Author: Vahe Aghajanyan

‼️ ‼️ «Հայաստան» դաշինքից Արթուր Խաչատրյանը պահանջկոտ հայացքով հարց է տալիս, թե «մանդատ մի վերցրեք» ասողներից քանի՞սն էր ԿԸՀ-ի առաջ, երբ ԿԸՀ-ն ընտրությունների արդյունքների վերաբերյալ որոշում պետք է կայացներ:
Մեկը ԵՍ այնտեղ էի, պարոն Խաչատրյան, ԵՍ այնտեղ էի, բայց լինելով այնտեղ` շատ քիչ մարդկանց եմ տեսել ձեր իսկ ցուցակից:
Ոնց որ արդեն շատ եք մուննաթ գալիս մարդկանց վրա: Ոչ մի լավ տեղ դա ձեզ չի տանելու:
Ես հորդորում եմ ընդդիմությանը վերանայել իր պահվածքը: Երկրորդ նախագահի նկատմամբ ունեցած հարգանքը շատ մեծ դեր է խաղացել ու շարունակում է ունենալ, բայց հավերժ չենք կարող լսել մուննաթ` ուղղված մեզ:

Ես դեմ եմ, որ մեր երկրում բռնությամբ, ծեծելով ու բեսպրեդելով հարցեր լուծվեն, բայց դեմ եմ նաև մարդկանց հայհոյելուն, առավել ևս` ընտանիքներ մտնելուն ու այդ ամենին իրավապահների կողմից գնահատական չարժանացնելուն:
Մեր երկրում իրավապահ համակարգն իր խնդիրը չի կատարում, մենք ամեն օր տեսնում ենք ռազբորկաները, կրակոցներն ու դանակահարությունները, որոնց վերջ չկա, երկրում կան «յուրայիններ», որոնց փաստացի թույլատրված է ամեն ինչ ու կան «օտարներ», և սև-սպիտակ այս բաժանումը թշնամանքը միայն խորացնելու է երկրի ներսում:
Այս իրավիճակն ունի կոնկրետ մեղավոր ու պատասխանատու ու դա քաղաքական իշխանությունն է: Ուժային կառույցները պետք է կատարեն իրենց պարտականությունները, դատախազության, քննչական կոմիտեի, դատական համակարգի համար ԲՈԼՈՐԸ պետք է լինեն հավասար ու պաշտպանված օրենքի ուժով, այլ ոչ թե օրենքը ընդդիմադիր հայացքներ ունեցողի համար մեկնաբանվի մի կերպ, իշխանության աջակցի համար` լրիվ այլ կերպ:

Հայաստանի տնտեսության վիճակի, հնարավոր ռիսկերի ու այդ ռիսկերը կառավարելուն պատրաստ լինել — չլինելու մասին իրատեսական` քաղաքական գնահատականներից դուրս ասելիք այսօր լսեցի ԿԲ նախագահ Մարտին Գալստյանից:
Ակնհայտ է, որ մարդը, լինելով պրոֆեսիոնալ, տնտեսությանը, դրա կառուցվածքին, շուկաներին, փողի շարժին տիրապետում է ու ասում է այն, ինչ կա, այլ ոչ թե այն, ինչը մարդկանց ականջին հաճո կլինի:
Ի դեպ, ԿԲ-ի կանխատեսումներն ինձ համար ամենահավաստին են, որովհետև վերջին տարիներին այդ կանխատեսումները մեծամասամբ ճշգրիտ են դուրս եկել:
https://youtu.be/BkadFg5BbEg?si=IoD5Ds5rXg61izx8

