Category: Armen Press

Ռուսաստանի գլխավոր հյուպատոսության շենքն Իրանի Սպահան քաղաքում վնասվել է մարտի 8-ին մոտակայքում գտնվող նահանգապետի գրասենյակի վրա իրականացված հարձակման ժամանակ։
Ինչպես հաղորդում է «Արմենպրես»-ը՝ վկայակոչելով ՏԱՍՍ-ը, այս մասին հայտարարել է Ռուսաստանի արտաքին գործերի նախարարության մամուլի խոսնակ Մարիա Զախարովան։

«Ծառայողական շենքում և բնակելի հատվածում կոտրվել են ապակիներ, հարվածային ալիքը հետ է շպրտել մի քանի աշխատակիցների։ Բարեբախտաբար, զոհեր կամ լուրջ վնասվածքներ չեն եղել», — ասվում է Զախարովայի հայտարարության մեջ։

ԱԳՆ խոսնակը նշել է, որ Ռուսաստանը պահանջում է, որ տարածաշրջանում հակամարտության մեջ ներգրավված բոլոր կողմերը խստորեն հարգեն դիվանագիտական ​​կառույցների անձեռնմխելիությունը։
Նա հիշեցրել է, որ դիվանագիտական ​​առաքելությունների վրա հարձակումը միջազգային իրավունքի կոպիտ խախտում է։Կարդացեք հոդվածը` English

Վերջին երեք օրվա ընթացքում արդեն երկրորդ անգամ Ռուսաստանից Ադրբեջանի տարածքով Հայաստան կուղարկվի հացահատիկով լի 11 երկաթուղային վագոն
«Արմենպրես»-ի հաղորդմամբ՝ այս մասին հայտնում են ադրբեջանական լրատվամիջոցները։
Նշվում է, որ փոխադրվող հացահատիկի ընդհանուր զանգվածը 1023 տոննա է։
Ադրբեջանի տարածքով Հայաստան ուղարկված ռուսական ցորենի հերթական խմբաքանակի մասին վերջին անգամ հաղորդվել էր մարտի 9-ին:
Ինչպես նախորդ դեպքերում, այս անգամ էլ ռուսական ցորենը Հայաստան կհասնի, անցնելով ոչ միայն Ադրբեջանի, այլ նաև Վրաստանի տարածքով, քանի որ Հայաստանի և Ադրբեջանի միջև երկաթուղային ուղիղ հաղորդակցություն չկա։

Հայաստանը կարող է դառնալ Ասիան և Եվրոպան կապող կարևոր ցամաքային հանգույց․ չինացի փորձագետ
Չինաստանի «China Briefing» տեղեկագրի հիմնադիր, քաղաքական և տնտեսական վերլուծաբան Շեն Շիվեյը «Արմենպրես»-ի թղթակցի հետ հարցազրույցում անդրադարձել է հայ-չինական հարաբերությունների զարգացման հեռանկարներին, տնտեսական համագործակցության հնարավորություններին, ինչպես նաև Հայաստանի դերակատարությանը տարածաշրջանային տրանսպորտային և լոգիստիկ նախագծերում։
Նրա գնահատմամբ՝ 2025 թվականին երկու երկրների միջև ռազմավարական գործընկերության հաստատումը երկկողմ հարաբերությունները բարձրացրել է նոր մակարդակի և ամուր հիմք ստեղծել առևտրի, ներդրումների և տնտեսական համագործակցության խորացման համար։
-Ի՞նչպես եք գնահատում հայ–չինական հարաբերությունների ներկա վիճակը, մասնավորապես ՝ առևտրի, ներդրումների և տնտեսական համագործակցության ոլորտում:

-Հայ-չինական հարաբերությունները հասել են պատմական նոր առավելագույնին, որը նշանավորվել է 2025 թվականին ռազմավարական գործընկերություն հաստատելու երկու երկրների միաձայն որոշմամբ: Այս կարևոր հանգրվանը նոր մակարդակի է բարձրացնում երկկողմ հարաբերությունները և հստակ ռազմավարական ուղղություն է ապահովում առևտրա-ներդրումային և տնտեսական ոլորտներում համագործակցության խորացման համար՝ ամուր քաղաքական հիմք դնելով կայուն և երկարաժամկետ գործնական համագործակցության համար:

ՄԱՆՐԱՄԱՍՆԵՐ

Քաղաքական վերլուծաբան Արմեն Պետրոսյանը երկու հիմնական նախադրյալ է նշում, որոնք կարող են հանգեցնել Իրան-ԱՄՆ-Իսրայել եռյակի միջև պատերազմական գործողությունների ավարտին
Արմեն Պետրոսյանը Իրանի դեմ ԱՄՆ-ի և Իսրայելի սկսած ռազմական գործողություններին և դրա հետևանքով ամբողջ Մերձավոր Արևելքում տիրող լարված իրավիճակին ու հանգուցալուծման տարբերակներին անդրադարձել է «Արմենպրես»-ի թղթակցի հետ զրույցում։

«Առաջին նախադրյալն այն է, որ հարձակվող կողմը հասնի իր հռչակած ռազմավարական նպատակին, կամ համարի, որ հասել է ու ավելիին հասնելու հնարավորություն չունի։ ԱՄՆ-ի և Իսրայելի նպատակն Իրանում վարչակարգի փոփոխությունն է։ Մյուս նախադրյալն առնչվում է ռեսուրսների սպառվելուն։ Տվյալ դեպքում խոսքն առավելապես վերաբերում է հարձակվող կողմի ռեսուրսներին։ Նշված երկու նախադրյալներն ունեն նաև ածանցյալ հանգամանքներ։ Օրինակ՝ իրանական կողմից ամերիկա-իսրայելական երկյակի առաջ քաշած պայմանների ընդունումը։ Ընդ որում, պարտադիր չէ, որ նպատակների իրականացումն արձանագրվի ռազմական եղանակով»,- ասաց Պետրոսյանը։

Նա հավելեց, որ տարաբնույթ փորձագիտական շրջանակների կողմից նշվում են հակամարտության ավարտի ժամանակային տարբեր սահմաններ, օրինակ՝ մինչև մարտի 21-23-ը։
ՄԱՆՐԱՄԱՍՆԵՐ

Արարատ Միրզոյանը Փարիզում հանդիպել է ԱՄՆ պետքարտուղարի սպառազինությունների վերահսկման և միջազգային անվտանգության հարցերով տեղակալ Թոմաս Դինանոյի հետ
Զրուցակիցները քննարկել են տարբեր ուղղություններով ՀՀ-ԱՄՆ ռազմավարական գործընկերության խորացման հարցեր:
Արարատ Միրզոյանը և Թոմաս Դինանոն գոհունակությամբ նշել են Միջուկային էներգիայի խաղաղ նպատակներով օգտագործման ոլորտում ՀՀ և ԱՄՆ կառավարությունների միջև համագործակցության մասին համաձայնագրի բանակցությունների ավարտի կապակցությամբ՝ ընդգծելով համապատասխան ձևաչափով համաձայնագրի ստորագրման և ոլորոտում հետագա փոխգործակցության պատրաստակամությունը:
Անդրադարձ է կատարվել տարածաշրջանային ենթակառուցվածքային ծրագրերի:

Փարիզում տեղի է ունեցել Հայաստանի Հանրապետության վարչապետ Նիկոլ Փաշինյանի հանդիպումը Ֆրանսիայի Հանրապետության նախագահ Էմանուել Մակրոնի հետ։
«Արմենպրես»-ի փոխանցմամբ՝ ՀՀ վարչապետի աշխատակազմից հայտնում են, որ զրուցակիցները քննարկել են Հայաստան–Ֆրանսիա երկկողմ հարաբերությունների օրակարգային հարցերի լայն շրջանակ։
Մասնավորապես, անդրադարձ է կատարվել քաղաքական երկխոսության խորացմանը, տնտեսության և ենթակառուցվածքների ոլորտներում համատեղ ծրագրերի իրականացմանը վերաբերող հարցերի։
Կողմերը մտքեր են փոխանակել նաև տարածաշրջանային զարգացումների շուրջ՝ երկուստեք կարևորելով տարածաշրջանում խաղաղության և կայունության ամրապնդմանը միտված հետևողական ջանքերի շարունակականությունը։
Նիկոլ Փաշինյանն ու Էմանուել Մակրոնն անդրադարձել են նաև Հայաստան–Եվրոպական միություն համագործակցության հետագա զարգացման հեռանկարներին։ Երկուստեք ընդգծվել է տարբեր ուղղություններով գործընկերության խորացման և համատեղ նախաձեռնությունների արդյունավետ առաջմղման կարևորությունը։

Հերքում. ՀՀ տարածքում Ադրբեջանի ԶՈՒ դիրք չի կառուցվել
https://www.youtube.com/watch?v=fZfqTbYK0GY&t=2s

Հանդիպում Ֆրանսիայի նախագահ Էմանուել Մակրոնի հետ

Եվրամիությունը 2023 թվականից մինչ օրս ավելի քան 78 միլիոն եվրո է հատկացրել Ղարաբաղից տեղահանված հայերի հրատապ մարդասիրական կարիքները հոգալու և երկարաժամկետ սոցիալ-տնտեսական ինտեգրմանը աջակցելու նպատակով։ Այս մասին նշված է ԵՄ պատվիրակության գրասենյակի Ինստագրամի էջում։
Հաղորդվում է, որ նշված գումարից 21.5 միլիոն եվրոն տրամադրվել է Եվրոպական քաղաքացիական պաշտպանության և մարդասիրական օգնության գլխավոր տնօրինության ( DG ECHO-ի) միջոցով, 40 միլիոնը՝ որպես ԵՄ-ի կողմից բյուջետային աջակցություն Հայաստանի Հանրապետությանը, 9 միլիոնը՝ ՔՀԿ-ների կողմից իրականացվող ծրագրերի համար, իսկ 8 միլիոնը՝ «Փախստականների դիմակայության պատուհան Հայաստանի համար» ծրագրին, որն իրականացնում է Վերակառուցման և զարգացման եվրոպական բանկը։

ՀՀ քննչական կոմիտեի Երևան քաղաքի քննչական վարչությունում քննվում է ի պաշտպանություն գործարար Սամվել Կարապետյանի 2025 թվականի հոկտեմբերի 18-ին կայանալիք հանրահավաքին մեծաքանակ անձանց մասնակցությունն ապահովելու նպատակով մի շարք անձանց նյութապես շահագրգռելու դեպքի վերաբերյալ նախաձեռնված քրեական վարույթը:
Նախաքննության ընթացքում կատարված անհրաժեշտ ապացուցողական և վարութային գործողությունների արդյունքում տեղեկություններ են ձեռք բերվել այն մասին, որ Սամվել Կարապետյանի մտերիմ Ն.Թ.-ի կազմակերպմամբ՝ Երևան քաղաքի բնակիչ Բ.Ս.-ն յուրաքանչյուր անձի 10 հզր ՀՀ դրամ վճարելու խոստումով կազմակերպել է 9 անձի մասնակցությունը նշված հանրահավաքին: Այնուհետև, Բ.Ս.-ն իր կողմից հանրահավաքին ուղարկված անձանցից յուրաքանչյուրին վճարել է 10 հզր ՀՀ դրամ:
Բ.Ս.-ի վերաբերյալ քրեական վարույթը մեղադրական եզրակացությամբ ուղարկվել է հսկող դատախազին:
Հետախուզվող Ն.Թ.-ի մասով քրեական վարույթի նախաքննությունը շարունակվում է: