Category: Armen Press

Հայաստանի ներքին գործերի նախարար Արփինե Սարգսյանն ընդունել է ԵՄ ընդլայնման հարցերով հանձնակատար Մարթա Կոսի գլխավորած պատվիրակությանը։
Այս մասին հաղորդագրություն է տարածել ՀՀ ներքին գործերի նախարարությունը։ՆԳ նախարարը բարձր է գնահատել Հայաստան-Եվրամիություն զարգացող հարաբերությունները՝ ընդգծելով, որ սա այս ամսվա ընթացքում արդեն երկրորդ ԵՄ հանձնակատարի այցն է Հայաստան, ինչը վկայում է ակտիվ և արդյունավետ համագործակցության մասին։
Անդրադառնալով ԵՄ վիզաների ազատականացման գործընթացին՝ նախարար Սարգսյանը նշել է, որ Հայաստանը մայիսին կստանա առաջընթացի գնահատման վերջնական զեկույցը և վստահություն հայտնել, որ երկուստեք կարձանագրվեն գոհացուցիչ արդյունքներ։
ՄԱՆՐԱՄԱՍՆԵՐ

Հայաստանում  պետական և համայնքային  լայնածավալ ծրագրերի շնորհիվ ավելանում  է մանկապարտեզների հասանելիությունը: Գյուղական համայնքներում կառուցվում  են  նոր կրթահամալիրներ, ներդրվում են 0-2 տարեկանների համար մսուրային խմբեր, և սոցիալապես  անապահով ընտանիքների  երեխաները  արդեն ստանում են  անվճար նախադպրոցական կրթություն ՝ առանց ֆինանսական խոչընդոտների:
«Արմենպրես»-ի թղթակցի հետ զրույցում այս մասին հայտնեց ԿԳՄՍ փոխնախարար Արաքսիա Սվաջյանը՝ նշելով, որ  նախադպրոցական  տարիքի  երեխաների ընդգրկվածության  ապահովումը շարունակում է մնալ պետական  առաջնահերթ  ուղղություններից մեկը: Այս ուղղությունը բխում է կրթության զարգացման ռազմավարությունից, և վերջին տարիներին այս ոլորտում իրականացվել են  լայնածավալ համակարգային աշխատանքներ՝ յուրաքանչյուր երեխայի  համար ապահովելու մանկապարտեզ հաճախելու հնարավորությունը:

ՄԱԿ-ում ներկայացվել է գենդերային հավասարության ապահովման ոլորտում Հայաստանի արձանագրած առաջընթացը

Օմանի Սուլթանության մայրաքաղաք Մասկատում Հայաստանի Հանրապետության արտաքին գործերի նախարար Արարատ Միրզոյանի գլխավորությամբ կայացել է արաբական երկրներում հավատարմագրված ՀՀ դիվանագիտական ներկայացուցչությունների ղեկավարների հավաքը:
Այս մասին հայտնում է ԱԳ նախարարությունը՝ մանրամասնելով, որ հավաքին մասնակցել են նաև Մերձավոր Արևելքի երկրների հետ հարաբերությունները համակարգող փոխնախարար Վահան Կոստանյանը, ԱԳՆ կենտրոնական ապարատի դիվանագետներ:
Նշվում է, որ քննարկման թեմաներից են եղել Մերձավոր Արևելքում ստեղծված իրավիճակը և տարածաշրջանային զարգացումների հիմնական միտումները։
Հաղորդվում է, որ ՀՀ դեսպանները ներկայացրել են հավատարմագրման երկրներում առկա իրողություններն ու առանձնահատկությունները: Կայացել է մտքերի փոխանակում իրավիճակի հանգուցալուծման հնարավորությունների շուրջ:
ԱԳ Նախարար Արարատ Միրզոյանն անդրադարձ է կատարել տարածաշրջանում Հայաստանի արտաքին քաղաքական գերակայությունների կյանքի կոչման ուղղությամբ շարունակվող աշխատանքներին, գործընկերությունների հետագա զարգացման հարցում ՀՀ մոտեցումներին:
Հաջորդիվ քննարկումները շարունակվել են Մերձավոր Արևելքում իրավիճակի սրումից ի վեր տարածաշրջանի երկրներում գտնված ՀՀ քաղաքացիներին հետաքրքրող հարցերի, այդ թվում՝ ՀՀ նրանց վերադարձի ուղղությամբ իրականացված աշխատանքների շուրջ, որոնց կանդրադառնանք լրացուցիչ։

Հայաստանի առաջին հանրապետության հիմնադիր, ներքին գործերի առաջին նախարար Արամ Մանուկյանի ծննդյան օրը Ներքին գործերի նախարար Արփինե Սարգսյանը և նախարարության ղեկավար կազմը հարգանքի տուրք են մատուցել նրա հիշատակին և ծաղիկներ խոնարհել կիսանդրուն։

Վարչապետի աշխատակազմի ղեկավար Արայիկ Հարությունյանն այսօր ընդունել է «Խորհուրդ X» երիտասարդական ուսանողական կազմակերպության անդամներին:

Հայաստանի քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում քննվող քրեական վարույթով 2026 թվականի մարտի 18-ին ստացվել է մեղադրյալ Սամվել Սարգսի Կարապետյանի պաշտպան Արամ Վարդևանյանի միջնորդությունը՝ Սամվել Կարապետյանի կողմից տեսաուղերձով հանդես գալու թույլտվություն ստանալու վերաբերյալ:
«Արմենպրես»-ին այս մասին հայտնեցին ՀՀ քննչական կոմիտեից։
Հիմք ընդունելով այն հանգամանքը, որ Սամվել Կարապետյանին տեսաուղերձով նախընտրական քարոզչության շրջանակներում ՀՀ քաղաքացիներին դիմելու թույլտվության և դրա ձևաչափի հարցի լուծումը գտնվում է վարույթի հանրային մասնակցի՝ տվյալ դեպքում նախաքննական մարմնի տիրույթում, վարույթն իրականացնող մարմինը որոշում է կայացրել ներկայացված միջնորդությունը բավարարելու մասին՝ թույլատրելով մեղադրյալ Սամվել Սարգսի Կարապետյանին «Ուժեղ Հայաստան» կուսակցության քաղաքական գործունեության, ծրագրերի և մոտեցումների ներկայացման համատեքստում Facebook սոցիալական ցանցում հրապարակել տեսաուղերձ:

Վարչապետ Փաշինյանի հանդիպումը ԵՄ ընդլայնման հարցերով հանձնակատար Մարթա Կոսի հետ
https://youtu.be/ijzruPqQpDE

ԱՄՆ պաշտապանության նախարար Փիթ Հեգսեթը մամուլի ասուլիսում անդրադարձել է Իրանի դեմ պատերազմի համար 200 միլիարդ դոլարի բյուջետային պահանջի վերաբերյալ հաղորդագրություններին։ Նա նշել է, որ այդ թիվը կարող է փոխվել, և որ «վատ մարդկանց սպանելու համար գումար է անհրաժեշտ»։
Հեգսեթի խոսքով՝ պատերազմում ԱՄՆ-ի հետ ամենաշատը համագործակցել է Իսրայելը՝ շեշտելով, որ նա «անհավանական և կարողունակ» գործընկեր է եղել «առաջին օրվանից»։
Նա նշել է, որ Պարսից ծոցի երկրները նույնպես անհավանական կերպով են դրսևորել իրենց՝ հավելելով, որ հակամարտությունը նրանց «ուղղակիորեն բերել է մեր ուղեծիր»։

Հայաստանն ու Եվրամիությունը շարունակում են խորացնել համագործակցությունը տարբեր ուղղություններով՝ ներառյալ բարեփոխումները, տնտեսական զարգացումը և տարածաշրջանային կապակցվածությունը։
Այս մասին հայտարարեց ՀՀ փոխվարչապետ Մհեր Գրիգորյանը՝ ԵՄ ընդլայնման հարցերով հանձնակատար Մարթա Կոսի հետ համատեղ հայտարարությունների ընթացքում։
Փոխվարչապետը նշեց, որ հանձնակատար Կոսի հերթական այցը Հայաստան վկայում է երկկողմ հարաբերությունների ակտիվ զարգացման մասին։

«Հանձնակատար Կոսը վերջին 6 ամիսների ընթացքում երկրորդ անգամ է աշխատանքային այցով գտնվում մեր երկրում, ինչը Հայաստանի և Եվրոպական միության միջև ընդլայնվող գործընկերության վառ վկայությունն է»,- ասաց նա։

Գրիգորյանի խոսքով՝ այցը կարևոր է նաև այն տեսանկյունից, որ տեղի է ունենում Երևանում կայանալիք Եվրոպական քաղաքական համայնքի և Հայաստան-ԵՄ գագաթնաժողովների նախաշեմին։
Նա ընդգծեց, որ կողմերը քննարկել են Համապարփակ և ընդլայնված գործընկերության համաձայնագրով ստանձնած պարտավորությունների շրջանակում իրականացվող բարեփոխումների ընթացքը։
Փոխվարչապետը հայտնեց, որ ստորագրվել է «Դիմակայունության և աճի» պլանի ներքո 2025–2027 թվականների ֆինանսավորման համաձայնագիրը։

«Սահմանել ենք հավակնոտ միջոցառումներ՝ մասնավորապես արտահանման դիվերսիֆիկացիայի, վիզային ռեժիմի ազատականացման և հանրային ֆինանսների կառավարման կարևորագույն ոլորտներում»,- նշեց Գրիգորյանը։

Նա նաև ընդգծեց տարածաշրջանային կապակցվածության զարգացման կարևորությունը՝ նշելով, որ պայմանավորվածություն է ձեռք բերվել շարունակել աշխատանքները ՀՀ կառավարության «Խաղաղության խաչմերուկ» նախաձեռնության, TRIPP երթուղու և ԵՄ «Գլոբալ դարպասներ» ռազմավարության շրջանակում։
Գրիգորյանը հավելեց, որ ԵՄ-ն վերահաստատել է իր աջակցությունը Հայաստանի ներգրավմանը տրանսկասպյան տրանսպորտային ուղղությունում։

«Մեր երախտագիտությունն ենք հայտնում Եվրոպական միության ղեկավարությանը՝ առաջիկա խորհրդարանական ընտրություններին ընդառաջ Հայաստանում ժողովրդավարական դիմադրողականության ավելացման ուղղությամբ գործադրվող ջանքերի և ուշադրության համար»,-եզրափակեց Գրիգորյանը։