Category: Armen Press

Մարտի 1-ի գործով առաջիկայում դատարան կուղարկվի «Չերյոմուխա» տեսակի հատուկ միջոցի կիրառման հետ կապված դրվագը։
«Արմենպրես»-ի հաղորդմամբ՝ Ազգային ժողովի պետական-իրավական հարցերի մշտական հանձնաժողովում ՀՀ դատախազության 2025 թվականի գործունեության մասին հաղորդման քննարկման ընթացքում այս մասին հայտարարել է գլխավոր դատախազ Աննա Վարդապետյանը՝ պատասխանելով պատգամավոր Անուշ Քլոյանի հարցին։
Պատգամավորը, անդրադառնալով Մարդու իրավունքների եվրոպական դատարանի՝ «Ֆարմանյանն ընդդեմ Հայաստանի» գործով կայացված վճռին, նշել է, որ դատարանը արձանագրել է պետության կողմից մահաբեր ուժի կիրառումը, անհամաչափ գործողությունները և արդյունավետ քննության բացակայությունը՝ հետաքրքրվելով, թե ի՞նչ փուլում է վճռի կատարումը և գործի քննությունը։
Գլխավոր դատախազը պատասխանել է, որ Եվրոպական դատարանի վճիռների կատարումը պարտադիր է, սակայն դրանք չեն փոխարինում ներպետական դատական ակտերին։ Նրա խոսքով՝ ՄԻԵԴ-ը մի շարք կարևոր արձանագրումներ է կատարել, որոնք հիմք են դարձել նոր մեղադրանքների առաջադրման և գործերի դատարան ուղարկման համար։
ՄԱՆՐԱՄԱՍՆԵՐ

Կիպրոսն ամբողջությամբ աջակցում է Եվրոպական Միության և Հայաստանի միջև համագործակցության հետագա խորացմանը:
«Արմենպրես»-ի փոխանցմամբ՝ ինչպես հայտնում է CyprusMail-ը, Եվրոպական խորհրդարանի լիագումար նիստում Հայաստանի ժողովրդավարական դիմադրողականության ամրապնդմանը նվիրված քննարկման ժամանակ ունեցած ելույթում այդ մասին ասել է Կիպրոսի արտաքին գործերի նախարարի եվրոպական հարցերով տեղակալ Մարիլենա Ռաունան։
«Համագործակցությունը հիմնված է մեր ընդհանուր արժեքների և կայուն, ժողովրդավարական և բարգավաճ Հայաստանի, ինչպես նաև կայուն Հարավային Կովկասի տեսլականի վրա», — ասել է նա։
Ռաունան ընդգծել է, որ ժողովրդավարական դիմադրողականությունը ԵՄ-ի հիմնական պարտավորությունն է՝ թե՛ անդամ պետությունների, թե՛ հարևանների նկատմամբ։
Նա ընդգծել է, որ ԵՄ-ի և Հայաստանի միջև հարաբերությունները նշանակալի առաջընթաց են գրանցել վերջին երկու տարիների ընթացքում Եվրոպական խորհրդի կոչից հետո՝ ամրապնդել հարաբերությունները բոլոր ոլորտներում՝ հիմք դնելով նոր համագործակցության։

ԱՄՆ նախագահ Դոնալդ Թրամփը Truth Social-ում լուսանկար է հրապարակել՝ զենքը ձեռքին և «ավիատոր» արևային ակնոցով։
Նա նաև նախազգուշացում է արել Իրանին:
Նկարը վերնագրված է այսպես՝ «Այլևս ոչ մի պրն Բարի տղա»։
Իսկ գրառման մեջ Թրամփը նշել է, որ Իրանը պետք է շտապի միջուկային ծրագրից հրաժարվելու մասին համաձայնություն կնքելու հարցում։

Հայաստանի կրթության, գիտության, մշակույթի և սպորտի նախարար Ժաննա Անդրեասյանն Աջափնյակ վարչական շրջանի Շառլ Ազնավուրի գրադարանում հանդիպել է հանրակրթական մի շարք դպրոցների տնօրենների և վարչատնտեսական համակարգողների հետ։

«Ուժեղ Հայաստան» կուսակցության՝ Երևանի Ավան վարչական շրջանում գտնվող գրասենյակից ձերբակալվել են մի խումբ անձինք՝ ընտրակաշառք ստանալու և բարեգործության արգելքը խախտելու դեպքերի առթիվ քննվող քրեական վարույթի շրջանակներում։
«Արմենպրես»-ին այս մասին հայտնեցին ՀՀ հակակոռուպցիոն կոմիտեից։
«Հաստատում ենք, որ ընտրակաշառք ստանալու և բարեգործության արգելքը խախտելու դեպքերի առթիվ քննվող քրեական վարույթի շրջանակներում ձերբակալվել են մի խումբ անձինք։
Անհրաժեշտության դեպքում ավելի ուշ լրացուցիչ տեղեկատվություն կտրվի»,- փոխանցեցին Հակակոռուպցիոն կոմիտեից։
Ավելի վաղ տեղեկություններ էին շրջանառվում, որ իրավապահները մտել են «Ուժեղ Հայաստան» կուսակցության՝ Երևանի Ավան վարչական շրջանում գտնվող գրասենյակ, բերման ենթարկել մի խումբ անձանց։

Գլխավոր դատախազ Աննա Վարդապետյանը, «Ազգային ժողովի կանոնակարգ» սահմանադրական օրենքի համաձայն, ՀՀ Ազգային ժողովի պետական-իրավական հարցերի մշտական հանձնաժողովին է ներկայացրել Հայաստանի Հանրապետության դատախազության 2025 թվականի գործունեության մասին հաղորդումը, որը 2026 թվականի մարտի 31-ին ուղարկվել է Հայաստանի Ազգային ժողով և հրապարակվել Դատախազության պաշտոնական կայքէջում:

Հայաստանում իտալական «Յուվենթուս» ֆուտբոլային ակումբի ակադեմիայի երրորդ մարզաբազան կլինի Նոր Հաճնում:
Այս մասին լրագրողների հետ հանդիպման ժամանակ ասաց «Յուվենթուս»-ի հայաստանյան ակադեմիայի տնօրեն Ալբերտ Աբրահամյանը:
«Սեպտեմբեր ամսից կմեկնարկեն «Յուվենթուս»-ի երրորդ մարզաբազայի շինարարական աշխատանքները Նոր Հաճն քաղաքում: Իսկ այս տարվա օգոստոսին տեղի կունենա երևանյան երկու մարզաբազաների, ՈՒԵՖԱ-ի երկրորդ կատեգորիայի մարզադաշտի բացման արարողությունը: Ակադեմիան նախատեսված է լինելու 1500 սաների համար»,-ասաց Աբրահամյանը:
Հայաստանում «Յուվենթուս»-ի ակադեմիան բաղկացած է լինելու 3 մարզաբազաներից, որոնցից երկուսը տեղակայված կլինեն Երևանի Ավան վարչական շրջանում և «Հրազդան» մարզադաշտին հարող տարածքում, իսկ 3-րդը՝ Կոտայքի մարզի Նոր Հաճն համայնքում։ Ակադեմիան ունենալու է միջազգային բարձր չափանիշներին համապատասխան ենթակառուցվածքներ, այդ թվում՝ տարբեր չափերի բաց և փակ, բնական և արհեստական խոտածածկով դաշտեր՝ գիշերային լուսավորությամբ։ Ակադեմիան գործելու է ինչպես վճարովի, այնպես էլ անվճար հիմունքներով՝ կախված երեխաների առաջադիմությունից և գրանցած արդյունքներից։ Յուրաքանչյուր տարի ակադեմիայի լավագույն սաներն ուղևորվելու են Թուրին՝ «Յուվենթուս»-ի գլխավոր ակադեմիա, որտեղ կմասնակցեն մարզումների և ընկերական խաղերի։

Հայաստանի առողջապահության նախարար Անահիտ Ավանեսյանն անդրադարձել է Բաքվում պահվող հայ գերիների առողջական վիճակի մասին հարցին։
«Արմենպրես»-ի մամուլի սրահում ասուլիսի ժամանակ Ավանեսյանը, անդրադառնալով հարցին, թե տեղեկություններ ունի՞ արդյոք Բաքվում պահվող հայերի առողջական վիճակի մասին, Ավանեսյանը պատասխանել է.

«Բաքվում պահվող հայերի թե՛ առողջական վիճակի, թե՛ մյուս բոլոր հարցերի հետ կապված Հայաստանի արտաքին գործերի նախարարության համակարգմամբ աշխատանքները մշտապես ընթանում են։ Վստահեցնում եմ, որ թե՛ միջազգային իրավունքի, թե՛ բոլոր հնարավոր հումանիտար խողովակներով այդ հարցերը, մեր արտաքին քաղաքական գերատեսչության համակարգմամբ, ուշադրության կենտրոնում են։ Այս աշխատանքները որևէ վայրկյան չեն հապաղում, չեն դանդաղում, այլ մշտապես մեր կառավարության ուշադրության կենտրոնում են»,- ասել է Ավանեսյանը։

Ադրբեջանում շարունակում են ապօրինաբար պահել 19 հայ գերիների, որոնց թվում են նաև Լեռնային Ղարաբաղի նախկին ռազմաքաղաքական ղեկավարության ներկայացուցիչները։ Նրանց նկատմամբ կեղծ մեղադրանքներով ազատազրկման դատավճիռներ են կայացվել։

ԱՄՆ պետքարտուղարությունը հաղորդել է, որ պատրաստվում է երկրի 250-ամյակի կապակցությամբ սահմանափակ քանակությամբ հատուկ անձնագրեր թողարկել. փաստաթղթերում առաջին անգամ կտպվի գործող նախագահի պատկերը։ Դոնալդ Թրամփը կդառնա առաջին ամերիկացի ղեկավարը, որի դեմքը կենդանության օրոք կհայտնվի այդ փաստաթղթում։