Category: Armen Press

Տալլինում կանցկացվի «Made in Armenia Expo» ցուցահանդեսը՝ խթանելու հայ-էստոնական տնտեսական համագործակցության զարգացումը

Վրաստանի ներքին գործերի նախարար Սուլխան Թամազաշվիլին, Հայաստանի ՆԳ նախարարի տեղակալ Արմեն Մկրտչյանի ուղեկցությամբ, այցելել է ՆԳՆ 112 Օպերատիվ կառավարման կենտրոնի և Պարեկային ծառայության վարչական համալիր։
Այցի շրջանակում Սուլխան Թամազաշվիլին շրջել է համալիրի տարածքում, ծանոթացել Օպերատիվ կառավարման կենտրոնի, Պարեկային ծառայության վարչակազմի շենքային պայմաններին, ինչպես նաև ենթակա ստորաբաժանումների գործունեությանը։
Օպերատիվ կառավարման կենտրոնում Վրաստանի ներքին գործերի նախարարին ներկայացվել է եվրոպական ստանդարտներով գործարկված 112 զանգերի կառավարման կենտրոնը, որը մեկ միասնական հարթակում է միավորել Փրկարար ծառայության և Ոստիկանության զանգերի սպասարկումը։
Վրաստանի ՆԳ նախարարության պատվիրակությանը ներկայացվել են նաև քաղաքացիների ընդունելության, վարչական վարույթների իրականացման և բողոքների քննության բաժինների աշխատանքային գործառույթները։
Սուլխան Թամազաշվիլին եղել է համալիրի զինանոցում, հրաձգարանում և մարզասրահում, որտեղ ծանոթացել է պարեկային ծառայողների ֆիզիկական և մարտական պատրաստվածության համար ստեղծված պայմաններին։
Նրան ներկայացվել են նաև Երևանի գնդի ծառայողական էլեկտրամոբիլների տեխնիկական հագեցվածությունն ու հնարավորությունները։

🇦🇲🇨🇦Վարչապետ Նիկոլ Փաշինյանը շնորհավորական ուղերձ է հղել Կանադայի վարչապետ Մարկ Քարնիին՝ Կանադայի օրվա առիթով: Շնորհավորական ուղերձում ասված է.
 

«Ջերմորեն շնորհավորում եմ Ձեզ և Կանադայի բարեկամ ժողովրդին Կանադայի օրվա առիթով։
 
Ինձ համար մեծ պատիվ էր հյուրընկալել Ձեզ Երևանում ընթացիկ տարվա մայիսին՝ Եվրոպական քաղաքական համայնքի 8-րդ գագաթնաժողովի շրջանակում։ Գոհունակությամբ եմ մտաբերում մեր հանդիպումը, որը լավ հնարավորություն ընձեռեց քննարկելու Հայաստան-Կանադա համագործակցության օրակարգն ու նախանշելու դրա հետագա զարգացման ուղղությունները։ Վստահ եմ, որ այդ դրական երկխո սությունը նոր խթան կհաղորդի Հայաստանի և Կանադայի միջև գործընկերության առավել խորացմանը։
 
Հայաստանը մեծապես կարևորում է Կանադայի հետ բարեկամական հարաբերությունների շարունակական զարգացումը՝ հիմնված ժողովրդավարության, մարդու իրավունքների, օրենքի գերակայության և փոխադարձ հարգանքի վրա։
 
Լիահույս եմ, որ համատեղ ջանքերով հնարավոր կլինի առավել ընդլայնել և ամրապնդել մեր համագործակցությունը փոխադարձ հետաքրքրություն ներկայացնող ոլորտներում՝ ի շահ մեր երկու երկրների և ժողովուրդների:
 
Մաղթում եմ Ձեզ քաջառողջություն և հաջողություններ, իսկ Կանադայի բարեկամժողովրդին՝ խաղաղություն և բարօրություն»։

Վերջին շրջանում աշխարհաքաղաքական իրավիճակը փոխել է նաև զբոսաշրջային քարտեզը։ Եթե նախորդ տարիներին ամենապահանջված ուղղությունների թվում էին Ծոցի երկրները, ապա այս տարի, տարածաշրջանային զարգացումներով պայմանավորված, դրանց նկատմամբ հետաքրքրությունը նվազել է։ Փոխարենը կտրուկ աճել է մի շարք այլ ուղղությունների, այդ թվում՝ Եգիպտոսի պահանջարկը, ինչը զգալի ազդեցություն է ունեցել նաև զբոսաշրջային փաթեթների գների վրա։
«Այս տարի, ինչպես միշտ, ամենապահանջված ուղղությունը Եգիպտոսն է։ Սակայն պետք է նշեմ, որ նախորդ տարիների համեմատ այնտեղ հանգստի գներն ավելի բարձր են։ Չնայած դրան՝ մեր հայրենակիցները շարունակում են ակտիվորեն ընտրել Եգիպտոսը»,-«Արմենպրես»-ի հետ զրույցում նշեց Զբոսաշրջային ընկերության տնօրեն Վլադիմիր Գևորգյանը։