Ո՞րը պետք է լինի «Հայաստան» դաշինքի անելիքն այս պահին
«Հայաստան» դաշինքի երրորդ համար Աննա Գրիգորյանն այսօր երկու հարցազրույց է տվել, որոնցից երկուսում էլ նշել է, որ Նիկոլ Փաշինյանը չի ուզում, որ իրենք վերցնեն մանդատները։ Իհարկե, մի քիչ անհամաձայն եմ Աննա Գրիգորյանի այս մտքի հետ, քանի որ Փաշինյանի համար քաղաքական անորոշություն կսկսվեր, եթե ընդդիմադիրները չվերցնեին մանդատները ու դա իր համար մի շարք խնդիրներ կստեղծեր, այդ թվում՝ լեգիտիմության հետ կապված, քանի որ ընդդիմության՝ ԱԺ գնալը այս կամ այն կերպ նշանակելու է, որ իշխանություն — ընդդիմություն տիրույթում հաստատվում է որոշակի «ստատուս քվո» վիճակ, իսկ նման «ստատուս քվոն» Փաշինյանին ապահովում է կանխատեսելիություն գոնե ներքաղաքական դաշտում։ Ընդհանրապես, Նիկոլ Փաշինյանի համար իդեալական տարբերակ կլիներ, եթե «Հայաստան» դաշինքը շեմը չհաղթահարեր ու ԱԺ գնային «Ուժեղ Հայաստանն» ու ԲՀԿ-ն, նա վերջապես կազատվեր Քոչարյանից, որը անգամ 10 տոկոսով, բայց շարունակում է կանգնած մնալ իր կոկորդին։
Այնուամենայնիվ, արդեն պարզ է, որ եթե անգամ «Հայաստան» դաշինքը չվերցներ մանդատները, «Ուժեղ Հայաստանում» որոշում ունեն գնալ ԱԺ, ուստի, այժմ անհրաժեշտ է խոսել անելիքների մասին՝ հաշվի առնելով հենց այն հանգամանքը, որ ընդդիմությունը վերցնում է մանդատները։
▪️«Հայաստան» դաշինքը պետք է նախաձեռնի հրապարակային գործընթաց ու դաշինքի բոլոր անդամները, որոնք կգնան ԱԺ, պետք է հրապարակային կերպով ժողովրդին խոստանան, որ բացառում են ինչ-որ փուլում ՔՊ-ին միանալը ու Փաշինյանի համար սահմանադրական մեծամասնություն ապահովելը։ Հստակ պետք է շեշտվի, որ խմբակցության հետ անհամաձայնության դեպքում իրենք պարտավորվում են վայր դնել մանդատը, այլ ոչ թե դառնալ անկախ պատգամավոր։ Ժողովրդական լեզվով ասած՝ պետք է մտնեն «քֆուրի տակ» ու խոստանան, որ «գեղամնազարյան» չեն դառնա։
▪️«Հայաստան» դաշինքը նման քայլով կսահմանի ստանդարտ, որ մյուս ընդդիմադիր ուժը՝ «Ուժեղ Հայաստանը», ևս իրականացնի նման հրապարակային գործընթաց, որովհետև եթե «Հայաստան» դաշինքն արդեն փորձված կազմ է մտցնում ԱԺ, մյուս ուժի դեպքում կան բավականին ռիսկեր, ուստի, այս իրավիճակում «Հայաստան» դաշինքը, հաշվի առնելով սեփական փորձառությունը, պետք է ստեղծի ռիսկերը կառավարելու մեխանիզմներ բոլոր պատգամավորների գործողությունների համար։
▪️Մյուս կարևոր քայլը, որը ըստ իս՝ պետք է անի «Հայաստան» դաշինքն ու, մասնավորապես, Ռոբերտ Քոչարյանը, դա ԱԺ մտցնելն է այնպիսի կազմ, որը քաղաքական առումով կլինի ամենամարտունակը։ Սա նշանակում է, որ այժմ անցողիկ տեղերում կան մարդիկ, որոնց հայտնվելը ԱԺ-ում երկարաժամկետ քաղաքական պայքարի կտրվածքով համարում եմ սխալ։ Անցողիկ տեղերից դուրս՝ մի քիչ ավելի վերև հորիզոնականներում կան մարդիկ, որոնք ԱԺ-ում լուրջ խնդիրներ կկարողանան ստեղծել Փաշինյանի ու ՔՊ-ի համար։ Սիրում եմ խոսել անուններով․ այդ մարդկանցից մեկը Բորիս Մուրազին է, որը նախընտրական փուլում չի եղել մի բանավեճ, որում չոչնչացնի իշխանության ցանկացած ներկայացուցչի։
▪️Վերլուծել դաշինքի 5 տարվա աշխատանքն ԱԺ-ում ու չկրկնել սխալները, փոխել մոտեցումներ, գտնել նոր՝ ավելի արդյունավետ աշխատելաոճ։ Կներեք, բայց «թուրք-դավաճան» տրամաբանությունը չի աշխատում, իսկ պաթոսով ելույթները սկսել են մարդկանց վանել։ Պատերազմից հետո Փաշինյանը երկրորդ անգամ է բոլոր ուժերի մեջ ստանում ամենաշատ քվեն, ինչը նշանակում է, որ կան թեմաներ, որոնք այլևս ակտուալ չեն ու մարդկանց հետաքրքիր չեն՝ որքան էլ ցավալի լինի դա արձանագրելը։ Հանուն արդարության՝ քարոզարշավի ընթացքում «Հայաստան» դաշինքը ցույց տվեց, որ պատրաստ է նման քաղաքական տրանսֆորմացիայի։
▪️«Ժամանակ չկա» մոտեցումը չի աշխատում։ Ժամանակ կա ու պետք է ունենալ պայքարի երկարաժամկետ ռազմավարություն՝ ամենատարբեր սցենարներով։

Ալիկի հետ ինձանից շատ երևի ոչ մեկ չի վիճել, չի զանգել կամ գնացել տեսել ու մուննաթով ասել, որ «ընգեր, էս ի՞նչ եք անում», «սա սխալ ա», «սենց բան պետք չի անել», «էս մարդուն պետք չի վերցնել, խնդիր ա լինելու» ու շատ այլ նման բաներ։
Ալիկն արդեն 10 օրից ավել կալանքի տակ է, մեղադրանքը անհիմն է, վստահ եմ, որ շատ կարճ ժամանակ անց գործը կփլվի, ինքն էլ ազատ կարձակվի, տվյալ պահին ուղղակի իրեն պետք էր հանել պրոցեսներից, հանեցին։
Սիրտս ցավում է Ալիկի ու իր պես էլի մարդիկ կան «Ուժեղ Հայաստանից», քիչ, բայց կան, որ ազնիվ պայքարի մեջ էին, էս երկրին նվիրված մարդիկ են։ Ալիկն իմ ընկերն է, ես հո գիտեմ, որ ինքն իրենից կախված մաքսիմալից մի բան էլ ավել էր անում, որ լավ լինի ամեն ինչ։
Ազատություն Ալիկին ու քաղաքական դրդապատճառներով կալանավորված մյուս բոլոր մարդկանց։

📌 Ինչ ՉԻ ԿԱՐԵԼԻ անել հիմա
Ա. Տարածել հիասթափություն` «ամեն ինչ ավարտված է» ոճի մեջ: Եթե որևէ քաղաքական կամ հանրային գործիչ ձախողումից հետո իրեն նման կերպ է պահում, նա ասելիք ու անելիք չունի քաղաքականության մեջ:
Բ. Տարանջատել ժողովրդին ըստ կատարած ընտրության, առավել ևս` վիրավորել: Դրա փոխարեն պետք է ավելի լավ ճանաչել ու զգալ այդ ժողովրդին` իր բոլոր շերտերով:
Գ. Նիկոլին համարել անպարտելի: Նա անպարտելի չէ ու այո, հենց այս ընտրություններում ես զգացել եմ, որ նրան հնարավոր է հաղթել:
Դ. Մարդկանց հիասթափեցնել ընտրություններից: Մենք ունեցել ենք բարձր մասնակցություն ու դա միայն ողջունելի է: Քաղաքացին պետք է գնա ընտրության:
Ձախողումից հետո էմոցիաները չպետք է կուրացնեն մեզ ու ստիպեն անել քայլեր, որ չի կարելի անել: Ոչ մի բան ավարտված չէ ու քաղաքականությունը հենց համառ պայքարի ու չկոտրվելու մասին է:
Մի քանի օր դադար տանք, համ վերջնական պատկերը հասկանանք, համ ֆիզիկապես վերականգնվենք այս ծանր ընտրական շրջանից հետո ու շարունակենք մեր աշխատանքը հանուն լավ երկիր ունենալու մեր ու մեր երեխաների համար:
@armgeopolitic