Author: Vahe Aghajanyan

Զզվելի է տեսնելը, թե ինչպես են գերիներին, նրանց ընտանիքների անդամներին, նրանց էմոցիոնալ վիճակը վերածում քաղաքական միավորներ հավաքելու գործիքների։
Կարմիր գծեր չունեցող ու ամեն ինչում reel նկարելու կոնտենտ փնտրող քաղաքական գործիչները ական են պետության տակ դրված։
Եթե կարճ` գերիներին ու նրանց ընտանիքներին պարզապես պետք է հանգիստ թողնել, իսկ նորմալ պետությունում իր խնդիրը կատարող ազգային անվտանգության ծառայությունը ընդհանրապես այդ մարդկանց դեռ երկար ժամանակ կպահեր հատուկ վերահսկողության տակ ու կարգելեր նրանց հետ որևէ հրապարակային կոնտակտ կամ լուսաբանում։

Եթե դու գտնվում ես որևէ համակարգում, թիմում, կոլեկտիվում, հիերարխիկ կառավարման տրամաբանություն ունեցող որևէ միավորի մեջ, այդ թվում եկեղեցում, դու քո վերադասին երբեք չպետք է հարվածես ու թիկունքից խփես` անգամ եթե նրան չես սիրում կամ անհամաձայն ես նրա հետ։
Սա, բացի նրանից, որ աշխատանքային ու գործնական հարաբերությունների խախտում է, այլև մարդկային անբարոյականության դրսևորում, իսկ նման անբարոներին միշտ օգտագործում են, այնուհետև դուրս շպրտում, որովհետև նրանց ասելու են, որ եթե դու քո տիրոջը դավաճանեցիր, մեզ կդավաճանես ու կդավաճանես։

🎄 Սիրելի ընկերներ և հետևորդներ, քանի որ վաղվանից հանրապետությունում աշխատանքային օրեր են ու երկիրը անցնում է բնականոն հուն, ևս մեկ անգամ ջերմորեն շնորհավորում եմ տոների առթիվ ու արդեն եկած տարում լավագույնը մաղթում Ձեզ ու Ձեր ընտանիքներին։
Երկրում այս տարին կարևոր տարի է, ունենք լրջագույն քաղաքական իրադարձություն ու այդ ամենում այս հարթակը լինելու է Ձեր վստահելի ընկերը ու ուղեկիցը, մենք տալու ենք Ձեզ հավաստի, ստուգված տեղեկատվություն, ճշգրիտ վերլուծություններ, խոսելու ենք շատ բաների մասին, ինչի մասին շատերը չեն համարձակվի խոսել ու նաև թույլ չենք տալու, որ մեր ժողովրդին մոլորեցնեն։
Մի խոսքով, միասին գնում ենք առաջ։ Մեզ հաղթանակի տարի ✊

Մեր շատ քաղաքացիների համար ակտուալ մի հարցից եմ ուզում խոսել։ Հոսանքի բաժանորդ դառնալու համար արդեն քանի տարի է, ինչ ՀԷՑ-ից հսկայական գումարներ են պահանջում մարդկանցից։ Մի քանի մետր տարածության վրա ընդամենը մի հոսանքի լար անցկացնելու համար պահանջում են 400 — 800 հազար դրամ, որպեսզի դարձնեն բաժանորդ։
Ինչի՞ համար, ի՞նչ թվեր են սրանք, ինչպե՞ս են հիմնավորվում այդ աստղաբաշխական թվերը։ Քաղաքականությունը՝ քաղաքականություն, բայց գետնի վրա հարցեր կան, որոնց հետ մեր ժողովուրդը բախվում է ու իսկապես սկսում է հարցեր տալ, թե ինչու՞։
Մարդը ուզում է իր ավտոտնակ հոսանք քաշել կամ իր նորակառույց տան համար հոսանք քաշել ու նրան ՀԷՑ-ը ասում է՝ 800 հազար դրամ։ Ինչի՞ համար։
Լավ, շատ հանգամանքներ հաշվի առնելով, ասում ենք՝ սուս մնանք, չասենք, չխոսենք այս պահին, որ քաղաքական երանգ չտան բարձրաձայնվող թեմային, բայց երբ ՀԷՑ-ը նման պայմաններ է դնում քո առաջ, իսկապես, պետք է բացատրություն տան, թե այդ ի՞նչ գներ են ու ինչպե՞ս են դրանք որոշվել։ Քաղաքացիներից քերթել են այս փողերը, որ Ղազինյան Դավիթը, հիմա էլ Ռոմանոսը 20 միլիոն դրամ աշխատավարձ ստանա՞ն։ Շատ չեք լկստվե՞լ։