Շախմատի միջազգային ֆեդերացիայի հուլիս ամսվա դասակարգման աղյուսակում Հայաստանն ունի 7 գրոսմայստեր:
Տղամարդկանց վարկանիշային աղյուսակում ընդգրկված են Հայկ Մարտիրոսյանը (65-րդ տեղ), Շանթ Սարգսյանը (73-րդ տեղ), Արամ Հակոբյանը (86-րդ տեղ), Ռոբերտ Հովհաննիսյանը (101-րդ տեղ): Տղամարդկանց դասակարգման աղյուսակի առաջատարը Մագնուս Կարլսենն է:
Կանանց դասակարգման աղյուսակում Հայաստանն ունի 3 ներկայացուցիչ` Էլինա Դանիելյան (60-րդ տեղ), Լիլիթ Մկրտչյան (78-րդ տեղ), Մարիամ Մկրտչյան (84-րդ տեղ): Կանանց վարկանիշային աղյուսակի առաջին տեղում չինուհի Հու Յիֆանն է:
Հայաստանի շախմատի տղամարդկանց հավաքականի նախկին առաջատար, այժմ ԱՄՆ դրոշի ներքո հանդես եկող Լևոն Արոնյանը դասակարգման աղյուսակում 22-րդն է:

Այսօր պաշտոնապես մեկնարկում է imIDSign՝ Հայաստանում առցանց ստորագրման նոր հարթակ, որը փոխում է փաստաթղթերի ստորագրման, ուղարկման և հաստատման գործընթացը։
Ծանոթացեք imID Sign-ին՝ այստեղ։

⚽️🌍 Մունդիալ-2026 | 1/16 եզրափակիչ (Round of 32)
🇫🇷 Ֆրանսիայի հավաքականը վստահ հաղթանակ տարավ 🇸🇪 Շվեդիայի նկատմամբ՝ 3:0 հաշվով և նվաճեց 1/8 եզրափակչի (Round of 16) ուղեգիր։ Կիլիան Մբապեն դարձավ դուբլի հեղինակ, ևս մեկ գոլ խփեց Բրեդլի Բարկոլան։ Մբապեի երկրորդ գոլը նրա 18-րդն էր աշխարհի առաջնություններում։
🇲🇽 Մեքսիկան 2:0 հաշվով հաղթեց 🇪🇨 Էկվադորին և նույնպես դուրս եկավ 1/8 եզրափակիչ։ Մեքսիկացիների կազմում գոլերով աչքի ընկան Խուլիան Կինյոնեսն ու Ռաուլ Խիմենեսը։ Տանտերերը հանդիպման ողջ ընթացքում ունեին խաղային և տարածքային առավելություն՝ վստահորեն պահպանելով հաղթական հաշիվը մինչև եզրափակիչ սուլիչը։

❗️«Հայաստանի էլեկտրական ցանցեր» ՓԲ ընկերությունը հերքել է մի շարք լրատվամիջոցներում հայտնված տեղեկությունները, համաձայն որոնց խորհրդարանական ընտրությունների քվեարկության օրը մասսայական հոսանքազրկումներ են տեղի ունեցել ընտրատեղամասերում:
ՀԷՑ տարածած հաղորդագրությունում նշվում է.

