Category: Armen Press

Հայաստանի վարչապետ Նիկոլ Փաշինյանը շնորհավորական ուղերձ է հղել Հյուսիսային Մակեդոնիայի Հանրապետության վարչապետ Հրիստիան Միցկոսկիին՝ Անկախության օրվա առիթով:

«Ջերմորեն շնորհավորում եմ Ձեզ և Հյուսիսային Մակեդոնիայի Հանրապետության ժողովրդին Անկախության օրվա առիթով։
Կարևորում ենք Հյուսիսային Մակեդոնիայի հետ քաղաքական երկխոսության ակտիվացումը, ոլորտային համագործակցության ընդլայնումն ու միջմարդկային կապերի սերտացումը՝ ի բարօրություն մեր երկու երկրների:
Վստահ եմ, որ համատեղ ջանքերով մեզ կհաջողվի նոր զարկ հաղորդել մեր համագործակցությանը թե՛ երկկողմ և բազմակողմ հարթակներում, թե՛ Եվրոպական միության հետ հարաբերությունների սերտացման համատեքստում:
Օգտվելով առիթից՝ մաղթում եմ Ձեզ շարունակական հաջողություններ, իսկ Հյուսիսային Մակեդոնիայի բարեկամ ժողովրդին՝ բարօրություն և կայուն առաջընթաց»։

Հայաստանի պետական եկամուտների կոմիտեն հիշեցնում է, որ Հայաստանի Հանրապետություն ներմուծվող և Հայաստանից Ռուսաստան արտահանվող մի շարք ապրանքախմբերի համար գործում է դրոշմավորման փոխճանաչելիության հատուկ կարգ։ 
Պետական եկամուտների կոմիտեն այդ մասին հաղորդագրություն է տարածել։

Սուրեն Գրիգորյանի ճեպազրույցը
https://www.youtube.com/live/Ts9KWwsuqp0?si=WbiNBLl-Yan2_c9H

Վարչապետ Նիկոլ Փաշինյանը Կառավարությունում ընդունել է «Հայաստանի Օքսֆորդի շրջանավարտների բիզնես ակումբ» հասարակական կազմակերպության ներկայացուցիչներին:

Երևանում hոկտեմբերի 5–6-ը կայանալիք «Հայաստան–Միացյալ Թագավորություն բիզնես համաժողով 2026»-ը Երևանում կհամախմբի գործարար և ակադեմիական ոլորտների միջազգային առաջատար ներկայացուցիչների։ Համաժողովի առանցքային բանախոսներից է Օքսֆորդի համալսարանի Saïd Business School-ի ավագ գիտաշխատող դոկտոր, պրոֆեսոր Ալեքս Քոնոքը։
Համաժողովի շրջանակում դոկտոր, պրոֆեսոր  Քոնոքը հանդես կգա «Ագենտային ԱԲ, մեդիա և մարքեթինգ» (Agentic AI, Media and Marketing)՝ կիսելով  Օքսֆորդում իր ակադեմիական գործունեությունն ու մեդիա ոլորտում տարիների փորձը։ Նա կներկայացնի, թե ինչպես են արհեստական բանականության նոր զարգացումները փոխում բիզնես հաղորդակցության, լսարանների հետ աշխատանքի և գործունեության ձևերը։
Դոկտոր, պրոֆեսոր Քոնոքը Օքսֆորդի Saïd Business School-ի բակալավրիատի, MBA և Executive MBA ծրագրերում դասավանդում է մեդիա, մարքեթինգ և արհեստական բանականություն։ Ակադեմիական գործունեությանը զուգահեռ՝ Քոնոքը հիմնել և զարգացրել է մի շարք մեդիա ընկերություններ, հեղինակել գրքեր արհեստական բանականության, մեդիայի և ձեռներեցության թեմաներով և վեց անգամ ընդգրկվել Մեծ Բրիտանիայի «Տարվա ձեռներեց» մրցանակի հավակնորդների կարճ ցուցակում։ 2025 և 2026 թվականներին Օքսֆորդի համալսարանը նրա ակադեմիական աշխատանքը գնահատել է դասավանդման նորարարության և գերազանցության համար շնորհված մրցանակներով։
ՄԱՆՐԱՄԱՍՆԵՐ

Երևանը կընդունի 2029 թվականի հեծանվահրապարակի Եվրոպայի երիտասարդների առաջնությունը

«Արմենպրես» լրատվական գործակալության տնօրեն Նարինե Նազարյանը Պրահայում այցելել է Չեխիայի լրատվական գործակալություն (ČTK), հանդիպել գործակալության գլխավոր տնօրեն Յարոսլավ Կաբելեի հետ։ Հանդիպման ընթացքում քննարկվել են համագործակցության հնարավոր ուղղություններն ու ձևաչափերը։
Նարինե Նազարյանը և Յարոսլավ Կաբելեն քննարկել են ČTK-ի նորարարական և տեխնոլոգիական գործունեության հիմնական առանձնահատկությունները։ ČTK-ն երկար տարիներ հետևողականորեն զարգացնում է թվային փոխակերպումը՝ տարիներ շարունակ կիրառելով նորությունների ավտոմատացված աշխատանքային գործիքներ և իր աշխատակիցների համար մշակելով արհեստական բանականության կիրառման ուղեցույցներ։
Կողմերը փոխադարձ հետաքրքրություն ներկայացնող մի շարք ուղղություններ են առանձնացրել՝ խմբագրական համակարգերի արդիականացումից մինչև բազմալեզու հրապարակումներ և լուսանկարչական բովանդակություն, որոնք կարող են գործնական արժեք ունենալ երկու գործակալությունների համար։
ՄԱՆՐԱՄԱՍՆԵՐ

Ֆրանսիայի հարավային Կանյե-սյուր-Մեր քաղաքում գտնվող Պիեռ-Օգյուստ Ռենուարի թանգարանից գողացել են չորս նկար։ Այս մասին հաղորդում է TF1 հեռուստաալիքը։
Դեպքի վայրից ստացված տեսագրությունների համաձայն՝ սեպտեմբերի 8-ին վաղ առավոտյան երկու անհայտ անձինք մտել են թանգարան և շրջանակներից կտրել-հանել նկարները։ Ոստիկանությունը տեղեկացվել է տեղական ժամանակով ժամը 6:00-ից կարճ ժամանակ առաջ, երբ միացել է ահազանգը։
Կանյե-սյուր-Մերի քաղաքապետի հայտարարության համաձայն՝ գողերը փախուստի ժամանակ թողել են չորս նկարներից մեկը: Գողացված աշխատանքների արժեքը գնահատվում է 9 միլիոն եվրո։
Թանգարանի հավաքածուն, Ռենուարի տասներեք նկարներից բացի, ներառում է նաև մի շարք այլ նկարիչների աշխատանքներ, ինչպիսիք են Արիստիդ Մայոլը, Պիեռ Բոնարը և Ռաուլ Դյուֆին։
Թե ում գործերն են գողացվել թանգարանից, չի հաղորդվում։

Աստանայում նույնպես հերքել են Հայաստանի վարչապետին վերագրվող հայտարարությունը Ղազախստանի վերաբերյալ

Հայաստանի արդարադատության նախարարությունը տեղեկացնում է, որ որոշ շրջանակների կողմից տարածված տեքստը չի հանդիսանում նոր Սահմանադրության նախագիծը։ 

«Որոշ շրջանակների կողմից տարածվում է տեղեկություն, թե իբր հրապարակվել է նոր Սահմանադրության նախագիծը։
Տեղեկացնում ենք, որ տարածվող այդ տեքստը չի հանդիսանում նոր Սահմանադրության նախագիծը և շրջանառվող տեղեկությունն ապատեղեկատվություն է»,– նշված է նախարարության հերքման տեքստում։ 

Նախարարությունը կոչ է անում զերծ մնալ չճշտված տեղեկությունների տարածումից և սպասել նոր Սահմանադրության նախագծի տեքստի պաշտոնական հրապարակմանը։