Ընդդիմադիր դաշտի մեր հարգարժան գործընկերները պետք է հասկանան, որ երբ իրենք շրջում են 70 հազար, 80 հազար, 100 հազար դոլար արժողությամբ մեքենաներով, դա խնդիր է։ Խնդիր է, որովհետև մարդիկ դա տեսնում են ու իրենց համար կարևոր է դառնում դա, ոչ թե այն «ազգափրկիչ» գաղափարները, որոնցով իրենք հանդես են գալիս։

Առանձին շնորհավորանք եմ հղում քաղաքական դրդապատճառներով բանտում գտնվող մեր հայրենակիցներին։
Ամերիկյան բանտում գտնվող Վարդան Ղուկասյանից մինչև ԿԳԲ-ի պադվալում գտնվող սրբազաններ, Գյումրիի քաղաքապետ Ղուկասյան ու Արմավիր ՔԿՀ-ում գտնվող բլոգերներ Նարեկ Սամսոնյան ու Վազգեն Սաղաթելյան։ Բոլորի անունները չենք կարող թվել, քանակը իսկապես շատ է, թող ներողամիտ լինեն, սակայն անկախ քաղաքական այս կամ այն հարցում տարաձայնություններից, ջերմորեն շնորհավորում եմ ու մաղթում ազատություն, իսկ նրանց ընտանիքներին` ուժ և ամրություն։

Կարապետյան Սամվելը հայկական քաղաքականության մեջ ամենևին էլ նոր դեմք չէ։ Հիմա նա իր դեմքով է հայտ ներկայացրել, բայց Կարապետյանը 2016 թվականից ուղիղ կերպով է մասնակցել քաղաքական գործընթացներին, դրա ամենավառ արտահայտումը եղել է Կարեն Կարապետյանի՝ վարչապետի պաշտոնում նշանակվելը։
Կարապետյան Սամվելը մարդ է, որը անմիջական մասնակցություն է ունեցել 2018-ի գործընթացներին, տեղյակ է, թե ինչ, ինչու ու ինչպես է եղել, տեղյակ է, թե ովքեր և ինչու տապալեցին Կարեն Կարապետյանին։ Եթե ավելի պրիմիտիվացնենք խոսույթը, ապա գիտի, թե «ով է բերել Նիկոլին»։
Բնական է ու տրամաբանական է, որ մարդիկ ակնկալում են, որ Կարապետյան Սամվելը պետք է խոսի նաև այս ամենի մասին ու առկա հարցադրումներին տա պատասխաններ, իսկ նրան շատ հարցեր կան ուղղելու, քանի որ նա շատ բաներից է տեղյակ։
Մարդը նոր է տուն գնացել, կես տարուց ավել կալանքի տակ է եղել, սպասենք տոները անցնեն, բայց հարցերը տրվելու են ու հստակ իմացեք, որ սրբացման գործընթաց չի լինելու, որ որևէ քաղաքական գործչի մասով ինչ-որ արգելք լինի հարցեր ուղղելու, այդ թվում՝ խափանման միջոցի փոփոխման հետ կապված։

«Մեր Ձևով» շարժման որոշ անդամներ ընտրել են հարցադրումներին պատասխանելու փոխարեն այդ հարցադրումները հնչեցնողներին «Նիկոլական» պիտակավորելու ճանապարհը։
Հիասթափեցնեմ․ այդ ճանապարհը տանում է անդունդ, որի մեջ գլորվելու եք դուք, եթե շարունակեք ձեր ընթացքը դրանով։
Այս գրառումը բարի խորհուրդ է «Մեր Ձևով» շարժման պարագլուխներին, որ ձեր կողքին կանգնած մարդկանց զերծ պահեք այս ճանապարհով ընթանալուց, քանի որ եթե հնչում են օբյեկտիվ հարցադրումներ ու դրանց ի պատասխան՝ ձեր կողմից փորձ է արվում այդ հարցերը տվողներին «Նիկոլական» դարձնել, մեր արձագանքն էլ այդ տրամաբանության մեջ է լինելու, ավելին՝ լինելու է անհամաչափ։
Դեռևս այսքանը։ Հուսանք՝ մեր ու արդեն շատ մարդկանց կողմից հնչեցվող հարցադրումները կստանան բովանդակային պատասխաններ։