«Yerkiram, RadioAuroraam, MAMULam, MediaHubam, AlphaNewsam, Aravotam, Hayeliam, Hraparakam, YerkirMediaam լրատվամիջոցները «Ֆեյսբուք» սոցիալական ցանցում բացված իրենց օգտահաշիվներում հրապարակել են «Հայաստանի էլեկտրական ցանցեր» ՓԲ ընկերության վերաբերյալ՝ իրականությանը չհամապատասխանող տեղեկատվություն։
«Մասնավորապես՝ 13/7, 13/6, 14/4, 13/37, 13/44, 18/14, 15/53, 15/54, 12/49, 14/44 ընտրատեղամասերում իբր տեղի ունեցած մասսայական հոսանքազրկումների առկայության վերաբերյալ, որոնք չեն համապատասխանում իրականությանը և հանդիսանում են զրպարտություն՝ արատավորելով ընկերության գործարար համբավը: Ընկերության կողմից վերոնշյալ լրատվական կազմակերպություններին սահմանված կարգով ուղարկվել է հրապարակված տեղեկատվության հերքման պահանջ:
Պահանջը չկատարելու կամ այն անպատասխան թողնելու դեպքում ընկերությունն իր իրավունքների պաշտպանությունը կիրականացնի դատական կարգով»:: ՀԷՑ ՓԲԸ-ն կոչ է արել լրատվամիջոցների ներկայացուցիչներին՝ զերծ մնալ ՀԷՑ-ին առնչվող չստուգված և իրականությանը չհամապատասխանող տեղեկատվության տարածումից, ու պահպանել անաչառ լրագրողական էթիկայի և մասնագիտական պատասխանատվության սկզբունքները։

Երևանում ներդրումային հետաքրքրություն ներկայացնող քաղաքաշինական խոշոր ծրագրերին առնչվող հարցեր են քննարկվել Երևանի քաղաքապետ Տիգրան Ավինյանի և ԱՄԷ «Տրոյան Քոնսթրաքշն Հոլդինգ» ընկերությունների խմբի գլխավոր գործադիր տնօրեն, «Էմարաթ Գրուպ»-ի տնօրենների խորհրդի փոխնախագահ Ահմեդ Ալ Շամսիի հանդիպման ժամանակ:
Հանդիպմանը մասնակցել է նաև «Սիլ Կապիտալ» ընկերության հիմնադիր և խորհրդի նախագահ Էդուարդ Սուքիասյանը: 
Խոսելով թաղամասերի վերակառուցման, բնակելի համալիրների կառուցման ու քաղաքային միջավայրի բարելավման տարբեր նախագծերի մասին՝ Տիգրան Ավինյանը հյուրերին է ներկայացրել Նորագյուղ թաղամասի վերակառուցման ծրագիրը, որը դառնալու է Երևանի նոր կենտրոնը:  
Քաղաքապետը նշել է, որ Երևանի նկատմամբ միջազգային բիզնեսի աճող վստահությունը մեկ անգամ ևս փաստում է, որ մայրաքաղաքը հետևողականորեն ամրապնդում է իր դիրքը որպես ներդրումների, նորարարության և միջազգային համագործակցության գրավիչ կենտրոն։
Շնորհակալություն հայտնելով ջերմ ընդունելության համար՝ Ահմեդ Ալ Շամսին նշել է, որ իրենք ևս հետաքրքրված են Հայաստանի խոշոր նախագծերով:
Քննարկման ընթացքում անդրադարձ է եղել նաև «Պրոմենադ» համալիրի կառուցմանն ու Դալմայի այգիներին, որոնք նոր շունչ են հաղորդելու Երևանի հանրային տարածքներին՝ ստեղծելով ժամանակակից, հարմարավետ ու գրավիչ միջավայր քաղաքացիների և զբոսաշրջիկների համար։
Քաղաքապետ Տիգրան Ավինյանը մեկ անգամ ևս ընդգծել է, որ համայնքը բաց է գործակցելու բոլոր այն կազմակերպությունների և անհատների հետ, ովքեր ցանկանում են շահավետ ներդրումներ անել Երևանում:

ՀՀ Սննդամթերքի անվտանգության տեսչական մարմնի հրավերով՝ Հայաստան է ժամանել Կենդանիների առողջության համաշխարհային կազմակերպության «Արդյունավետ անասնաբուժական ծառայություններ» ծրագրի «Կայուն լաբորատորիաներ» նախաձեռնության գնահատող խումբը։
«Դոկտոր Անդրե դե Օլիվեյրա Մենդոնսաի գլխավորությամբ՝ փորձագետների խումբն առաջիկա տասն օրերի ընթացքում կիրականացնի մեր երկրում գործող անասնաբուժական ծառայությունների և ՍԱՏՄ-ի ենթակա «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն» ՊՈԱԿ-ի լաբորատոր կարողությունների գնահատման աշխատանքները»,- նշված է հաղորդագրության մեջ:
Հյուրընկալելով գնահատող խմբին՝ Տեսչական մարմնի ղեկավար Տիգրան Պետրոսյանն ընդգծել է նախաձեռնության բացառիկ կարևորությունը Հայաստանի անասնաբուժական համակարգի արդիականացման ու միջազգային չափանիշներին համապատասխանեցման գործընթացում: