Author: Vahe Aghajanyan

Այսօր վերջին հրաժեշտը տվեցին Վալոդյա Գրիգորյանին։ Մարդ, համայնքապետ, որը վայելում էր սեր ու հարգանք։
Աստված թող լույսերի մեջ պահի Վալոդյայի հոգին, իսկ ընտանիքին ու հարազատներին` ուժ և ամրություն։ Շատ եմ ցավում, մեծ կորուստ է 🙏

Օրեր առաջ «Մեր ձևով» շարժման այս պահին փաստացի առաջնորդ Նարեկ Կարապետյանը հայտարարել էր, որ Նիկոլ Փաշինյանը փչացրել է հարաբերությունները Վրաստանի վարչապետ Իրակլի Կոբախիձեի հետ։
Այսօր Կոբախիձեի ծննդյան օրն է, ինչի առթիվ Փաշինյանը առավոտյան շնորհավորական ուղերձ է հղել, սակայն Կարապետյանի բարձրացրած հարցը շարունակում է մնալ օդում կախված․ ի՞նչ վիճակում են այս պահին Փաշինյան — Կոբախիձե հարաբերությունները։ Այն, որ վերջին շրջանում Փաշինյան — Կոբախիձե շփումներ չկային, դա նկատելի էր։
Եթե Նարեկ Կարապետյանը տիրապետում է ինֆորմացիային, որ այդ հարաբերությունները այժմ «փչացած» են ու «փչացնողն» էլ Փաշինյանն է, ապա վստահաբար նա նաև գիտի պատճառը։ Արդյո՞ք դա կապ ունի ճանապարհների ապաշրջափակման հետ, թե՞ կա որևէ այլ հարց։
Ես հավատում եմ Նարեկ Կարապետյանի խոսքին, քանի որ նրան ճանաչում եմ որպես մարդու, որը երբեք սխալ ինֆորմացիայի մասին չէր խոսի, սակայն քանի որ հարցը վերաբերում է Հայաստան — Վրաստան հարաբերություններին, կարծում եմ՝ Կարապետյանը պետք է էլ ավելի բացի փակագծերը ու ներկայացնի, թե ինչ է կատարվել։

Հստակ է, որ մենք պետք է այս ընթացքը կասեցնենք, մենք սխալ ճանապարհի վրա ենք ու դա պետք է ավարտվի։ Յուրաքանրյուրս մեր ուժերի չափով պետք է անձնական պատասխանատվություն վերցնենք երկիրը այս ողբերգական վիճակից հանելու հարցում։

Եկել է քաղաքական պատասխանատվության ժամանակը. Նիկոլ Փաշինյան, այս անհասկանալի երևույթը, որին դրել ես ՆԳ նախարարի աթոռին, պետք է վռնդվի պաշտոնից։
Նիկոլ Փաշինյան, ոստիկանության անգործության ՈՒՂԻՂ պատասխանատուն ԴՈՒ ես, երկրում տիրող քաոսի ՈՒՂԻՂ պատասխանատուն ԴՈՒ ես։

Աուտիզմը և երեխաների մոտ տոկոսային առումով դրա աննորմալ աճը միշտ եղել են ԱՄՆ նախագահ Դոնալդ Թրամփի ուշադրության կենտրոնում։ Նախագահի պաշտոնում վերընտրվելուց հետո նա հանձնարարել էր առողջապահության նախարարին հետաքննություն իրականացնել և պարզել, թե ինչով է պայմանավորված ԱՄՆ-ում վերջին 20 տարում երեխաների մոտ աուտիզմի 400 տոկոսանոց աճը (այժմ ԱՄՆ-ում ամեն 31 երեխայից 1-ի մոտ կա աուտիզմ)։
Թրամփը և առողջապահության նախարար Քենեդին համատեղ ասուլիսով են հանդես եկել և նշել, որ կան նախնական տվյալներ, որ աուտիզմի աճը կապված է հղիության ընթացքում որոշ դեղորայքների օգտագործման հետ, որոնք նշանակվում են հղիներին։ Թրամփը նաև հանձնարարել է պարզել, թե արդյո՞ք այն պատվաստումները, որոնք կատարվում են երեխաներին, կարող են նրանց մոտ աուտիզմ առաջացնել։
Ես բժիշկ չեմ, իմ գիտելիքները այս թեմայով ինձ թույլ չեն տալիս մեկնաբանել այս ամենը, ես պաշտոնական հղումները դնում եմ ներքևում, այնտեղ կա թե՜ Թրամփի, թե՜ Քենեդու խոսքը, կան նաև այն դեղորայքները, որոնց մասին խոսքը գնում է։ Քանի որ Թրամփը պարբերաբար անդրադառնում է այս խնդրին, հետագա նորությունների դեպքում ևս դրա մասին ես հրապարակում կկատարեմ։
https://www.hhs.gov/press-room/hhs-trump-kennedy-autism-initiatives-leucovorin-tylenol-research-2025.html
https://www.youtube.com/live/F_ylNGIwaf0?si=A12NjjJhpS_gaJU8