Author: Vahe Aghajanyan

Պետք չէր այս երկիրը կառավարել այնպես, որ այսօր, երբ գյուղացին տեսնում է, որ իր տան բակը ասֆալտ են անում, դրանից այն կողմ այլևս նրան որևէ բան չի հետաքրքրում, նա դա համարում է շատ մեծ գործ։
Երբ մենք ասում ենք, որ Նիկոլ Փաշինյան անուն-ազգանունը պատճառ չէ, այլ հետևանք, հենց սա նկատի ունենք, որ երկրում ստեղծված իրավիճակը ու դեգրադացիան նման մարդուն հնարավորություն տվեցին անել այն, ինչ արեց ու շարունակում է անել։

Հեռու չի այն օրը, երբ 300 հազար ադրբեջանցիների Հայաստան, այսպես կոչված, վերադարձի դեմ արտահայտվողները Բաքվի պահանջով պարզապես կկալանավորվեն…
Ընդ որում` այդ կալանավորումները կողջունվեն նաև շատ հայերի կողմից։

Քանի՞ նախկին ու հարգված զինվորական գիտեք, որ դիրքորոշում են հայտնել եկեղեցու շուրջ տեղի ունեցող սրբապղծության վերաբերյալ։
Քանի՞ նման զինվորական է օրհնություն ստացել հենց նույն Վեհափառից։
Կյանքը, ցավոք, հիասթափությունը հիասթափության վրայից է բերում, բայց դրան ևս պետք է դրական աչքով նայել, որովհետև շատ մարդկանց մասին էլ, որ ժամանակին վատ կարծիք ես ունեցել, այսօր իրենց այնպես սկզբունքային ու գաղափարական են պահում, որ միայն հարգանքի է դա արժանի։

Այն իշխանությունը, որը առավելագույնս սահմանափակում է կանխիկ գումարի շրջանառությունը, անգամ թոշակառուներին է ստիպում թոշակ ստանալ ու առևտուր անել բանկային քարտերով, այսօր որոշում է ընդունում, որով ոչ միայն չի սահմանափակում կանխիկի շրջանառությունը կրիպտոարժույթների պարագայում, այլև թույլ է տալիս, որ ևս 2 տարի այս ոլորտում կանխիկ շրջանառվի։
Առնվազն հարցեր են առաջանում, թե ինչու՞ է կոնկրետ ոլորտի համար թույլ տրվում կանխիկի շրջանառություն, հետևաբար ստվերի պահպանում, իսկ կոնկրետ ոլորտը ամենևին էլ պատահական ոլորտ չէ, քանի որ այսօր թմրանյութերի վաճառքները իրականացվում են հենց կրիպտոարժույթներով։
Կարո՞ղ ենք ենթադրել, որ իշխանության ներսում կան մարդիկ, որոնք թաթախված են կոնկրետ սխեմաների մեջ ու նրանց շահերից է բխում, որ այս ոլորտում ամեն ինչ շարունակվի կանխիկ, ուստի, անվերահսկելի և անտեսանելի լինել, ի՞նչ գումարներ են գալու կրիպտոարժույթներով և որտեղի՞ց են գալու, որոնք անհրաժեշտ է պահել ստվերում։ Ինչու՞ է արվում մի բան, որը անհնար է դարձնում բացահայտել թմրանյութերի շրջանառության ու իրացման ամբողջ շղթան։
Եթե թոշակառուի 50-60 հազար դրամ թոշակն են պարտադրում ստանալ անկանխիկ, ապա ինչու՞ է մի ոլորտի թույլ տրվում ու խրախուսվում կանխիկը, որտեղ խոսքը ոչ թե 50-60 հազար դրամի, այլ միլիոնավոր դոլարների մասին է, միլիոնավոր դոլարների, որոնց մեջ է մտնում նաև թմրանյութերի շրջանառության գումարները։
Նաև զարմացած եմ, որ ԱԺ-ում մեր ընդդիմադիր գործընկերները ներկա չէին այս նախագծի քննարկմանը ու այս հարցերը չբարձրացրեցին, իսկ սրանք չափազանց լուրջ հարցեր են։

Այսօր երեկոյան հրապարակային կերպով կդիմեմ մեր սիրելի Նազիկ Ավդալյանին։
Հույս ունեմ, որ մինչև երեկո Նազիկ Ավդալյանը կհերքի ՔՊ-ի ցուցակում լինելու մասին տեղեկությունը ու նրան դիմելու կարիք չի լինի։

🌐 Սիրելի հետևորդներ, ալիքի հիմնադրումից շուրջ 5 տարի անց որոշեցինք փոխել մեր հին ու բարի լոգոն և ներկայանալ «նոր շնչով», ավելի ժամանակակից ու գեղեցիկ դիզայնով։ Հուսով ենք՝ կհավանեք նոր լոգոն 🙂
Ի դեպ, ալիքին ձեռագիր հաղորդող մի շարք հետաքրքիր բաներ այս պահին մշակման փուլում են, շուտով դրանք ևս կներկայացնենք։
Տեղեկացնենք նաև, որ առաջիկայում հնարավորություն կստեղծենք մեր հետևորդների համար, ցանկության պարագայում, աջակցություն ցույց տալ հարթակին, նպաստել դրա զարգացմանը և լսարանի ընդլայնմանը։
🤝 Բաց ենք նաև բիզնեսի հետ համագործակցության համար՝ գովազդային ձևաչափով։ Քանի որ չունենք որևէ ֆինանսավորում և «տեր», սակայն ունենք շատ ամբիցիոզ պլաններ, նման ձևաչափով համագործակցությունը կնպաստի հարթակի արագ զարգացմանը, կմեծացնի մեր ներկայությունը այլ հարթակներում, ինչպես նաև հնարավորություն կտա ստեղծել այլ պրոդուկտներ՝ podcast-ներ, լուսաբանումներ, հարցազրույցներ և այլն։ Եթե կան բիզնեսներ, որոնք կունենան ցանկություն դառնալ ալիքի հովանավոր և գործընկեր, կոնտակտային տվյալները առկա են bio-ում։
Սիրով՝ Ձեր «Գեոպոլիտիկա» 🙂

Ժողովուրդը սկսել է մեղավորներ փնտրել․ բումերանգը վերադառնում է Փաշինյանին
Աննա Հակոբյանը, Հայկ Կոնջորյանը և մյուս ՔՊ-ականները շարունակ կարող են հերքել իրենց վերագրվող գույքերի կամ փողերի մասին տարածվող տեղեկությունները, Սրբուհի Գալյանը կարող է շարունակել համարել, որ իր համար 200 հազար դոլարանոց տունը ի՞նչ է, որ նա չունենա, սակայն տեղի ունեցողը ոչ Աննա Հակոբյանի, ոչ Հայկ Կոնջորյանի, ոչ էլ Սրբուհի Գալյանի մասին է, տեղի ունեցողը շատ ավելի խորքային ու հոգեբանական խնդրի մասին է, խնդիր, որը նման է թափանիվի, որը հնարավոր չի լինելու կանգնեցնել։
Այս ամենում ամենակարևորը, ըստ իս, հետևյալն է․ մարդիկ, այդ թվում ու ամենաշատը՝ իրենց իշխանության հետ հույսեր կապած մարդիկ հասկացել են, որ «թալանը», որը խոստացվել էր բաժանել ժողովրդին, 8 տարի անց այդպես էլ չբաժանվեց, չկան նաև «թալանչիները», սակայն իրենց կյանքում դրանից ոչինչ էլ չփոխվեց, կյանքը չի լավանում, աշխատավարձը չի բարձրանում, գները աճում են, սառնարանը լիքը չէ, սակայն նույն մարդիկ, որոնց կյանքում ոչինչ չփոխվեց, դեռ մի բան էլ՝ վատացավ, այսօր տեսնում են, որ 2018-ից առաջ որևէ տեղ չաշխատած, ոչինչ չունեցող, «պարտքով պիվա խմող» մարդիկ այսօր գնում են մի քանի հարյուր հազար դոլարանոց տներ, վարում են տասնյակ հազար դոլարանոց մեքենաներ, ապրում են շքեղ կյանք։
Մարդիկ միշտ քավության նոխազներ են փնտրում ու եթե ընդդիմադիր Նիկոլ Փաշինյանին հաջողվել էր համոզել, որ մարդիկ լավ չեն ապրում, քանի որ կան պայմանական «Սաշիկներ», որոնք «թալանում» են երկիրը, ապա այժմ մարդկանց համար այդ քավության նոխազները աստիճանաբար դառնում են այս իշխանության պայմանական «Սաշիկները»։ Տեղի է ունենում «արթնացման» ինչ-որ գործընթաց, երբ մարդիկ հասկանում են, որ իրենց այսքան տարի մոլորեցրել են «նախկիններով» ու «թալանով» ու այժմ «արթնացած» ժողովուրդը կրկին սկսում է մեղավորներ նշանակել իր վատ ապրելու համար։ Արդյո՞ք չի եղել թալանը, իհարկե եղել է, սակայն այն չվերադարձվեց ու թալանչիներից շատերը այժմ Սերժի նկարի փոխարեն փակցրել են Նիկոլի նկարը ու կանգնած են հենց այս իշխանության շարքերում, գյուղապետից մինչև օլիգարխ, և մարդիկ դա տեսնում են։
Այսպիսով, բումերանգը վերադառնում է Փաշինյանին․ ժողովուրդը սկսել է փնտրել մեղավորներ ու այդ մեղավորներին տեսնում է Փաշինյանի ու իր թիմակիցների դեմքերով։

Ընդդիմադիր ամենատարբեր շրջանակների հետ շփումները բերել են մի եզրակացության, որ շատ դեպքերում իրենք ուղղակի կտրված են իրականությունից ու դրան նպաստել է իրենց քծնող շրջապատը, բացարձակ չեն զգում ընդհանուր դաշտը ու հանրության տրամադրությունները։
Վիզ դնողներ չկան, թիմերի ներսում մարդկանց հետաքրքրում է մանդատ կպցնելը, հով լռվելը, պաթոսով ելույթ ունենալը, ոչ ավելին։ Ամբողջ աշխատանքը թողնում են լիդերի վրա։
Ընդդիմության գլխավոր խնդիրներից մեկը վիզ դնողների պակասն է, ուղղակի չկան, ամեն մեկը ունի ինչ-որ կոմֆորտ զոնա ու հարմարված է դրա հետ մի քիչ ավել, մի քիչ պակաս։
Ընդդիմության գլխավոր խնդիրներից երկրորդը որոշումների դանդաղ կայացումն է, չափազանց դանդաղ զատիկից հետո կարմիր ձվի տրամաբանությամբ։
Մյուս կողմում ունենք հանրության տրամադրությունները լավագույնս զգող, չափազանց աշխատասեր, հետևողական ու արագ կողմնորոշվող Փաշինյան։ Սա Փաշինյանի գովքը չէ, սա արձանագրում է, որ իրեն հաղթելու համար գոնե իր չափ պետք է վիզ դնես ու աշխատես։