2026-ը մեր պետության համար վճռորոշ տարի է լինելու։ 2026-ին յուրաքանչյուրս պետք է որոշենք՝ մենք, որ ապրում ենք այս երկրում, այս հողի վրա, անտարբե՞ր ենք այն ամենի նկատմամբ, ինչ կատարվում է մեր շուրջ, մեզ համար միևնու՞յն է մեր երկրի վաղվա օրը, հա՞շտ ենք այն ներքին թշնամանքի, արհեստական բաժանումների հետ, որ այսօր մեզ պարտադրվում է, թե՞ պատրաստ ենք մեր չափով պատասխանատվություն ստանձնել ինչ-որ բան դեպի լավը փոխելու, ավելի լավ երկիր ու համերաշխ ժողովուրդ ունենալու համար։
Հուսով եմ, որ գալիք տարի մենք կտեսնենք այն փոփոխությունը, որը նորից դրականի հույս կարթնացնի մարդկանց մեջ, իսկ որպեսզի դա տեղի ունենա, յուրաքանչյուրս մեր մասով պետք է պատասխանատվություն վերցնենք ու աշխատենք։
Ընկերներիցս մեկը օրերս լավ համեմատություն արեց, այդ համեմատությունը դուրս շատ եկավ, որ երբ մարդ տոքսիկ հարաբերությունների մեջ է լինում, շատ ժամանակ մինչև վերջ չի գիտակցում այդ ամենը ու երբ վերջապես ձերբազատվում է դրանից, ասում է՝ խի կյանքը կարար այսքան հանգիստ ու լավ էլ լինե՞ր։ Իսկապես ցանկանում եմ, որ հաջորդ տարի այս օրերին մենք դա արձանագրենք երկրի մասշտաբով, որ այո, մեր երկրում ամեն ինչ կարող է հանգիստ, լավ, դրական, առանց ներքին թշնամանքի, ինտրիգների ու պառակտման լինել։ Գոնե ես իմ մասով դրա համար ամեն ինչ անելու եմ, ես այդ պատասխանատվությունը պատրաստ եմ վերցնել։
Գալիք տարում լավագույնը ձեզ, ձեր ընտանիքներին, մեր պետությանը ու ժողովրդին։

Ասում են՝ կյանքը շարունակվում է, դուք չեք պարու՞մ, քեֆ չեք անու՞մ։
Երբ ես գիշերը իմ գլուխը դնում եմ բարձին, Աստծո հետ միայնակ չեմ մնում իմ այն մեղքի առաջ, որ մի ամբողջ սերունդ եմ կոտորել՝ «հանուն ոչնչի», Աստծո հետ միայնակ չեմ մնում իմ այն մեղքի առաջ, որ իմ պատճառով հազարամյակներով հայերով բնակեցված հողերը հայաթափվել են։
Ի վերջո, ես պարտության խորհրդանիշ չեմ, իմ առաջնորդած բանակը չի ջախջախվել, ես ինձ վրա նման պատասխանատվություն չեմ կրում, ինձ ոչ ոք, առավել ևս՝ թշնամին, չի նվաստացրել, իմ տղամարդկային արժանապատվությունը չի ոտնահարել, չի ծաղրել։
Ինչ վերաբերվում է իմ անձին, ես ՇԱՏ մարդկանց, որոնց անունները հիմա այսպես չեմ տա, բայց դուք նրանց շատ լավ եք ճանաչում, իրենց աչքերի մեջ նայելով եմ ասել, որ իրենք պետք է ինքնասպան լինեին ու հիմա մարդկանց աչքին ընդհանրապես չպետք է երևան։ Նրանք գոնե այդպես էլ անում են, մարդկանց աչքին չեն երևում, ինքնասպան լինելու տղամարդկություն, իհարկե, չունեն։ Նիկոլին դա դեռ չեմ ասել, իրեն տեսնելու առիթ չեմ ունեցել, առաջին իսկ հնարավորության դեպքում իրեն էլ կասեմ՝ աչքերի մեջ նայելով։
Կյանքը շարունակվում է, պարելու էլ ենք, քեֆ էլ ենք անելու, բայց երբեք չպետք է մոռանանք, որ ամեն մեկս մեր մեղքերի համար Աստծո առաջ ուշ թե ուշ պատասխան ենք տալու ու մեր կյանքը պետք է ապրենք այնպես, որ ոչ մարդկանց անեծքին արժանանք, ոչ էլ Աստծո դատաստանին !!!