Category: Aravot

⚖️ Սերժ Սարգսյանի գործով դատարանը թույլ տվեց նիստերն անցկացնել առանց նրա մասնակցության
Հակակոռուպցիոն դատարանը բավարարել է Սերժ Սարգսյանի պաշտպանների միջնորդությունը, և նրա գործով հետագա դատական նիստերը կշարունակվեն առանց երրորդ նախագահի մասնակցության։ Դատարանը նույն որոշումն է կայացրել նաև «Ֆլեշ» ընկերության սեփականատեր Բարսեղ Բեգլարյանի վերաբերյալ։
Այսօրվա նիստում դատարանն արդեն անցել է գործի հիմնական դատալսումներին, իսկ մեղադրող կողմը ներկայացրել է իր բացման խոսքը։
⁠aravot.am | @aravot

🗣️ «2015-ի քաղաքական պայքարը չի կարելի համեմատել այսօր Գագիկ Ծառուկյանի շուրջ տեղի ունեցողի հետ»․ Էդուարդ Շարմազանով
Դատարանի մոտ լրագրողների հետ զրույցում ՀՀԿ գործադիր մարմնի անդամ Էդուարդ Շարմազանովն ասել է, որ 2015 թվականի ՀՀԿ–Ծառուկյան քաղաքական հակամարտությունը չի կարելի նույնացնել այսօրվա իրադարձությունների հետ։ Նրա խոսքով՝ այն ժամանակ եղել են քաղաքական բանավեճեր, սակայն «կարմիր գծեր չեն հատվել»։
Շարմազանովը նաև նշել է, որ Գագիկ Ծառուկյանի շուրջ ընթացող գործընթացները քաղաքական բնույթ ունեն։
⁠aravot.am | @aravot

🇺🇸 ԱՄՆ Պետդեպարտամենտը՝ TRIPP-ի մասին․ սահմանային և մաքսային վերահսկողությունը մնում է Հայաստանի ձեռքում
ԱՄՆ Պետդեպարտամենտը հայտարարել է, որ TRIPP երթուղու շրջանակում սահմանային անվտանգության և մաքսային բոլոր գործառույթները մնում են Հայաստանի վերահսկողության ներքո։
Պետդեպի պարզաբանմամբ՝ TRIPP-ը պահպանում է Հայաստանի ինքնիշխանությունը, տարածքային ամբողջականությունն ու իրավազորությունը, իսկ վերահսկողությունն ու առանցքային որոշումները կայացնում են Հայաստանի իշխանությունները։
⁠aravot.am | @aravot

#հարցազրույց
🗳️ «Հայաստանում ընտրությունների միջոցով իշխանափոխություն երբևէ չի եղել»․ Արմեն Բաղդասարյան
Քաղաքական մեկնաբան Արմեն Բաղդասարյանի գնահատմամբ՝ հունիսի 7-ի ընտրություններից հետո իշխանության լեգիտիմությունն ավելի խոցելի է դարձել։
Նրա խոսքով՝ ընտրարշավը հիմնված էր վախի մթնոլորտի վրա, իսկ ընտրությունների արդյունքները, իր համոզմամբ, ամբողջությամբ չեն արտացոլում հանրային իրական տրամադրությունները։
⁠aravot.am | @aravot

🗣️ «Ծառուկյանի գործը Փաշինյանի անձնական վախերի հետևանք է»․ Լևոն Զուրաբյան
ՀԱԿ փոխնախագահ Լևոն Զուրաբյանը հայտարարել է, որ Գագիկ Ծառուկյանի նկատմամբ իրականացվող գործողությունները քաղաքական կամ իրավական նպատակ չեն հետապնդում, այլ, իր գնահատմամբ, պայմանավորված են Նիկոլ Փաշինյանի անձնական վախերով։
Զուրաբյանի խոսքով՝ այս իրավիճակը վկայում է երկրում ժողովրդավարական ազատությունների սահմանափակման վտանգի մասին։
⁠aravot.am | @aravot

