանատվության հարց բարձրացնողն է։ Զբաղվելու՞ ես լրջորեն նման հարցերով, լուծու՞մ ենք հարցերը, թե՞ նորից մեղավորներ են գտնվելու, մենակ թե մարդկանց բերանները փակվեն։
Իմ աչքի տեսածը․ ինչպես 6 ամսում ամենաբառդակ զորամասը դարձավ ամենակարգապահը, որտեղ ոչ մի միջադեպ այլևս չէր լինում
Մի զորամասում եմ ծառայել, որտեղ շատ դեպքեր էին լինում, ռազբորկաներ, ծեծ, հայհոյանքներ և այլն։ Հերթական դեպքը եղավ զորամասում, որի արդյունքում 4 մահ ունեցանք․ անսարք բեռնատար կամազի կուզովում զորք էին լցրել, ուղարկել մի վայր, ճանապարհին Կամազը շուռ էր եկել ու 4 զինվոր էր մահացել։ Նման բան, որ բեռնատար Կամազի կուզովում զորք լցնեն, միայն խայտառակ բառդակի ժամանակ է հնարավոր, ընդ որում՝ մեղավոր էլ ճանաչեցին Կամազի մահացած վարորդին՝ հրազդանցի Էդոյին։ Բա հո 1-ին կորպուսի հրամանատար Պողոսյան Ժիրայրը չէր դատվելու, ինչպես միշտ զինվորն է մեղավոր։
Այս դեպքից հետո նոր հրամանատար նշանակեցին, ծագումով Արցախից Գաբրիելյան Հովիկը, 6 ամիս եմ ծառայել իր հրամանատարության ներքո ու 6 ամսում զորամասում ՈՉ ՄԻ միջադեպ չեղավ, ամենաբառդակ զորամասը վերածվեց ամենակարգապահ զորամասի։ Մարդը արգելել էր ընդհանրապես հայհոյանք օգտագործել, դա արգելված էր թե՜ զինվորներին, թե՜ սպաներին, զորամասում հաստատեց «ուստավ» ասվածը, երբ ծառայությունը կազմակերպվում է բացառապես օրենքով, այլ ոչ թե «խառոշիներով» ու «պռախոդներով»։ Խոջալուում ծառայածները ևս լավ գիտեն Գաբրիելյանին, նա նաև տանկային բիաթլոնի հաղթող հրամանատարն էր։
Երբ խոսում եմ վատ սպաներից, պետք է ասեմ, որ կան նաև իսկապես լավ սպաներ, որոնք իրենց գործի պրոֆեսիոնալն են ու հենց նման սպաները պետք է առաջխաղացումներ ստանան, այլ ոչ թե քավության նոխազներ դառնան ու դատվեն, ինչպես նույն Գաբրիելյան Հովիկի դեպքում։
Երբ ասում են «լավ սպա», իմ աչքի առաջ գալիս է փոխնգդապետ Գաբրիելյան Հովիկը։ Եթե այս գրառումս կկարդան համապատասխան մարմինները, թող գնան, գտնեն այդ մարդուն ու խնդրեն, որ վերադառնա ծառայության ու այս բառդակի վերջը տա։ Իմ ունեցած ինֆորմացիայով՝ ինքը տևական ժամանակ կալանքի տակ էր ու դատվում էր, որովհետև պատերազմը բառդակի վերածած գեներալիտետի փոխարեն դատարաններում դատվում են միջին օղակի նման կարգին սպաները։
Երբ քննադատում ենք, ասում են՝ «ով էլ լինի, նույնն ա», ես հակառակ մոտեցումն ունեմ․ ով էլ լինի, նույնը չի ու անելու ձևն էլ, տեղն էլ ասում եմ։ Ամեն գործ պետք է անի այդ գործից հասկացողը։
Հ․Գ․ եթե հրամանատարը կկարդա գրառումս, ջերմ ողջույններ իրեն, շատ բան եմ սովորել իրենից։