#հարցազրույց
🏠 «Արցախցիների բնակարանային ծրագրի պայմանները վերանայման կարիք ունեն»․ Նժդեհ Իսկանդարյան
Արցախի պետնախարար Նժդեհ Իսկանդարյանը հայտարարել է, որ թեև արցախցիների բնակարանային ծրագրի համար նոր ֆինանսավորման ներգրավումը դրական քայլ է, սակայն ծրագրի գործող չափորոշիչները թույլ չեն տալիս բազմաթիվ ընտանիքների օգտվել աջակցությունից։
Նրա խոսքով՝ 6125 ընտանիքից միայն 2835-ն է կարողացել իրացնել բնակարանի հավաստագիրը, ինչը վկայում է, որ ծրագրում կան լուրջ խոչընդոտներ և այն վերանայելու անհրաժեշտություն։
⁠aravot.am | @aravot

⚠️ «Ալիևին խաղաղության պայմանագիր պետք չէ»․ Լևոն Զուրաբյան
ՀԱԿ փոխնախագահ Լևոն Զուրաբյանը հայտարարել է, որ Ադրբեջանի նպատակը խաղաղության պայմանագիր ստորագրելը չէ։ Նրա խոսքով՝ Ալիևը պահպանում է ուժի կիրառման հնարավորությունը և ապագայում «Զանգեզուրի հարցը» ռազմական ճանապարհով լուծելու հաշվարկ ունի։
Զուրաբյանի գնահատմամբ՝ Հայաստանի և Ադրբեջանի միջև այսօր իրական խաղաղություն չկա, իսկ սահմանին հրադադարը դեռ չի նշանակում խաղաղության հաստատում։
⁠aravot.am | @aravot

#Մշակույթ
🎼 Մեկնարկել է «ԿապանՖեստ 2026» միջազգային երաժշտական փառատոնը
Հուլիսի 4-ից Կապանում մեկնարկել է «ԿապանՖեստ 2026» միջազգային երաժշտական փառատոնը, որը համախմբում է անվանի արտիստների և երիտասարդ երաժիշտների։
Այս տարի «Կապան Ֆեստ Ակադեմիային» միացել է 55 երիտասարդ տաղանդ, իսկ փառատոնի եզրափակիչը կազդարարվի «Վիեննական երեկո Կապանում» հատուկ ծրագրով։
⁠aravot.am | @aravot

🗣 «Գող՝ սիրտը դող»․ ինչո՞ւ է Ալիեւը Շուշիից պարբերաբար հայտարարություններ անում
Արցախի ԱԺ պատգամավոր Վահրամ Բալայանի կարծիքով՝ Ալիեւի Շուշիից հնչեցվող հայտարարությունները վկայում են, որ Արցախի հարցը միջազգային մակարդակում փակված չէ։ Նա նշում է, որ Ադրբեջանի ղեկավարությունը փորձում է համոզել թե՛ իրեն, թե՛ մյուսներին իր դիրքորոշման ճշմարտացիության մեջ, մինչդեռ միջազգային կառույցների արձագանքները շարունակում են մտահոգել Բաքվին։
Բալայանը նաեւ ընդգծում է, որ տարածաշրջանում ուժերի հավասարակշռության փոփոխությունը նոր լարվածությունների պատճառ է դարձել, իսկ Ադրբեջանի ղեկավարության կոշտ հռետորաբանությունը պայմանավորված է այդ մտահոգություններով։
aravot.am | @aravot

🎬 «Ոսկե ծիրանի» պատվավոր հյուրերն ու միջազգային կինոգործիչները տպավորվել են Դիլիջանով
«Քաղաքի արվեստի կոդ» ծրագրի շրջանակում «Ոսկե ծիրան» միջազգային կինոփառատոնի պատվավոր հյուրերն ու միջազգային կինոգործիչները այցելել են Դիլիջան՝ ծանոթանալու քաղաքի մշակութային ժառանգությանը, թանգարաններին և պատմական միջավայրին։
Մասնակիցները նշել են, որ Դիլիջանը տպավորել է իր մթնոլորտով և ստեղծագործական ներուժով՝ ընդգծելով, որ նման հանդիպումները նպաստում են նոր համագործակցությունների և միջազգային նախագծերի ձևավորմանը։
aravot.am | @aravot